Tapi : વ્યારામાં તાલુકા શાળાના કમ્પાઉન્ડમાં જ બે મોટા વૃક્ષો ધરાશાયી, રવિવાર હોવાથી બાળકોનો બચાવ
તાપી (Tapi) તાલુકા શાળા ના ગેટ પાસે જ આ બંને ઝાડ પડતાં મોટી દુર્ઘટના ટળી હતી. આજે રવિવાર હોવાથી શાળામાં રજા હતી જેના કારણે વિદ્યાર્થીઓ ની અવરજવર ન હતી. જેના કારણે મોટી જાનહાનિ ટળી હતી. નોંધનીય છે કે આ બંને ઝાડ શાળાના કમ્પાઉન્ડની દીવાલ પર જ પડ્યા હતા. જેના કારણે દીવાલને પણ મોટું નુકસાન થયું છે.
તાપી(Tapi)જિલ્લાના વ્યારા તાલુકામાં આવેલી એક શાળામાં મોટી દુર્ઘટના બનતા બચી ગઇ હતી. આજે સવારે વ્યારાની તાલુકા શાળાની(School)મુખ્ય ગેટ નજીક ગુલમહોર અને આમલીના બે ઝાડ ધરાશાયી(Tree)થયા હતા. ધડાકાભેર આ બંને ઝાડ પડી જતાં આસપાસના લોકોમાં ભયનો માહોલ ફેલાઇ ગયો હતો. જોકે તાલુકા શાળા ના ગેટ પાસે જ આ બંને ઝાડ પડતાં મોટી દુર્ઘટના ટળી હતી. આજે રવિવાર હોવાથી શાળામાં રજા હતી જેના કારણે વિદ્યાર્થીઓ ની અવરજવર ન હતી. જેના કારણે મોટી જાનહાનિ ટળી હતી. નોંધનીય છે કે આ બંને ઝાડ શાળાના કમ્પાઉન્ડની દીવાલ પર જ પડ્યા હતા. જેના કારણે દીવાલને પણ મોટું નુકસાન થયું છે.
ઘર પાસે ઉભેલી ટવેરા કાર અને બાઈક ઝાડ નીચે દબાઈ ગઈ હતી
સવારના સમયે આ ઘટના બની ત્યારે આજે રવિવાર હોવાથી બાળકો શાળાએ આવ્યા ન હોવાથી મોટી ઘટના બનતી રહી હતી. જો કે જે સમયે આ ઘટના બની તે સમયે શાળામાં બાળકો ની અવરજવર રહેતી હોય છે.આમલી અને આ ગુલમહોરનું ઝાડનો કેટલોક ભાગ નજીકના મકાન પર પણ પડયો હતો. જેના કારણે ઘર પાસે ઉભેલી ટવેરા કાર અને બાઈક ઝાડ નીચે દબાઈ ગઈ હતી. વ્યારા નગરપાલિકાના કર્મચારીઓને ઘટના ની જાણ કરાતા તેઓ તાત્કાલિક સ્થળ પર પહોંચ્યા હતા. અને તૂટી પડેલા ઝાડના ભાગને દૂર કરવાની કામગીરી કરી હતી.
જોખમી વૃક્ષોને દૂર કરવાની માંગ પણ તંત્રને કરવામાં આવી
એક સ્થાનિક ના જણાવ્યા પ્રમાણે તાલુકા શાળાના બિલ્ડિંગ નજીક આ બંને ઝાડ વર્ષો જૂના હતા. જે આજે સવારે તૂટી પડ્યા હતા. જોકે સદનસીબે આ દુર્ઘટનામાં બાળકોના જીવ બચી ગયા હતા. કારણ કે જો સોમવારે આ સમયે આ ઘટના બની હોત તો મોટી સંખ્યામાં બાળકો પણ ઇજાગ્રસ્ત થયા હોત તેમાં કોઈ શંકાને સ્થાન નથી. જોકે કેટલાક સ્થાનિકો દ્વારા શાળા નજીક આવેલા આવા જોખમી વૃક્ષોને દૂર કરવાની માંગ પણ તંત્રને કરવામાં આવી છે.
Latest News Updates
