Vadodara : 100 કરોડના જમીન કૌભાંડમાં તપાસ તેજ, ભોગ બનેલાઓને ક્રાઇમ બ્રાંચનો સંપર્ક કરવા અપીલ
100 કરોડના જમીન કૌભાંડમાંક્રાઇમ બ્રાંચની ટીમ સતત પૂછપરછ કરી રહી છે. દસ્તાવેજ કરનાર નોટરીની પૂછપરછ ચાલુ છે. ટાઇટલ ક્લિયર કરી આપનાર વકીલની પણ કરાઈ પૂછપરછ કરાઈ છે. બંનેની પૂછપરછ દરમિયાન કેટલીક મહત્વની કડી મળી આવી છે.
વડોદરાના 100 કરોડની સરકારી જમીનના કૌભાંડના કેસમાં તપાસનો ધમધમાટ તેજ થયો છે. ક્રાઇમ બ્રાંચની ટીમ સતત પૂછપરછ કરી રહી છે. દસ્તાવેજ કરનાર નોટરીની પૂછપરછ ચાલુ છે. ટાઇટલ ક્લિયર કરી આપનાર વકીલની પણ કરાઈ પૂછપરછ કરાઈ છે. બંનેની પૂછપરછ દરમ્યાન કેટલીક મહત્વની કડી મળી આવી છે. સાથે જ આરોપીનો ભોગ બનેલાઓને ક્રાઇમ બ્રાંચનો સંપર્ક કરવા અપીલ કરાઈ છે. અને મુખ્ય આરોપી સંજયસિંહ પરમારને જ્યુડિશિયલ કસ્ટડીમાં મોકલાયો છે.
મૂળ સુધી જવામાં ક્રાઈમ બ્રાન્ચને મહદ્ અંશે સફળતા મળી
બહુચર્ચિત 100 કરોડના સરકારી જમીન કૌભાંડની તપાસના મૂળ સુધી જવામાં ક્રાઈમ બ્રાન્ચને મહદઅંશે સફળતા મળી છે. તપાસમાં સામે આવ્યું છે કે વાઘોડિયા રોડ પર આવેલી હરિકૃષ્ણ મહારાજ કેળવણી ટ્રસ્ટ કંડારી સ્વામિનારાયણ ગુરુકુળ ઓફિસને કોર્પોરેશનમાંથી રજા ચિઠ્ઠી ઇસ્યુ કરાઈ હતી. તે રજા ચિઠ્ઠીના નંબરનો ઉપયોગ કરીને બાંધકામ કરવામાં આવ્યું હતું. રજા ચિઠ્ઠી મેળવનારનું નામ અને જમીનનું વર્ણન બદલી બોગસ રજા ચિઠ્ઠી બનાવાઈ હતી. સંજય પરમાર કલેકટરના અસલ હુકમો લઈને નોટરી પાસે ગયા હતા.જેના પરથી નોટરીએ નકલો પર ખરાઈ કરી હતી.
જેથી જમીનનું ટાઇટલ ક્લિયર સર્ટિફિકેટ લાવી આપનાર વકીલને નોટિસ પાઠવાઈ છે. જ્યારે ટાઇટલ ક્લિયર માટે અખબારોમાં જાહેર નોટિસ આપનાર વકીલનું નિવેદન નોંધવામાં આવ્યુ. જો કે ક્રાઈમ બ્રાન્ચ હજુ એ તપાસ કરી રહી છે કે ત્રીજા આરોપી શાંતાબેનના ખાતામાંથી મુખ્ય આરોપી સંજયસિંહ પરમારે મેળવેલા દોઢ કરોડ અને પ્લોટધારકો પાસેથી મેળવેલા 80 થી 90 લાખ રૂપિયા ક્યા ગયા
Latest News Updates
