Surat : સુરતી ઘારીનો સ્વાદ આ વર્ષે લાગી શકે છે બેસ્વાદ, ભાવમાં 25 ટકા સુધીનો વધારો

આ વર્ષે પણ સુરતીઓની ફેવરિટ મનાતી માવા ઘારી, બદામ પિસ્તા ઘારી અને કેસર ઘારીની ભારે ડિમાન્ડ છે. પરંતુ કોરોના બાદ હવે ઘારી ખાવી સુરતીઓને ખુબ મોંઘી પડી શકે છે. અલગ અલગ કાચી સામગ્રીના ભાવમાં 40 રૂપિયાથી લઈને 80 રૂપિયા સુધીનો ભાવ વધારો જોવા મળ્યો છે. 

Surat : સુરતી ઘારીનો સ્વાદ આ વર્ષે લાગી શકે છે બેસ્વાદ, ભાવમાં 25 ટકા સુધીનો વધારો
Surat: Surati Ghari may taste bitter this year, with prices rising by up to 25 per cent

કોરોનાના (Corona ) કેસ ઓછા થતા જ હવે વિવિધ તહેવારો(Festival ) ઉજવવાની છૂટ ધીરે ધીરે મળવા લાગી છે. ત્યારે જન્માષ્ટમી, ગણેશોત્સવ અને હવે નવરાત્રી બાદ સુરતીઓના પોતીકા પર્વ ચંદી પાડવાની ઉજવણી થવા જઈ રહી છે. આગામી 20 ઓક્ટોબરથી લઈને 22 ઓક્ટોબર સુધી દર વર્ષની જેમ સુરતીઓ ઘારીની (Ghari Sweet ) ખરીદી માટે પડાપડી કરશે. 

પરંતુ આ વખતે ઘારીની ખરીદી કરવા માટે લોકોએ થોડા વધારે ખિસ્સા ખાલી કરવા પડશે. કારણ કે ઘારીની કિંમતમાં સીધો જ 20 થી 25 ટકા જેટલો વધારો નોંધાયો છે. આ વર્ષે અલગ અલગ ફ્લેવરની ઘારીઓ બનવાની શરૂઆત થઇ ગઈ છે. પરંતુ મીઠાઈ વિક્રેતાઓનું માનીએ તો આ વર્ષે સૂકા મેવા, માવા, મજૂરી, અન્ય રો મટીરીયલ્સ સહિતની વસ્તુઓમાં ભાવવધારો થતા ઘારીનાં ભાવમાં નાછૂટકે વધારો કરવો પડ્યો છે.

આ વર્ષે પણ સુરતીઓની ફેવરિટ મનાતી માવા ઘારી, બદામ પિસ્તા ઘારી અને કેસર ઘારીની ભારે ડિમાન્ડ છે. પરંતુ કોરોના બાદ હવે ઘારીઓ ખાવી સુરતીઓને ખુબ મોંઘી પડી શકે છે. અલગ અલગ કાચા માલના ભાવમાં 40 રૂપિયાથી લઈને 80 રૂપિયા સુધીનો ભાવ વધારો જોવા મળ્યો છે.

માવા વિક્રેતાના જણાવ્યા પ્રમાણે આ વર્ષે પ્રતિ કિલો માવાના ભાવમાં 40 થી 80 રૂપિયાનો વધારો થયો છે. દૂધની અછત છે, તેમજ પશુપાલકો માવા ભંડારને બદલે સીધા જ ડેરીમાં આપતા થયા છે. હાલમાં માવો પ્રતિ 280 રૂપિયાથી લઈને 340 રૂપિયા પ્રતિ કિલો મળી રહ્યો છે.

એ જ પ્રમાણે સૂકા મેવાના વિક્રેતાના જણાવ્યા પ્રમાણે અફઘાનિસ્તાનમાં જે રાજકીય કટોકટી સર્જાઈ છે, તેના કારણે અફઘાનિસ્તાનથી આવતા સૂકા મેવાના ભાવ પર પણ મોટી અસર પડી છે. તમામ સૂકા મેવાના ભાવમાં 100 રૂપિયાથી લઈને 300 રૂપિયા સુધીનો વધારો છે. હાલમાં 960 થી 1500 રૂપિયા કાજુ અને 960 રૂપિયાથી 1040 રૂપિયા સુધી પ્રતિ કિલો બદામના ભાવ બોલાઈ રહ્યા છે.

તેવામાં વિશ્વવિખ્યાત સુરતી ઘારી આ બધી વસ્તુઓ વગર બનાવવી મુશ્કેલ છે. ત્યારે સ્વાભાવિક રીતે આ વખતે ઘારીનો સ્વાદ મોંઘવારીને લીધે થોડો કડવો લાગી શકે છે. ઘારીનાં ભાવમાં સીધો જ 25 ટકા જેટલો વધારો હવે ઘારીને સામાન્ય માણસની ખરીદીને થોડો દૂર રાખી શકે છે.

આ પણ વાંચો : Surat : 10 ઓક્ટોબરથી UPSC પરીક્ષાનો પ્રારંભ, સુરતને પ્રથમવાર 7 સેન્ટર પણ ફાળવવામાં આવ્યા

આ પણ વાંચો :Surat: ટપાલ વિભાગની “માય સ્ટેમ્પ” આપી અંગદાન કરનાર વ્યક્તિને સન્માનિત કરવાની એક નવી પહેલ

Read Full Article

Click on your DTH Provider to Add TV9 Gujarati