Vadodara: ડભોઈના સાઠોદ ગામે મોટા ઉપાડે શરૂ થયેલું કોવિડ સેન્ટર સુવિધાઓના અભાવે થયું બંધ
ડભોઈ તાલુકાના સાઠોદ ગામે આશરે છેલ્લા એપ્રિલ માસમાં 35 ઉપરાંત કોરોના પોઝિટીવ દર્દીઓ એકટીવ હોય પ્રાથમિક શાળા ખાતે કોવિડ કેર સેન્ટર ખુલ્લુ મૂકવામાં આવ્યું હતું પણ કોવિડ કેર સેન્ટર ખાતે દર્દીની સાર સંભાળ માટે કોઈ હાજર રહેતું ન હતું.
ડભોઈ મારુ ગામ કોરોના મુક્ત ગામ અંતર્ગત ડભોઈ તાલુકામાં 4 ગામોમાં હોમ કોવિડ કેર સેન્ટરો ખુલ્લા મૂકવામાં આવ્યા હતા. જેમાં ડભોઈ તાલુકાના સાઠોદ ગામે આશરે છેલ્લા એપ્રિલ માસમાં 35 ઉપરાંત કોરોના પોઝિટીવ દર્દીઓ એકટીવ હોય પ્રાથમિક શાળા ખાતે કોવિડ કેર સેન્ટર ખુલ્લુ મૂકવામાં આવ્યું હતું પણ કોવિડ કેર સેન્ટર ખાતે દર્દીની સાર સંભાળ માટે કોઈ હાજર રહેતું ન હતું.
આ સેન્ટર ખાતે બે દર્દીઓ પ્રથમ દિવસે એડમિડ થયા હતા. જેમાં એક દર્દીને મોટા ફોફડીયા ખાતે રિફર કરવામાં આવ્યા હતા તો એક માત્ર મહિલા દર્દી રહેતા સતત્ત 3 દિવસ સુધી કોઈ સારવાર ન મળતા દર્દી પોતાના ઘરે હોમ ક્વોરન્ટાઈન થવા જતાં રહ્યા હતા અને કોવિડ કેર સેન્ટરને તાળાં વાગ્યા છે.
ડભોઈ તાલુકાનું સાઠોદ ગામ હાલ કોરોના મહામારીમાં સપડાયું છે, છેલ્લા એપ્રિલ માસમાં આશરે 35 ઉપરાંત કોરોનાના દર્દીઓ આ ગામમાં મળી આવ્યા છે. સરકારના નવા અભિગમ અંતર્ગત મારુ ગામ કોરોના મુક્ત ગામ અંતર્ગત ગામે ગામ કોવિડ કેર સેન્ટર ઊભા કરવામાં આવ્યા છે, જે દર્દી ઘરે સારવાર લઈ ન શકે અને હોમ આઈસોલેશનની સુવિધા ન હોય તેવા દર્દીઓને કોવિડ કેર સેન્ટરમાં દાખલ કરવામાં આવતા હોય છે.
ત્યારે સાઠોદ ગામે કોવિડ કેર સેન્ટર ખુલ્લુ મૂકાતા બે દર્દીઓ આઈસોલેટ થયા હતા. જેમાં એક દર્દીની તબિયત સારી ન હોય તેને મોટા ફોફળીયા ગામે રિફર કરવામાં આવ્યા હતા. જ્યારે અન્ય એક દર્દી એકલા સાઠોદ ગામની પ્રાથમિક શાળા ખાતે ખૂલેલ કોવિડ કેર સેન્ટરમાં એડમિડ હતા પણ દર્દીના પરિવારજનોનું કહેવું છે કે ત્રણ દિવસથી આઈસોલેટ છે પણ કોઈ સહાય કે સારવાર માટે તબીબ આવતા નથી.
તેમજ ગ્રામ પંચાયત દ્વારા પણ કોઈ સવલત ઊભી કરવામાં આવી નથી, જેથી અહીં એકલા રહેવા કરતાં અમો ઘરે હોમ આઈસોલેટ થઈ કોરોના સામે લડત લડીશું કહી પોતાનો સામાન લઈ ઘરે જવા રવાના થયા હતા.
આ પણ વાંચો : Good News: રશિયાએ સિંગલ-ડોઝ Sputnik Light કોવિડ વેક્સિનને આપી મંજૂરી, જાણો કેટલી અસરકારક