Surat : એસટી ડેપો મેનેજરનું આઈડી પાસવર્ડ હેક કરીને આચરાયું કૌભાંડ, 25 લાખ રૂપિયાની ઓનલાઇન ટિકિટ બુક કરી દેવાઈ

સુરત એસટી ડેપો મેનેજરની (Manager ) આઈડી વડે 25 લાખ રૂપિયાની ટિકિટ બુક કરી દેવાતા અધિકારીઓ દોડતા થયા હતા. પ્રાથમિક તપાસમાં એવું લાગે છે કે આઈડી હેક કરી કારસ્તાનને અંજામ આપ્યો હોવાની આશંકાએ સાઈબર ક્રાઈમમાં પોલીસ ફરિયાદ નોંધાવી છે.

Surat : એસટી ડેપો મેનેજરનું આઈડી પાસવર્ડ હેક કરીને આચરાયું કૌભાંડ, 25 લાખ રૂપિયાની ઓનલાઇન ટિકિટ બુક કરી દેવાઈ
ST Bus Depot (File Image )
Baldev Suthar

| Edited By: Parul Mahadik

May 31, 2022 | 11:58 AM

સુરત એસટી(ST)  ડેપો મેનેજરના આઈડી અને પાસવર્ડનો ઉપયોગ કરી સરકારી બસની(Bus ) ટીકીટનું ઓનલાઈન બુકિંગ કરવાનો મસમોટો કૌભાંડ (Scam ) બહાર આવતા એસટીના અધિકારીઓ તાત્કાલિક આ બાબતે તપાસ શરૂ કરી હતી અને પ્રથમ તો ડેપો અધિકારી દ્વારા આ બાબતે તપાસ કરી સુરત સાયબર ક્રાઇમ પોલીસ માં અરજી કરવામાં આવી છે. ડેપો મેનેજર પવારના આઈડી વડે કોઈ વ્યકતિએ બારોબાર 25 લાખ રૂપિયાથી વધુની કિંમતની ઓનલાઈન ટિકિટ બુક કરી દીધી છે..

સુરત એસટી ડેપો મેનેજરે પોતાની આઈડી પાસવર્ડ ચેક કરતા કૌભાંડીઓએ લાખો રૂપિયાની ટિકિટ બારોબાર બુક કરી દીધી હોવાનું બહાર આવ્યું હતું. આ હકીકત સામે આવતા ડેપો અધિકારી જોષી દ્વારા આ બાબતે ગંભીરતાથી લેતા તપાસ કરવામાં આવી હતી. જેમાં આ હેકર દ્વારા  માર્ચથી લઈને  મે 2022 સુઘીની ઉલટતપાસ કરતાં 25 લાખની ટિકિટ બુકિંગ થઈ હોવાનું ખુલતા જાણે ડેપો મેનેજરના પગ તળેથી જમીન સરકી ગઈ હોય તેવી સ્થિતિ ઉભી થઇ હતી. કારણ કે આટલી મોટી રકમની ગોલમાલ કરવામાં આવ્યું તે મોટી વાત છે. હજુ તો જાન્યુઆરી- ફ્રેબુઆરી મહિનામાં મેનેજરની આઈડીથી બુક થયેલી ઓનલાઈન ટીકીટના ડેટાનું ક્રોસ વેરીફીકેશન કરાઈ રહ્યું છે/

સુરત ST વિભાગમાં આ મામલો સામે જ આવતા ની સાથે તમામ અધિકાઇરીઓની મિટિંગ બોલાવવામાં આવી અને તપાસ કરવા માટે સૂચન કર્યું સાથે આ મોટી રકમ હોવાથી ડેપો મેનેજરની એક ભુલના કારણે કૌભાંડીઓએ સુરત એસટીને લાખો રૂપિયાનો ચુનો ચોપડયો છે. સુરત એસટીના મેનેજીંગ ડિરેકટર અને જનરલ મેનેજર ડિટેઈલ રિપોર્ટ માંગ્યો છે. સાથે બીજી બાજુ સુરત સાયબર ક્રાઇમ પોલીસની અંદર પણ ફરિયાદ કરવામાં આવી છે. જેની અંદર પહેલા પોલીસ તપાસ કરશે હકીકત ના આધારે આગળ ગુનો નોંધશે. સુરત એસટી ડેપો મેનેજરની આઈડી વડે 25 લાખ રૂપિયાની ટિકિટ બુક કરી દેવાતા અધિકારીઓ દોડતા થયા હતા. પ્રાથમિક તપાસમાં એવું લાગે છે કે આઈડી હેક કરી કારસ્તાનને અંજામ આપ્યો હોવાની આશંકાએ સાઈબર ક્રાઈમમાં પોલીસ ફરિયાદ નોંધાવી છે.

Follow us on

Related Stories

Most Read Stories

Click on your DTH Provider to Add TV9 Gujarati