Surat: ઉનાળાની શરૂઆતમાં જ પાણીની હૈયાહોળી, દુર્ગંધયુક્ત પાણીની ફરિયાદ
Surat: ઉનાળાની શરૂઆતમાં જ સુરતના(Surat) માથે પાણીનું સંકટ દેખાઈ રહ્યું છે. સુરતમાં છેલ્લા 10 દિવસથી મુગલીસરા, સોદાગરવાડ, શાહપોર, વેસુ, ડુમસ, અડાજણ સહિતના વિસ્તારોમાં દુર્ગંધયુક્ત પાણીની ફરિયાદ સ્થાનિકો દ્વારા કરવામાં આવી હતી.
Surat: ઉનાળાની શરૂઆતમાં જ સુરતના(Surat) માથે પાણીનું સંકટ દેખાઈ રહ્યું છે. સુરતમાં છેલ્લા 10 દિવસથી મુગલીસરા, સોદાગરવાડ, શાહપોર, વેસુ, ડુમસ, અડાજણ સહિતના વિસ્તારોમાં દુર્ગંધયુક્ત પાણીની ફરિયાદ સ્થાનિકો દ્વારા કરવામાં આવી હતી.
પીવાના પાણીમાં દુર્ગંધ આવતી હોવાની ફરિયાદને મનપા કમિશનરે ગંભીરતાથી લીધી હતી. જે બાદ ધ્યાનમાં આવ્યું હતું કે સુરતમાં સૌથી નજીકના વરિયાવ વિસ્તારમાં આવેલ ગામના પશુપાલકો દ્વારા છાણ સાથેનું તાપી નદીમાં ગંદુ પાણી છોડી દેવાની વાત ધ્યાનમાં આવી હતી. જેને પગલે તાપી નદીના પાણીની ગુણવત્તા પર અસર જોવા મળી હતી
આ ફરિયાદ બાદ પાલિકા દ્વારા તાપી નદીમાં વચ્ચે પાળો બનાવીને ગંદુ પાણી અટકાવવાનો પ્રયાસ કરવામાં આવ્યો હતો. તાપીમાં છોડવામાં આવતી આપણું પાલીકા ડ્રેનેજમાં ડાયવર્ટ કરવાની કામગીરી પણ કરવામાં આવી હતી.
પરંતુ તે બાદ પણ તાપી નદીની ગુણવત્તા સુધરી નહોતી. આ ગંદકીને કારણે પાલિકાને ક્લોરીનેશન પાછળ વધુ કામ કરવું પડતું હતું.
પાણીની ગુણવત્તા સુધારવા માટે પાલિકાએ ઉકાઈ ડેમમાં પાણી છોડવા માટે સિંચાઈ વિભાગને પત્ર લખ્યો હતો જે પત્રના આધારે ગઈકાલથી 17 હજાર ક્યુસેક પાણી તાપી નદીમાં છોડવામાં આવી રહ્યું છે
પાણી છોડાયા બાદ પાણીનું લેવલ વધ્યું છે અને પાણીની ગુણવત્તામાં પણ સુધારો થશે.જોકે ઉકાઈ ડેમમાંથી છોડવામાં આવી રહેલા પાણીના કારણે હાલ કોઝવે ઓવરફ્લો થયો છે અને સુરતના રાંદેર અને કતારગામને જોડતા કોઝવેને વાહન વ્યવહાર માટે બંધ કરવામાં આવ્યો છે.
Latest News Updates
