Health Tips : ચેતી જજો, તમે આદુના નામે કોઈ ઝાડનુ મૂળ તો નથી ખરીદતા ને ? બગડી શકે છે તમારું સ્વાસ્થ્ય
Ginger : હાલ કોરોના કાળ ચાલી રહ્યો હોય લોકો ઇમ્યુનીટી વધારવા માટે ઉકાળાનું સેવન કરતા હોય છે જેમાં પણ આદુનો ઉપયોગ કરવામાં આવે છે. આ દરમિયાન લોકોને નકલી આદુ (Fake Ginger) પણ આપી દેવામાં આવે છે.
Health Tips : ઘણા લોકો જેના શરૂઆત આદુવાળી (Ginger) ચા થી થાય છે. શિયાળાની ઋતુમાં આદુનો વપરાશ વધી જાય છે. આદુનો ઉપયોગ આપણે ઘણા શાકમાં પણ કરીએ છીએ. હાલ કોરોના કાળ ચાલી રહ્યો હોય લોકો ઇમ્યુનીટી વધારવા માટે ઉકાળાનું સેવન કરતા હોય છે જેમાં પણ આદુનો ઉપયોગ કરવામાં આવે છે. આ દરમિયાન લોકોને નકલી આદુ (Fake Ginger) પણ આપી દેવામાં આવે છે.
કોરોનાની બીજી લહેર દરમિયાન આદુનો ભાવ આસમાને પહોંચ્યો છે. આદુની સૌથી વધુ માંગ ચીન, ભારત અને યુરોપમાં થઇ છે. આ જ કારણે નકલી આદુનું વેચાણ વધવા પામ્યું છે. જો તમે પણ આદુની ખરીદી કરવા માર્કેટમાં જતા હોય તો સાવધાન થઇ જાવ. આદુના બદલે ઝાડના મૂળને વેચી લોકોને પધરાવી દે છે.
આ નકલી આદુમાં કોઈ આદુના ગુણ નથી હોતા કે આદુ જેવો સ્વાદ પણ નથી હોતો. નકલી આદુ જોવામાં અસલ આદુ જેવો જ દેખાઈ છે. આ નકલી આદુને સૂકવીને સૂંઠ તરીકે બજારમાં વેચવામાં આવે છે.
જણાવી દઈએ કે, આદુ કરતા પહાડી ઝાડના મૂળ વેચવાને કારણે નફો વધુ થાય છે. તેથી આ દિવસોમાં બજારોમાં તે ખૂબ વેચાઇ રહ્યું છે. એટલું જ નહીં, હવે તેની ખેતી પણ થઈ રહી છે. તમને જણાવી દઈએ કે, અસલી અને નકલી આદુ વચ્ચેનો ફર્ક.
નકલી આદુ અને અસલી આદુ વચ્ચે શું હોય છે અંતર જ્યારે તમે બજારમાંથી આદુ ખરીદવા જાઓ ત્યારે તમે ખુદ નક્કી કરો. ખરીદતી વખતે, ધ્યાનમાં રાખો કે આદુની છાલ પાતળી છે, જેમાં તમે નખ નાખશો તો છાલ નીકળી જશે. હવે તમે આદુને સૂંઘીને પણ જોઈ શકો છો કે તેમાં આદુની સુગંધ આવે છે કે નહીં. જો સુગંધ તીખી હોય તો આદુ અસલી છે.
નહિંતર, તમે સમજો છો કે આદુના નામે તમને બીજું કંઈક આપવામાં આવી રહ્યું છે. આ સિવાય તમે અસલી આદુને ચાખીને પણ જોઈ શકો છો. સ્વાદ પરથી તમને ખબર પડશે કે આદુ અસલી છે કે નકલી. જો આદુની છાલ ખૂબ સખત હોય તો તેને ખરીદવાનું ટાળો કારણ કે તે આદુ નથી.
જો તમે માટીવાળા આદુ કરતા બદલે સ્વચ્છ આદુ ખરીદવાનું પસંદ કરો છો તો પછી આ ટેવ પણ બદલો. ચોખ્ખું આદુ તમારા સ્વાસ્થ્યને નુકસાન પહોંચાડવાની એક તરકીબ પણ હોઈ શકે છે. ખરેખર, આજકાલ દુકાનદારો આદુ સાફ કરવા માટે એક પ્રકારના એસિડનો ઉપયોગ કરે છે. આ આદુ એસિડથી ધોવાને લીધે તે સ્પષ્ટ રૂપે દેખાય છે. પરંતુ આ સ્વચ્છ આદુ તમારા સ્વાસ્થ્યને પણ નુકસાન પહોંચાડે છે.