Health Tips: ભોજન પર ઉપરથી મીઠું છંટકાવ કરવાની આદત ધરાવતા હોવ તો આ આર્ટિકલ અચૂક વાંચો

Health Tips: ભોજન પર ઉપરથી મીઠું છંટકાવ કરવાની આદત ધરાવતા હોવ તો આ આર્ટિકલ અચૂક વાંચો
મીઠાના ગેરફાયદા

Health Tips : Health Tips : ઘણા લોકોને ઉપરથી મીઠું નાખવાની આદત હોય છે. તે લાંબા ગાળે નુકસાન પહોંચાડે છે. ભોજન પર મીઠાનો છંટકાવ કરવાથી સ્વાસ્થ્યને નુકસાન થાય છે.

TV9 GUJARATI

| Edited By: Parul Mahadik

Jul 02, 2021 | 2:46 PM

Health Tips : કહેવાની જરૂર નથી કે મીઠું(Salt) રસોડામાં એક અભિન્ન ભાગ ભજવે છે. કારણ કે તે ખોરાકમાં સ્વાદ ઉમેરવા સાથે ખોરાકને ખાદ્ય અને સ્વાદિષ્ટ બનાવે છે તમારા ખોરાકમાં મીઠુંનો સ્વાદ પ્રમાણસર રાખવો એ એક કળા છે. વધારાની ચપટી મીઠું સ્વાદને બદલી શકે છે અથવા વાનગીને બગાડે છે. અને માત્ર સ્વાદ જ નહીં, તમારા આહારમાં થોડું વધારે મીઠું પણ ગંભીર આરોગ્ય અસર કરે છે.

જ્યારે શરીરના યોગ્ય કાર્ય માટે અમુક માત્રામાં મીઠું જરૂરી હોય છે. ત્યારે વધુ પડતા વપરાશથી આરોગ્યની વિવિધ સમસ્યાઓ થઈ શકે છે. કેટલાક લોકોને ખોરાકની પ્લેટ પર થોડું વધારે મીઠું છાંટવાની આદત હોય છે. વાસ્તવમાં તે આરોગ્યપ્રદ નથી. તમારા સ્વાસ્થ્યને તે લાંબા ગાળે નુકસાન પહોંચાડી શકે છે. ભોજન પર મીઠાનો વધારે છંટકાવ તમારા સ્વાસ્થ્યને કેવી અસર કરશે તે તમને જાણવાની જરૂર છે.

મીઠું શરીરના સામાન્ય કાર્ય માટે જરૂરી છે. જો કે, વધુ પડતા મીઠાના સેવનથી હાઈ બ્લડ પ્રેશર, અસ્થમા, પેટનું કેન્સર અને વજન વધવાનું જોખમ રહેલું છે. મીઠુંનું પ્રમાણ વધુ લેવાથી તે હાર્ટ રોગો અને કિડનીની સમસ્યાઓ પણ સાથે લાવે છે. તે રુધિરાભિસરણ તંત્ર અને નર્વસ સિસ્ટમ બંને પર અસર કરે છે.

તમારે રાંધેલા ખોરાક પર મીઠું કેમ ન છાંટવું જોઈએ

સામાન્ય રીતે, આપણામાંના મોટાભાગના ખોરાકમાં મીઠું ઉમેરતા હોય છે જ્યારે તેઓને ભોજનમાં સ્વાદ ઓછો લાગે છે. પરંતુ તે માત્ર સ્વાસ્થ્ય સમસ્યાઓને જ નિમંત્રણ આપી શકે છે. વધારાનું મીઠું જે તમે તમારા ખોરાક પર છાંટતા હો તે શરીર દ્વારા સરળતાથી ગ્રહણ થતું નથી, જેનાથી સિસ્ટોલિક બ્લડ પ્રેશરના સ્તરમાં વધારો થાય છે. હાઈ બ્લડ પ્રેશરવાળા લોકોએ આ ટેવને ટાળવી જોઈએ.

મીઠુંનું કેટલું સેવન કરવું ? તંદુરસ્ત પુખ્ત વયના લોકો માટે દરરોજ મીઠાનું સેવન એકથી બે ગ્રામ કરતા વધુ ન હોવું જોઈએ અને બાળકો માટે તે ઓછું હોવું જોઈએ. જો કે, જે લોકો હાઈ બ્લડ પ્રેશરથી પીડિત છે અથવા ડાયાલિસિસ અથવા તેનાથી સંબંધિત વિકારોમાંથી પસાર થઈ રહ્યા છે. તેઓને દરરોજ 250 મિલિગ્રામ મીઠું સેવન કરવાની સલાહ આપવામાં આવે છે.

એવું પણ કહેવામાં આવે છે કે હાઈ બ્લડ પ્રેશર લોકોને સિંધવ મીઠું અથવા rock salt વાપરવું જોઈએ. તે મીઠું પર પ્રક્રિયા કરવામાં આવતી નથી અને સામાન્ય મીઠાની તુલનામાં એક તંદુરસ્ત વિકલ્પ બનાવે છે.

(વૈધાનિક ચેતવણીઃ આ લેખ માત્ર જાણકારી માટે છે. આનો ઉપયોગ-ઉપચાર કરતા પૂર્વે આપ આપના તબીબ અથવા આ બાબતના તજજ્ઞનો સંપર્ક કરીને જરૂરી પુછપરછ કરશો)

Follow us on

Related Stories

Most Read Stories

Click on your DTH Provider to Add TV9 Gujarati