સુરતમાં આવી રીતે કરાતી હતી દારૂની હેરાફેરી, પોલીસે વ્હીસ્કીની 56 બોટલ કબજે કરી
સ્પેશ્યિલ ઓપરેશન ગૃપના સૂત્રો પાસેથી મળતી માહિતી અનુસાર દારૃની હેરાફેરી અંગે મળેલી બાતમીના આધારે ગોડાદરા એસએમસી ગાર્ડન પાસે વોચ ગોઠવી એક ટેમ્પો આંતરવામાં આવ્યો હતો.
સુરતમાં(Surat) અને દક્ષિણ ગુજરાતમાં થર્ટી ફર્સ્ટની ઉજવણીનો માહોલમાં પાર્ટીનું(Party) આયોજન કરવામાં આવતું હોય છે. જેમાં પણ શનિ-રવિની રજાથી નાતાલ(Natal) સેલિબ્રેશનની શરૂઆત થઇ રહી છે. ન્યૂ યર પાર્ટી એટલે કે ડીજે, ડાન્સ, ડ્રીંક એન્ડ ડીનર આધારિત હોય છે. જો કે હવે એમાં એમડી પણ ઉમેરાયું છે. પાર્ટીઓમાં માદક પદાર્થોનું સેવન રોકવા માટે શહેર પોલીસે(Police) કમર કસી છે.
સુરત પોલીસ કમિશનર દ્વારા તમામ બ્રાન્ચને સુચના આપવામાં આવી કે શહેરમાં નશીલા પદાર્થની હેરાફેરી પર નજર રાખવામાં આવે ત્યારે સુરત સ્પેશ્યિલ ઓપરેશન ગૃપના ઇન્સપેક્ટર રાજેશ સુવેરાએ તો સ્ટાફની વિશેષ મિટિંગ લઇ અસરકારક કામગીરી માટે તાકીદ પણ કરી હતી. ત્યાં સૂવેરાની આ સૂચનાનું સકારાત્મક પરિણામ અલગ જ રીતે કરવામાં આવતી દારૂની હેરાફેરીને ઝડપીને સામે આવ્યું હતું.
જેમાં પોલીસથી બચવા માટે બુટલેગરો નવા કિસ્સાઓ અજમાવતા હોય છે. ત્યારે સુરત એસઓજીની ટીમે મિનરલ વોટરના જગમાં વ્હીસ્કીની હેરાફેરી કરનારને ઝડપી પાડ્યો હતો. જેમાં 8 જગમાંથી વ્હીસ્કીની 56 બોટલ મળી હતી. આ સફળતાં બાદ તુરંત જુદી જુદી ટીમો બનાવી વ્હીસ્કી મંગાવનાર અને મોકલનારને પણ ઝડપી લેવાયા હતાં.
સ્પેશ્યિલ ઓપરેશન ગૃપના સૂત્રો પાસેથી મળતી માહિતી અનુસાર દારૃની હેરાફેરી અંગે મળેલી બાતમીના આધારે ગોડાદરા એસએમસી ગાર્ડન પાસે વોચ ગોઠવી એક ટેમ્પો આંતરવામાં આવ્યો હતો. જીજે 05 સીટી 3094 નંબરનો આ ટેમ્પો સાથેના અંબાલાલ ભુરાલાલ મેવાડા તથા દિનેશ જેઠમલ મેવાડા (રહે, ચંદ્રલોક સોસા, પરવતગામ)ને અટકાયતમાં લઇ ટેમ્પોની તલાશી લેવામાં આવી હતી.
આ બંનેએ ટેમ્પોમાં મિનરલ વોટરના જગ હોવાનું કહી પોલીસને ગેરમાર્ગે દોરવા પ્રયાસ કર્યો હતો. જો કે બાતમી પાકી હોવાથી પોલીસે આ પાણીના જગ ચેક કરવા માંડ્યા હતાં. પોલીસે આ તલાશીમાં જગમાંથી વ્હીસ્કીની બોટલ મળી આવી હતી. કુલ 8 જગમાં સંતાડેલી 56 બોટલ કબજે લઇ આ બંનેની ધરપકડ કરાઇ હતી. તેઓએ પ્રાથમિક તપાસમાં વ્હીસ્કીનો જત્થો પ્રભૂલાલ ચત્રાજી મેવાડા (રહે, સાઇનાથ સોસાયટી, સચિન હાઉસિંગે) મોકલ્યો હોવાનું તથા દિનેશ ચોથાલાલ કલાલ (રહે, વૈકુંઠધામ સોસાયટી, ગોડાદરા)ને પહોંચાડવાનો હોવાનું બહાર આવતાં આ બંનેની પણ ધરપકડ કરવામાં આવી હતી.
ખાસ કરી ને તો થર્ટી ફર્સ્ટ દરમિયાન રસિયાઓની ડિમાન્ડ વધી જતાં હોવાથી વ્હીસ્કીનો જથ્થો ઠાલવવા માટે ખેપિયાઓ, બૂટલેગરો અવનવી તરકીબો અજમાવતાં રહે છે. આવી જ એક તરકીબ તરીકે મિનરલ વોટરના જગમાં સંતાડી વ્હીસ્કીની હેરાફેરીનો પ્રયાસ કરાયો પરંતુ પોલીસે તે સફળ થવા દીધો ન હતો.
આ પણ વાંચો: વડોદરામાં બોઇલર બ્લાસ્ટ કેસમાં તપાસ તેજ કરાઇ, કેન્ટોન લેબોરેટરીના બે ડિરેકટર વિરુદ્ધ પોલીસે ગુનો દાખલ કર્યો
આ પણ વાંચો : ગુજરાત હેડક્લાર્ક પેપરલીક કાંડમાં વધુ ત્રણ આરોપીની ધરપકડ કરાઇ
Latest News Updates
