Health: શિયાળામાં આ જ્યુસ રોગપ્રતિકારક શક્તિ વધારશે, રોગો દૂર રહેશે

Health: શિયાળામાં આ જ્યુસ રોગપ્રતિકારક શક્તિ વધારશે, રોગો દૂર રહેશે
juce health benifits (Symbolic Photo)

શિયાળો હોય કે ઉનાળો દરેક ઋતુમાં જ્યુસ સ્વાસ્થ્ય માટે ફાયદાકારક હોય છે. જ્યુસને હેલ્ધી ડ્રિંક્સની યાદીમાં પણ ગણવામાં આવે છે. શિયાળામાં તમારા સ્વાસ્થ્ય માટે કેટલાક જ્યુસ ફાયદાકારક રહે છે અને રોગપ્રતિકારક શક્તિને વધારે છે.

TV9 GUJARATI

| Edited By: Tanvi Soni

Jan 18, 2022 | 7:41 AM

શિયાળા (Winter)ની ઋતુમાં શરીરને વિશેષ કાળજીની જરૂર હોય છે અને જ્યુસ (Juice)ને હેલ્ધી ડ્રિંક્સની યાદીમાં પણ ગણવામાં આવે છે. ત્યારે શિયાળામાં ફિટ રહેવા માટે હેલ્ધી ડાયટ (Healthy diet) લેવું ખૂબ જ જરૂરી છે. આ માટે લોકો પોતાના ડાયટમાં ઘણા પ્રકારના હેલ્ધી ફૂડ્સનો સમાવેશ કરે છે.

શિયાળો હોય કે ઉનાળો દરેક ઋતુમાં જ્યુસ સ્વાસ્થ્ય માટે ફાયદાકારક હોય છે. જ્યુસને હેલ્ધી ડ્રિંક્સની યાદીમાં પણ ગણવામાં આવે છે. શિયાળામાં તમારા સ્વાસ્થ્ય માટે કેટલાક જ્યુસ ફાયદાકારક રહે છે અને રોગપ્રતિકારક શક્તિને વધારે છે.

પાલકનો રસ

શિયાળાની ઋતુમાં રોગો સામે રક્ષણ આપવા માટે પણ પાલકનો રસ ખૂબ જ અસરકારક માનવામાં આવે છે. શિયાળામાં રોગપ્રતિકારક શક્તિ માટે પાલક ખૂબ સારી છે. તેમાં કેરોટીન, એમિનો એસિડ, આયર્ન, આયોડિન, પોટેશિયમ અને મેગ્નેશિયમ જેવા પોષક તત્વો હોય છે. આ સાથે વિટામીન A, C, K, E અને B કોમ્પ્લેક્સ પણ ભરપૂર માત્રામાં હોય છે. પાલકનું નિયમિત સેવન કરવાથી આપણા શરીરનું પીએચ લેવલ સંતુલિત રહે છે. પાલકમાં પ્રોટીન અને ફાઈબર પણ ભરપૂર માત્રામાં હોય છે.

બીટ-ગાજર,ટામેટા અને આદુનો રસ

શિયાળામાં બીટ, ગાજર,ટામેટા અને આદુનો રસ પીવો ખૂબ જ ફાયદાકારક છે. શિયાળામાં આદુનું સેવન કરવાથી શરીરમાં ગરમી આવે છે. તમે આ જ્યુસ એક્સરસાઇઝ કરતા પહેલા કે પછી પી શકો છો. આ રસમાં વિટામિન અને મિનરલ્સ મળી આવે છે, સાથે જ તેમાં આયર્ન, વિટામિન એ અને વિટામિન સી પણ મળી આવે છે. આ રસ એનિમિયાની સમસ્યાને ઘટાડે છે અને રોગપ્રતિકારક શક્તિ વધારે છે.

ગાજર- લીલા સફરજન અને સંતરાનો જ્યૂસ

આ જ્યૂસ માત્ર ટેસ્ટી જ નહીં પણ ખૂબ જ હેલ્ધી પણ છે. આ જ્યુસમાં એન્ટીઓક્સીડેન્ટ સહિત વિટામિન સી અને વિટામિન એ પણ મળી આવે છે. આ જ્યુસ પીવાથી રોગપ્રતિકારક શક્તિ વધે છે.

ટામેટાંનો રસ

ઘણા લોકો શિયાળામાં ટામેટાંનો રસ પણ પીવે છે. ટામેટા તમારા સ્વાસ્થ્ય માટે ખૂબ જ ફાયદાકારક છે. ટામેટાંમાં ભરપૂર માત્રામાં ફાઈબર અને વિટામિન B9 હોય છે. આ ઉપરાંત, તે વિટામિન સીનો પણ સારો સ્ત્રોત છે. ટામેટાંનું સેવન કરવાથી તમે ઈન્ફેક્શનથી બચી શકો છો. આ જ્યુસ રોગપ્રતિકારક શક્તિને વધારે છે અને કબજિયાતની સમસ્યાને દૂર કરે છે. ટામેટાંનો રસ વજન ઘટાડવા માટે પણ સારો માનવામાં આવે છે.

ખાટા ફળોનો જ્યૂસ

સાઇટ્રસ ફ્રૂટમાં વિટામિન સી ભરપૂર માત્રામાં હોય છે. સાઇટ્રસ ફળોનો રસ પીવાથી રોગપ્રતિકારક શક્તિ વધે છે, રોગો દુર રહે છે. સાઇટ્રસ ફ્રુટ જ્યુસ આપણને માત્ર હેલ્ધી જ નથી રાખતા પરંતુ શરદી અને તાવથી પણ બચાવે છે. તમે નારંગી, મોસમી અને દ્રાક્ષનો રસ પણ પી શકો છો.

(વૈધાનિક ચેતવણીઃ આ લેખ માત્ર જાણકારી માટે છે. આનો ઉપયોગ-ઉપચાર કરતા પૂર્વે આપ આપના તબીબ અથવા આ બાબતના તજજ્ઞનો સંપર્ક કરીને જરૂરી પુછપરછ કરશો)

આ પણ વાંચો

White Onion Benefits : સફેદ ડુંગળી ફક્ત સ્વાદ જ નહીં વધારે આપશે આ ફાયદા પણ

આ પણ વાંચોઃ

Health Tips : શેકેલું લસણ ખાવાના આ પાંચ ફાયદા જાણો, થઇ જશો હેરાન

Follow us on

Related Stories

Most Read Stories

Click on your DTH Provider to Add TV9 Gujarati