Surat : વીર નર્મદ દક્ષિણ ગુજરાત યુનિવર્સિટી આગામી 5 જુલાઈ એ પરીક્ષા અંગે લેશે નિર્ણય
Surat : શિક્ષણ વિભાગ દ્વારા સ્નાતક કક્ષાના ફાઇનલ સેમેસ્ટર અને અનુસ્નાતક કક્ષાના વિદ્યાર્થીઓ માટે જુલાઈ 2021 માં ઓફલાઈન પરીક્ષા લેવાની પરવાનગી આપવામાં આવી છે.
Surat : ગુજરાત રાજ્યની તમામ સરકારી અને ખાનગી યુનિવર્સિટીઓ તેમજ કોલેજોને જુલાઈ 2021 માં ઓફલાઈન પરીક્ષાનું આયોજન કરવા શિક્ષણ વિભાગ દ્વારા પરવાનગી આપવામાં આવી છે. ગુજરાત રાજ્ય શિક્ષણ વિભાગ દ્વારા જાહેર કરાયેલા પરિપત્ર પ્રમાણે હાલમાં રાજ્યમાં કોવિડ-19 ની પરિસ્થિતિમાં સુધારો થયો છે.
જેથી વિદ્યાર્થીઓને શૈક્ષણિક હિતોને ધ્યાનમાં લઇને રાજ્ય સરકારે સરકારી અને ખાનગી યુનિવર્સિટીઓ તેમજ કોલેજોને સ્નાતક કક્ષાના ફાઇનલ સેમેસ્ટર અને અનુસ્નાતક કક્ષાના વિદ્યાર્થીઓ માટે જુલાઈ 2021 દરમિયાન પરિસ્થિતિઓને ધ્યાનમાં લઇને પોતાની અનુકૂળતા મુજબ ઓફલાઈન પરીક્ષાનું આયોજન કરી શકશે.
જોકે દરેક યુનિવર્સિટી અને કોલેજો એ પોતાના વિસ્તારની પરિસ્થિતિને ધ્યાનમાં લઇને વિદ્યાર્થીઓ ફેકલ્ટી અને સ્ટાફે આરોગ્યલક્ષી સુરક્ષાને ધ્યાનમાં રાખીને કોરોના ગાઈડલાઈનનું ચુસ્તપણે પાલન કરવાનું રહેશે. આ સાથે પરીક્ષા પહેલા ફરજીયાત રસીકરણ કેમ્પ કરીને વિદ્યાર્થીઓનું રસીકરણ કરવાનું રહેશે.
વીર નર્મદ દક્ષિણ ગુજરાત યુનિવર્સિટીના (Veer Narmad South Gujarat University ) કુલપતિ ડો.કે.એન. ચાવડાએ જણાવ્યું છે કે, આગામી 5 જુલાઇના રોજ યુનિવર્સિટીની એકેડેમિક કાઉન્સિલની બેઠકનું આયોજન કરવામાં આવ્યું છે. પરીક્ષા ઓફ લાઈન લેવી કે ઓનલાઈન તે સંદર્ભે આ બેઠકમાં નિર્ણય લેવામાં આવશે.
આમ, હવે યુનિવર્સિટી તેમજ કોલેજોમાં ઓનલાઈન પરિક્ષાઓને બદલે ઓફલાઇન પરિક્ષાઓને મંજુરી મળતા વિદ્યાર્થીઓને ઓનલાઈન એક્ઝામમાં ઉભી થતી મુશ્કેલીઓ દૂર થશે.
વીર નર્મદ દક્ષિણ ગુજરાત યુનિવર્સિટીમાં હાલ 82 ટકા વિદ્યાર્થીઓ એન્ડ્રોઇડ મોબાઈલ અથવા ટેબ્લેટથી અને 18 ટકા વિદ્યાર્થીઓ કોમ્પ્યુટર અથવા લેપટોપથી પરીક્ષા આપી રહ્યા છે.
Latest News Updates
