Video : ટેકઓફ કરતી વખતે પડ્યું પ્લેનનું વ્હીલ, લેન્ડિંગ પણ થયું સુરક્ષિત
જ્યાં સુધી પ્લેન રનવેમાં (Plane Crash) ચાલતું હતું ત્યાં સુધી બધું બરાબર હતું. પરંતુ આ પછી અચાનક જ્યારે પ્લેન ઉપરની તરફ ઉડ્યું ત્યારે થોડા અંતરે એક વસ્તુ પડતી જોવા મળી. પરંતુ બાદમાં જાણવા મળ્યું કે આ વિમાનનું મેઈન વ્હીલ છે.
પ્લેન ક્રેશનું (Plane Crash) નામ સાંભળીને કોઈ પણ હેરાન થઈ જાય છે. આજે જ આવી એક દુર્ઘટના થતા થતા રહી ગઈ. એક પ્લેને રનવે પરથી ઉડાન ભરી હતી. પ્લેનનું વ્હીલ નીચે પડ્યું ત્યારે તે હવામાં થોડે દૂર ગયું હશે. તેનો વીડિયો સોશિયલ મીડિયા પર વાયરલ થઈ રહ્યો છે. આ વાયરલ વીડિયોમાં એરક્રાફ્ટનું ગિયર વ્હીલ બહાર આવીને જોરથી નીચે પડ્યું તે જોઈ શકાય છે. આ અકસ્માત (Flight Accident) એટલાસ એરના 747 ડ્રીમલિફ્ટર સાથે થયો હતો.
ડ્રીમલિફ્ટર ઇટાલીના ટેરેન્ટો-ગ્રોટાગ્લી એરપોર્ટથી રવાના થઈ રહ્યું હતું. પ્લેન ટેક ઓફનો એક વીડિયો સોશિયલ મીડિયા પર વાયરલ થઈ રહ્યો છે. લોકો અલગ અલગ રીતે પ્રતિક્રિયા આપી રહ્યા છે. ટેક-ઓફ દરમિયાન ફ્લાઈટના વ્હીલમાંથી ધુમાડો નીકળવા લાગ્યો અને બીજી જ ક્ષણે પ્લેનનું એક વ્હીલ બહાર આવીને નીચે પડી ગયું. આ વ્હીલનું વજન 100 કિલોગ્રામ જણાવવામાં આવી રહ્યું છે. વિમાને હજારો કિલોમીટર દૂર બીજા એરપોર્ટ પર સુરક્ષિત લેન્ડિંગ કરાવામાં આવ્યું હતું.
અહીં જુઓ પ્લેનનું એક વ્હીલ પડતું હોય તેનો વાયરલ વીડિયો
747 Dreamlifter operated by Atlas Air loses a main gear wheel on departure from Taranto-Grottaglie Airport in Italy. The aircraft is still in the air enroute to Charleston Airport in the U.S. https://t.co/0xugG9gbh5
📹 The Gazzetta Mezzogiorno pic.twitter.com/LqoL8GfU2f
— Breaking Aviation News & Videos (@aviationbrk) October 11, 2022
આ રીતે મોટો વિમાન અકસ્માત ટળ્યો હતો. જ્યાં સુધી પ્લેન રનવેમાં ચાલતું હતું ત્યાં સુધી બધું બરાબર હતું. પરંતુ આ પછી અચાનક જ્યારે પ્લેન ઉપરની તરફ ઉડ્યું ત્યારે થોડા અંતરે એક વસ્તુ પડતી જોવા મળી.જો કે બાદમાં જાણવા મળ્યું કે આ વિમાનનું મેઈન વ્હીલ છે. ત્યારબાદ તરત જ પાયલટને જાણ કરવામાં આવી હતી. પરંતુ પાયલોટની સમજણના લીધે વ્હીલ વગર પ્લેનનું સુરક્ષિત લેન્ડિંગ કરવામાં આવ્યું છે. આ ડ્રીમલિફ્ટર પ્લેનમાં 18 પૈડાં છે. ઈટાલિયન અખબાર કોરીરે ડેલા સેરાના જણાવ્યા મુજબ પ્લેનનું વ્હીલ પાછળથી રનવેના છેડે એક દ્રાક્ષની વાડીમાંથી મળી આવ્યું હતું.