Skincare Tips: સવારે ઉઠ્યા પછીની આ ટેવો બદલી દેશે તમારું જીવન, મળશે અવિશ્વનીય પરિણામ
અત્યારના સમયમાં સૌને સારી ત્વચા જોઈએ છે. પરંતુ તેના માટેની કાળજી લેવાનો સમય કોઈ પાસે નથી. ચાલો આજે અમે તમને જણાવીએ કેવી રીતે કેટલીક આદતો ત્વચા માટે ફાયદાકારક છે.
આપણી વ્યસ્ત જીવનશૈલીને કારણે આપણે આપણી ત્વચા (Skin) તરફ ધ્યાન આપતા નથી. આની સાથે પ્રદુષણની અસર આપણી ત્વચા પર પણ પડે છે. આ સમય એવો છે કે સૌને સુંદર અને ગ્લો કરતી ત્વચા જોઈએ છે. દરેકની ઇચ્છા છે કે તેમની ત્વચા સારી રહે. પરંતુ આ માટે કેટલીક મહેનત પણ જરૂરી છે. તમારે તમારી કેટલીક આદતોમાં સુધારો કરવો પડશે અને કેટલીક સારી ટેવો અપનાવવી પડશે. ચાલો આપણે તમને જણાવી દઈએ કે વહેલી સવારની (Morning Health)કેટલી આદતો તમારા સ્વાસ્થ્ય માટે જ નહીં પણ તમારી ત્વચા માટે પણ કેટલી સારી છે.
વહેલી સવારે પાણી પીવું
જો તમને ચમકતી (Glowing) અને સ્વસ્થ ત્વચા જોઈએ છે, તો પછી રોજ સવારે ઉઠો અને ખાલી પેટ એક ગ્લાસ પાણી પીવો. આ આદાત તમારા શરીરમાંથી ટોક્સીન (Toxin) દૂર કરે છે અને તમારી ત્વચાને કુદરતી ગ્લો આપે છે. ખરેખર સ્વસ્થ અને ચમકતી ત્વચા મેળવવા માટે, માત્ર સવારે જ નહીં પરંતુ દરરોજ ઓછામાં ઓછું 3 થી 4 લિટર પાણી પીવો.
પરસેવો પાડવો, મહેનત કરવી
તંદુરસ્તી અને ગ્લો મેળવવા માટે ક્યારેય તમારા વર્કઆઉટને (Workout) અવગણો નહીં. દરરોજ લગભગ 30 થી 45 મિનિટ વર્કઆઉટ કરો. વ્યાયામ કરવાથી તમારા લોહીનું પરિભ્રમણ વધે છે અને તેનાથી તમારા ધબકારાની ગતિ વધે છે. તે તમને ચમકતી અને સ્વસ્થ ત્વચા આપે છે. તેમજ ત્વચામાં કોલેજનના ઉત્પાદનમાં સુધારો લાવે છે.
ક્લીંજિંગ, ટોનીંગ અને મોઇશ્ચરાઇઝિંગ
જો તમે સ્કિનકેર પ્રોડક્ટ્સનો વધારે ઉપયોગ કરતા નથી, તો તમારે સ્કિનકેરના મૂળભૂત રૂટિનને અનુસરવો જોઈએ. તમારે ક્લીંજિંગ, ટોનિંગ અને મોઇશ્ચરાઇઝિંગ રૂટીનનું પાલન કરવું જોઈએ. આ ત્રણ પગલા લેવામાં થોડી મિનિટો લેશે, પરંતુ તે તમારી ત્વચામાં ઘણો ફેરફાર લાવશે. તમારી ત્વચાના પ્રકાર અનુસાર ક્લીંઝર ખરીદો. ત્વચા પર ટોનર લગાવવા માટે કોટનનો ઉપયોગ કરો. ક્લીંઝર દ્વારા જામી ગયેલી ઝીણી ગંદકી બહાર નીકળી જાય છે. આ સાથે તમારી ત્વચા થોડા સમય માટે ગ્લો થવા લાગશે.
આ સાથે, અઠવાડિયામાં બે વાર ત્વચાને એક્સ્ફોલિયેટ કરવાનું ભૂલશો નહીં. આ સિવાય તડકામાં નિકળતાં પહેલાં એસપીએફ સાથે સનસ્ક્રીન લગાવો.
આ પણ વાંચો: Raj Kundra Arrest Case: રાજ કુંદ્રાને આજે કોર્ટમાં રજૂ કરવામાં આવશે, આખી રાત ચાલી આ પ્રક્રિયાઓ, જાણો
આ પણ વાંચો: Skin Care : સ્કિનને ગ્લોઈંગ રાખવા માટે અપનાવો આ ટીપ્સ, સ્કિનની સમસ્યાને કહો અલવિદા
(નોંધ આ લેખ માત્ર જાણકારી માટે છે. આનો ઉપયોગ કરતા પૂર્વે આપ આપના તબીબ અથવા આ બાબતના તજજ્ઞનો સંપર્ક કરીને જરૂરી પુછપરછ કરશો.)