કોરોના કાળમાં Honey નું સેવન તમારી રોગ પ્રતિકારક શક્તિ વધારશે, જાણો મધના ફાયદા

દેશમાં ફરીથી કોરોનાનું સંક્રમણ વધી રહ્યુ છે તેનાથી બચવા માટે આરોગ્ય પ્રત્યે સજાગ રહેવાની જરૂર છે અને રોગ પ્રતિકાર શક્તિ વધારવાની જરૂર છે

  • tv9 webdesk39
  • Published On - 13:20 PM, 3 Apr 2021
કોરોના કાળમાં Honey નું સેવન તમારી રોગ પ્રતિકારક શક્તિ વધારશે, જાણો મધના ફાયદા

દેશમાં ફરીથી કોરોનાનું (Corona) સંક્રમણ વધી રહ્યુ છે તેનાથી બચવા માટે આરોગ્ય પ્રત્યે સજાગ રહેવાની જરૂર છે. ખાસ કરીને તમારી રોગ પ્રતિકારક શક્તિને વધારવાની જરૂર છે આવી સ્થિતિમાં મધનું સેવન તમારા માટે ખૂબ ફાયદાકારક હોઈ શકે છે. હની (Honey) એ ખનીજ, વિટામિન અને અન્ય પોષક તત્વોનો સંગ્રહ છે. રોગપ્રતિકારક શક્તિને મજબૂત કરવા ઉપરાંત, મધ અનેક પ્રકારની સમસ્યાઓથી રાહત મેળવવા માટે અસરકારક છે. આયુર્વેદમાં તેનો ઉપયોગ તમામ રોગોના ઇલાજ માટે થાય છે.

  • જો લાંબા સમયથી ઉધરસની સમસ્યા છે તો મધનું સેવન ખૂબ જ ઉપયોગી સાબિત થઈ શકે છે. મધમાં એન્ટીબેક્ટેરિયલ ગુણ હોય છે જે ચેપ અટકાવવાનું કામ કરે છે. વળી, મધ સરળતાથી કફ દૂર કરે છે. આદુના રસમાં મધ મેળવીને ખાવાથી પણ ઘણી રાહત મળે છે.
  • હની વજન ઘટાડવા માટે પણ મદદગાર સાબિત થઇ શકે છે. તેમાં કોઈ ચરબી હોતી નથી. આ સિવાય મધ કોલેસ્ટ્રોલનું સ્તર પણ નિયંત્રિત કરે છે. વજન ઘટાડવા માટે, તમે હળવા ગરમ પાણીમાં મધ મેળવીને સવારે ખાલી પેટ પી શકો છો.
  • ગળાના દુખાવાને દૂર કરવા માટે પણ મધ ખૂબ અસરકારક છે. જો તમને ગળું દુખતું હોય તો મધનું સેવન કરવાથી તમને ઘણી રાહત મળશે
  • કબજિયાતએ અનેક રોગોનું મૂળ છે. કબજિયાતની સમસ્યાને દૂર કરવા માટે મધ ખૂબ ફાયદાકારક સાબિત થઈ શકે છે. તેનું નિયમિત સેવન કરવાથી પેટના ગેસ અને એસિડિટીથી પણ ઘણી રાહત મળે છે.
  • મધમાં એન્ટીબેક્ટેરિયલ અને બળતરા વિરોધી ગુણધર્મો છે. જો કોઈ પણ જગ્યાએ સોજો અથવા દુખાવો થાય છે, અથવા જો કોઈ ઘા છે, તો તે જગ્યાએ મધનો સીધો ઉપયોગ કરી શકાય છે. આનાથી ઘણો આરામ મળશે.
  • જો તમારી ત્વચા ખૂબ શુષ્ક હોય તો ત્વચામાં ભેજ લાવવા માટે મધનો ઉપયોગ કરી શકાય છે. આ માટે, તમે ફેસપેક તરીકે મધનો ઉપયોગ કરી શકો છો

સાવચેતી રાખવા જેવી બાબત

મધના આ ફાયદા ત્યારે જ મળી શકે છે જ્યારે આપણે ચોખ્ખા મધનું સેવન કરીએ. આજકાલ બજારમાં નકલી મધ પણ વેચાય રહ્યા છ, જે ફાયદાને બદલે આરોગ્યને નુકસાન પહોંચાડે છે. વાસ્તવિક મધ ખૂબ જાડું હોય છે અને પાણીમાં ઉમેર્યા પછી સરળતાથી ઓગળી જતુ નથી. નકલી મધ પાણીમાં નાખ્યાં પછી તરત જ ઓગળી જાય છે. જો કે મધની શુદ્ધતા તપાસવા માટે આ એક સચોટ સ્કેલ નથી, પરંતુ આ હદ સુધી તમે વાસ્તવિક અને નકલી વચ્ચેના તફાવતનો અંદાજ લગાવી શકો છો.