SURATનો વ્યાપ વિસ્તાર વધતા વરાછા બાદ હવે ઉધના ઝોનને પણ બે ભાગમાં વહેંચાશે

SURAT: સુરત શહેરનો વ્યાપ અને વિસ્તાર દિવસેને દિવસે વધી રહ્યો છે. સુરતના આસપાસના ગામોનો પણ સુરત નગરપાલિકામાં સમાવેશ કરાયો છે. હાલમાં થયેલા હદ વિસ્તરણમાં સુરત મહાનગરપાલિકા (Surat Municipal Corporation) 27 ગામો અને બે નગરપાલિકાનો સમાવેશ કરવામાં આવ્યો છે. જેથી હવે સુરત મહાનગરપાલિકા પર જનસંપર્ક કામગીરીનું ભારણ વધી ગયું છે.

સાથે સાથે લોકોને પ્રાથમિક સુવિધા તેમજ અન્ય મહાનગરપાલિકા સંબંધી કામો માટે દૂર સુધી જવું પડે છે. આ બાબતને ધ્યાનમાં રાખીને હવે વરાછા ઝોનની જેમ ઉધના ઝોનના પણ બે ભાગ પાડવામાં આવશે. સુરત શહેરનો કુલ વિસ્તાર 475 ચોરસ કિલોમીટર છે, જે પૈકી ઉધના ઝોને હાલમાં કુલ વિસ્તાર 90 ચોરસ કિલોમીટર જેટલો વિસ્તાર છે.

Web Stories View more

ગરમીમાં હાઈ બીપીના દર્દીઓએ ભૂલથી પણ ના ખાવી જોઈએ આ વસ્તુઓ, જાણો અહીં

કથાકાર જયા કિશોરી ગુસ્સે થાય ત્યારે શું કરે છે? જાતે ખોલ્યા રાઝ

એક નાની ઈલાયચીનું સેવન કરવાથી થશે અઢળક ફાયદા

ગુજરાતની ટીમમાં રમતી મહિલા ખેલાડીએ ગર્લફ્રેન્ડ સાથે કરી સગાઈ, તસવીરો આવી સામે

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

ઉધનાના ઘણા વિસ્તારો સમાવાય છે. જેથી હવે તેમાંથી ઉધના ઝોન બી છૂટું કરીને તેમાં અમુક નવા અને જૂના વિસ્તારો સમાવવામાં આવ્યા છે. નવા ઝોનમાં અંદાજિત 40 ચોરસ કિલોમીટરનો હશે અને વસ્તી અંદાજે 9 લાખ જેટલી હશે.

ઉધના ઝોન બીમાં કયા કયા વિસ્તારો સમાવાશે?

ઉધના ઝોનના જુદા જુદા વિસ્તારો પૈકીના ઉન, જિયાવ, સોનેરી, બુડિયા તેમજ સુરત મહાનગરપાલિકામાં નવા વિસ્તારો સચિન, કનસાડ, કનકપુર, પારડી, કણદે, પાલી, તલંગપુર તથા ઉબેર તમામ વિસ્તારો સમાવીને નવો ઝોન બનાવ્યો છે.

તલંગપુર પાસે નવી ઓફિસ બનાવવા વિચારણા

તલંગપુર ગામની ગ્રામ પંચાયત ઓફિસ પાછળ ઉધના ઝોન બીની નવી ઓફિસ બનાવવા માટે શાસકો વિચાર કરી રહ્યા છે. ગ્રામ પંચાયતની ઓફિસના કેમ્પસમાં મોટી જગ્યા હોય આ જગ્યા માટે વિચારણા કરવામાં આવી રહી છે. તેમ જ અહીં આસપાસના ગામના લોકોને પણ કોઈ કામગીરી માટે આવવા-જવા માટે સગવડતા થઈ રહેશે.

સુરત મહાનગર પાલિકાની સ્થાયી સમિતિની બેઠકમાં આ નિર્ણય લેવામાં આવ્યો

નોંધનીય છે કે આ પહેલા ઝોનની કામગીરી પર ભારણ આવતું હતું અને વહીવટી કામ મુશ્કેલ બનતું હતું. એટલું જ નહીં, પરંતુ આ વિસ્તારના લોકોએ મહાનગરપાલિકાનું સેવાનું કામ લેવા માટે ઉધના ઝોન સુધી પહોંચવા 20થી 22 કિલોમીટરનું અંતર કાપવું પડતું હતું. આ મુશ્કેલી દૂર કરવા માટે ઉધના ઝોનના બે ભાગ કરવામાં આવ્યા છે.

આ પણ વાંચો : SURAT: ‘એ ભાઈ, જરા દેખ કે ચલો’, સુરત પોલીસ સાઈકલ સવારને પણ ફટકારે છે મેમો!