Vadodara : નંદેસરી જીઆઇડીસીની ખાનગી કંપનીમાં મોટી આગ, સાત કામદારો ઇજાગ્રસ્ત
વડોદરાની નંદેસરી GIDCમાં આવેલી દિપક નાઇટ્રેટ કંપનીમાં આગ લાગી છે. જો કે આ ઘટનાની જાણ થતાં ફાયર બ્રિગેડની ચાર ટીમો ઘટના સ્થળે પહોંચી છે. જેમાં દિપક નાઇટ્રેટ કંપની તથા આસપાસની અન્ય કંપનીઓ દ્વારા આગને કાબુમાં લેવાનો કોશિષ શરૂ કરવામાં આવી છે
વડોદરાની(Vadodara) નંદેસરી GIDCમાં આવેલી દિપક નાઇટ્રેટ કંપનીમાં આગ(Fire) લાગી છે. જો કે આ ઘટનાની જાણ થતાં ફાયર બ્રિગેડની ચાર ટીમો ઘટના સ્થળે પહોંચી છે. જેમાં દિપક નાઇટ્રેટ કંપની તથા આસપાસની અન્ય કંપનીઓ દ્વારા આગને કાબુમાં લેવાનો કોશિષ શરૂ કરવામાં આવી છે . આ દરમ્યાન વડોદરા મ્યુનિસિપલ કોર્પોરેશનના ફાયરબ્રિગેડની 4 ટિમો ઘટના સ્થળે પહોંચી આગને કાબુમાં લેવા પ્રયાસ હાથ ધર્યા છે. જો કે કંપનીમાં વિસ્ફોટ સાથે આગ ફાટી નીકળવા ધુમાડાના ગોટગોટા દૂર દૂર સુધી દેખાઇ રહ્યા છે.
વડોદરાના નંદેસરી GIDCમાં દીપક નાઈટ્રેટ કેમિકલ કંપનીમાં લાગેલી આગ મોડી રાત સુધીમાં કાબૂમાં આવી શકે છે…વિકરાળ આગના પગલે ફાયર વિભાગે બ્રિગેડ કોલ જાહેર કર્યો છે. સાથે જ નજીકના વિસ્તારમાંથી 200 લોકોને પણ સલામત સ્થળે ખસેડી લેવાયા છે. કેમિકલ ભરેલા કન્ટેનર સળગતા આગે વિકરાળ સ્વરૂપ ધારણ કર્યું હતું. કેમિકલ ભરેલા કન્ટેનરમાં એક બાદ એક છ વિસ્ફોટ થયા હતા.. બનાવની જાણ થતાં જ વડોદરા ફાયર વિભાગની 10 ટીમ ઘટનાસ્થળે પહોંચી ગઈ છે. અને આગ પર કાબૂ મેળવવા પ્રયાસ કરી રહી છે. દુર્ઘટનામાં સાત જેટલા કામદારો ઈજાગ્રસ્ત થયા છે જેમને સારવાર માટે છાણીની ખાનગી હોસ્પિટલમાં લઈ જવાયા હતા. જેમાંથી પાંચ લોકોને સારવાર માટે દાખલ કરાયા છે.
(With Input, Yunus Gazi ,Vadodara)
Latest News Updates
