શું છે સિંહોના મોત પાછળનું યોગ્ય કારણ ? વાયરસ, બેદરકારી કે પછી તંત્ર

– બીજી તરફ વનવિભાગે નબળા સિંહોને અમેરિકી રસી આપવાનો નિર્ણય લેતા સક્કરબાગ ઝૂમાં સિંહ-દિપડામાં સી.ડી.વી. દેખાયા બાદ આ રસી આપનારા ડો.સી.એન.ભુવા આજે મોડેથી વેક્સિનેશનની કામગીરીમાં જોડાયા હતા અને વેટરનરી રીસર્ચ ઈન્સ્ટિટ્યૂટ બરેલીની ટીમ સાથે તેઓએ ચર્ચા કરી હતી.

તો આ તરફ ગીરમાં સિંહોની કુદરતી મારણ શકિત સામે જ પ્રશ્નાર્થ ઊભો થયો છે. સિંહોને બિમાર પશુઓ અને મરઘા ખવડાવાતા હોવાના કારણે બિમાર થઇ રહ્યા છે. તંત્રની ઘોર બેદરકારીથી સિંહોના પ્રાકૃતિક શિકાર સામે ખલેલ સર્જાઈ છે, અને મારણની બિમારી સિંહોને લાગૂ પડી છે.

– તમામ રિપોર્ટ પછી વન તંત્રના ઉચ્ચ અધિકારીએ આખરે સિંહોમાં ‘કેનાઈન ડિસ્ટેમ્પર’ નામની ઘાતક બીમારી હોવાનો સ્વીકાર કર્યો છે. હાલમાં વધુ 3 સિંહોની સ્થિતિ નાજૂક હોવાનું જાણવા મળે છે. જે પછી દલખાણીયા રેન્જના વધુ બે સિંહોએ પણ સારવાર દરમિયાન દમ તોડયો હતો. સિંહોને કુદરતી શિકારને બદલે તૈયાર મારણ આપવાથી બીમારી વકરી છે.

– વનતંત્રએ આખરે મોડે મોડે સ્વીકાર્યું હતું કે 4 સિંહોમાં કેનાઈન ડિસ્ટેમ્પર જેવી ઘાતક બિમારીના લક્ષણો જોવા મળ્યા છે. આથી 28 સિંહોને રેસ્કયુ કરી એનિમલ કેર સેન્ટરમાં રાખી વેક્સિનેશનની કામગીરી ચાલી રહી છે. હાલમાં મૃત્યુ પામેલા 23 સિંહોની સાથેના અન્ય પાંચ સિંહોની સ્થિતિ ચિંતાજનક છે.

– સરકારના ગીરમાં 64 ટીમો દ્વારા 600 સિંહોના સ્ક્રિનિંગનું નેતૃત્વ કરનાર ચીફ વાઈલ્ડ લાઈફ વોર્ડન અક્ષય સક્સેનાએ જણાવ્યું કે 4 સિંહોમાં કેનાઈન ડિસ્ટેમ્પરના લક્ષણો જણાતા તમામ સિંહોનું પરીક્ષણ થઇ રહ્યું છે. જુદી જુદી રેન્જ જામવાળા, જસાધાર અને આસપાસના સિંહો પર પણ નજર રાખવામાં આવી રહી છે.

– આ તરફ ગીરમાં સિંહોના મોત વાયરસ અને પ્રોટોઝોલા ઈન્ફેક્શનના કારણે થયાની જાહેરાત બાદ હવે આ મામલે અધિકારીઓની બેદરકારીની પણ તપાસ શરૂ થઈ છે.

– તો મુખ્યમંત્રીએ જણાવ્યું કે સિંહોના મોત મામલે જે પણ અધિકારી બેદરકાર જણાશે તેની સામે આકરાં પગલાં લેવાશે. બીજી તરફ ઉત્તરપ્રદેશના ઈટાળા સફારી પાર્ક અને દિલ્હી ઝૂના નિષ્ણાતોએ આઈસોલેટ કરેલા સિંહો ઉપર વેક્સિનેશન માટે કામગીરી શરૂ કરી દીધી છે. તેમજ આ મામલે હવે રાજ્ય સરકારની કેબિનેટ ટીમ પણ મોટી જાહેરાત કરી શકે છે.

– બીજી તરફ નામદાર હાઇકોર્ટે પણ આ મામલે લાલ આંખ કરતાં અવલોકન કર્યું છે અને સિંહોને આપવામાં આવતાં ખોરાક સામે સવાલો ઉઠાવ્યા છે અને તેમાં પગલાં ભરવા માટે કહ્યું છે.