મહાશિવરાત્રીના દિવસે સુરતના પારદેશ્વર મહાદેવ મંદિરમાં એકઠું થયેલું દાન પુલવામા શહીદોના પરિવારોને અપાશે

પુલવામામાં CRPFના કાફલા પર થયેલા આતંકવાદી હુમલામાં 40 જવાનો શહીદ થયા હતા. ત્યારે આ જવાનોના પરિવાર માટે દેશભરમાંથી સહાયનો ધોધ વહી રહ્યો છે. આજે મહાશિવરાત્રી અને સોમવારનો સંયોગ હોય સુરતમાં ભક્તિની સાથે દેશભક્તિ જોવા મળી હતી.

સુરતના પાલ અટલઆશ્રમ ખાતે આવેલા પારદેશ્વર મહાદેવ મંદિરે આજે મહાશિવરાત્રી પર જેટલું પણ દાન મંદિરને મળે તે તમામ પુલવામામાં શહીદ થયેલા જવાનોના પરિવારને આપવાનું નક્કી કરવામાં આવ્યું હતું. મહાશિવરાત્રિના આ પર્વ પર પાલ મંદિર પર મુકવામાં આવેલી ગુપ્ત દાનપેટીના શિવભક્તોએ પણ દિલ ખોલીને દાન આપ્યું હતું અને ભક્તિની સાથે દેશભક્તિનું પણ ઉત્તમ ઉદાહરણ પૂરું પાડ્યું હતું. ભક્તોનું કહેવું છે કે તેમણે મંદિરમાં દાન કરેલી રકમ જો સીધી જ શહીદ પરિવાર સુધી પહોંચતી હોય તો તેનાથી ઉત્તમ બીજું શું હોય શકે?

મહાશિવરાત્રી એવો પર્વ છે જ્યારે શિવમંદિરોમાં ભક્તોનું ઘોડાપુર ઉમટતું હોય છે.  આ પહેલા પણ સુરતમાં અક્ષયકુમારની હાજરીમાં યોજાયેલા એક શામ શહીદો કે નામ નામના કાર્યક્રમમાં કરોડો રૂપિયાની સહાય શહીદ પરિવારો માટે થઈ હતી તેમજ ડાયમંડ ટેક્સટાઇલમાંથી પણ સહાય આપવામાં આવી હતી. ત્યારે આજે શિવભક્તોએ ભક્તિની સાથે દેશભક્તિ બતાવતા મહાશિવરાત્રીની ઉજવણી સાર્થક બની હતી.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=” Watch more interesting videos on TV9 Gujarati YouTube channel”]