આજે World Cat Day : સુરતમાં મોંઘી બિલાડીઓ ખરીદવાનો ટ્રેન્ડ
8 ઑગષ્ટને વર્લ્ડ કેટ દિવસ તરીકે ઉજવવામાં આવે છે. સુરતમાં પણ હવે શ્વાન કરતા બિલાડીઓને ખરીદવાનો અને તેને ઉછેર કરવાનો ટ્રેન્ડ પાછળ વર્ષોમાં સૌથી વધારે વધ્યો છે. સુરતમાં મોંઘામાં મોંઘી બિલાડી ખરીદવામાં પણ લોકો પાછળ હટતા નથી.
Surat દુનિયાભરમાં 8 ઓગષ્ટ ને વિશ્વ બિલાડી દિવસ એટલે કે world cat day તરીકે ઉજવવામાં આવે છે. વર્ષ 2002થી દુનિયાભરમાં આ દિવસને ઉજવવાની શરૂઆત થઇ હતી. જેનો મુખ્ય ઉદ્દેશ્ય પ્રાણીઓ માટે ફંડ એકત્રિત કરવાનો હતો. આ ઉપરાંત બિલાડીઓને પાળવા માટે અને તેમના ઉછેરની જાગૃતિ લાવવાનો પણ એક ઉદ્દેશ્ય આ દિવસ ઉજવવા પાછળ રહેલો છે.
સુરતમાં પણ મોટી સંખ્યામાં લોકો પાલતુ પ્રાણીઓ રાખે છે. સુરતમાં પ્રતિ વર્ષ અંદાજે 3 હજાર જેટલી બિલાડીઓ લોકો પાળવાં માટે ખરીદે છે.
એનિમલ બ્રીડર અને પેટ્સના જાણકાર અકબર સલિમ પઠાણે જણાવ્યું હતું કે સુરતમાં 15 હજારથી લઈને 20 હજાર સુધીની બિલાડીઓની ડિમાન્ડ રહે છે. લોકોને પાલતુ પ્રાણીઓ પ્રત્યે લગાવ હંમેશા રહ્યો છે. પહેલા લોકો શ્વાન વધારે પાળતા હતા પરંતુ છેલ્લા વર્ષોમાં હવે બિલાડીઓને પાલતુ પ્રાણી તરીકે રાખવાનો ટ્રેન્ડ પણ સૌથી વધારે જોવા મળ્યો છે.
બિલાડીઓમાં પર્શિયન ડોલ્ફે નામની બિલાડી મોંઘી આવે છે. જોકે અમુક લોકો પર્શિયન એકટરિસ પંચ નામની બિલાડીની પણ વધારે ડિમાન્ડ કરે છે. જેની કિંમત 60 હજાર રૂપિયા સુધીની હોય છે. આ બિલાડીની ખાસ વાત એ છે કે તેની એક આંખ ભૂરી અને બીજી આંખ પીળા રંગની હોય છે. જેને જોનાર પણ આશ્ચર્યચકિત રહી જાય છે.
આ બિલાડીની મૂળ પ્રજાતિ ગલ્ફ દેશોની છે. અહીં લાવીને તેમની સાથે ઇન્ડિયન બ્રીડ કરાવવામાં આવે છે. વધુમાં તેમને જણાવ્યું હતું કે અત્યાર સુધી લોકો પાલતુ પ્રાણી તરીકે શ્વાનને પાળવાનું વધુ પસંદ કરતા હતા. જોકે કૂતરાનું રહન સહન અને તેના ઉછેરનો ખર્ચ વધારે હોય છે. તેમજ તેને રાખવા માટે પણ અલગ જગ્યાની જરૂર હોય છે. જે બધા માટે શક્ય નથી હોતું. તેના કારણે પણ બિલાડીઓને પાળનારા લોકોની સંખ્યા વધી છે. સુરતમાં આટલી મોંઘી બિલાડી હોવા છતાં લોકો તેને ખરીદવાનું પસંદ કરી રહ્યા છે.
આ પણ વાંચો :
Surat : હવામાંથી પ્રતિ મીનિટે 500 લિટર ઓક્સિજન ઉત્પાદન કરતા ત્રણ પ્લાન્ટ કાર્યરત કરાયા
Latest News Updates
