Health: પ્રોટીન પાઉડરના આડેધડ વપરાશથી હૃદયને રહ્યો છે ખતરો, જાણો શું કહે છે નિષ્ણાંત
ડૉ. ગંડોત્રાએ જણાવ્યું હતું કે ઘણી નિયમનકારી આરોગ્ય સંસ્થાઓ લોકોને આવા સપ્લિમેન્ટ્સ લેવાથી દૂર રહેવાની સલાહ આપે છે. તેમણે કહ્યું કે કાર્ડિયો એક્સરસાઇઝ શરૂ કરતા પહેલા કાર્ડિયોલોજિસ્ટની સલાહ લેવી જોઈએ. કેટલાક કિસ્સાઓમાં વધુ પડતી કસરત વાસોસ્પઝમ તરફ દોરી શકે છે,
તાજેતરમાં જ કર્ણાટક સરકાર પ્રોટીન (Proteins )પાઉડરના ગેરકાયદે વેચાણને રોકવાની યોજના બનાવી રહી છે. રાજ્ય સરકાર જીમમાં (Gym )જનારાઓ, બોડી બિલ્ડરો અને ફિટનેસ (Fitness )ઉત્સાહીઓમાં જાગૃતિ ફેલાવવા માટે એક વિશેષ ઝુંબેશ શરૂ કરવાનું પણ વિચારી રહી છે. કર્ણાટકના કાયદા અને સંસદીય બાબતોના પ્રધાન જેસી મધુસ્વામીએ વિધાનસભામાં જણાવ્યું હતું કે પ્રોટીન પાવડરના ગેરકાયદે વેચાણમાં સામેલ લોકો સામે કડક કાર્યવાહી કરવામાં આવશે. ભાજપના ધારાસભ્ય સતીશ રેડ્ડીએ કહ્યું કે તેમના મતવિસ્તારમાં પ્રોટીન પાઉડરના સેવનથી મૃત્યુની જાણ થઈ છે. નિષ્ણાતોનું પણ માનવું છે કે સપ્લીમેન્ટ્સના વધુ પડતા ઉપયોગથી હૃદયને નુકસાન થાય છે.
ફોર્ટિસ હોસ્પિટલ, નોઈડાના કાર્ડિયોલોજીના એડિશનલ ડાયરેક્ટર ડૉ. ધીરજ ગંડોત્રાએ જણાવ્યું હતું કે, યુવાનોમાં તેમના શરીરને બનાવવા માટે પ્રોટીન પાઉડરનો વધુ પડતો ઉપયોગ કરવાનું વલણ ખૂબ જ જોખમી છે. તેમણે કહ્યું કે પ્રોટીન પાવડર સાથે વધુ પડતી કસરત પણ શરીર માટે ખૂબ જ નુકસાનકારક છે. તે બ્લડ પ્રેશરમાં અચાનક વધારો કરી શકે છે. જે આપણા હૃદયના ધબકારા વધારે છે. અતિશય રીતે કરવામાં આવેલ કોઈપણ વસ્તુ ખતરનાક છે અને કેટલાક કિસ્સાઓમાં તે જીવલેણ સાબિત થઈ શકે છે. યુવાનોમાં હાર્ટ એટેક આવવાનું આ પણ એક કારણ છે.
આરોગ્ય પ્રધાન કે સુધાકરે વિધાનસભામાં જણાવ્યું હતું કે પ્રોટીન પાવડરના અસુરક્ષિત વપરાશ અંગે જાગૃતિ અભિયાન ચલાવવામાં આવશે. જો તેના વપરાશ પર યોગ્ય દેખરેખ રાખવામાં ન આવે તો આડઅસર અને હલકી ગુણવત્તાના અસુરક્ષિત પ્રોટીન પાવડર વિશે લોકોમાં જાગૃતિ ફેલાવવામાં આવશે.
હૃદય ખરાબ થઇ શકે છે
ડૉ. ગંડોત્રાએ જણાવ્યું હતું કે ઘણી નિયમનકારી આરોગ્ય સંસ્થાઓ લોકોને આવા સપ્લિમેન્ટ્સ લેવાથી દૂર રહેવાની સલાહ આપે છે. તેમણે કહ્યું કે કાર્ડિયો એક્સરસાઇઝ શરૂ કરતા પહેલા કાર્ડિયોલોજિસ્ટની સલાહ લેવી જોઈએ. કેટલાક કિસ્સાઓમાં વધુ પડતી કસરત વાસોસ્પઝમ તરફ દોરી શકે છે, એવી સ્થિતિ જેમાં મગજની રક્તવાહિનીઓ સંકુચિત થાય છે અને આપણા રક્ત પ્રવાહને અટકાવે છે. તેનાથી હૃદયને નુકસાન થાય છે.
શરીર બનાવવા માટે કુદરતી સપ્લિમેન્ટ્સનો ઉપયોગ કરો
આપણી પાસે ઘણા કુદરતી સપ્લિમેન્ટ્સ છે, જે આપણે આપણા શરીરને બનાવવા માટે ખાઈ શકીએ છીએ. સોયા, ઈંડા અને દૂધમાંથી બનેલા ઉત્પાદનો પ્રોટીનના વધુ સારા સ્ત્રોત છે, જે કુદરતી છે અને શરીરને કોઈ નુકસાન પહોંચાડતું નથી. ડો.ગંડોત્રાએ ચેતવણી આપતાં જણાવ્યું હતું કે મોટા ભાગના કિસ્સાઓમાં આ પ્રોટીન પાઉડરમાં શું સમાયેલું છે તે આપણે જાણતા નથી.
જીમમાં જતા પહેલા, આહાર વિશે ચોક્કસપણે ડૉક્ટરની સલાહ લો
ડો.ગંડોત્રાએ જણાવ્યું હતું કે યુવાનો એક ભૂલ કરે છે કે તેઓ જીમમાં ભારે કસરતનો આશરો લે છે અને તેમના શરીરને ઝડપથી બનાવવા માટે મોટી માત્રામાં પ્રોટીન પાવડરનો પણ ઉપયોગ કરે છે. જેની સખત મનાઈ છે. આ કરતા પહેલા હૃદયનું મૂલ્યાંકન જરૂરી છે. ફક્ત તમારા હૃદયને જ સુરક્ષિત રાખવાની જરૂર નથી. શરીરના અન્ય ભાગોને પણ અસર થઈ શકે છે જેમ કે તમારી કિડની અને લીવર. તે આપણી ધમનીઓને નુકસાન પહોંચાડી શકે છે. જો ડૉક્ટરે તેના માટે સ્પષ્ટપણે સંમતિ આપી હોય તો જ વ્યક્તિએ ભારે કસરતનો વિકલ્પ પસંદ કરવો જોઈએ.
(આ લેખમાં આપવામાં આવેલી માહિતી સામાન્ય ધારણાઓ પર આધારિત છે. TV9 આની પુષ્ટિ કરતું નથી. નિષ્ણાતની સલાહ લીધા પછી જ આને અનુસરો.)
Latest News Updates
