Surat : મેટ્રો રેલની કામગીરી ઝડપી બનશે : ટનલ બોરિંગ મશીનની ટેસ્ટિંગની કામગીરી પૂર્ણ

Parul Mahadik

Parul Mahadik | Edited By: Chandrakant Kanoja

Updated on: Feb 03, 2022 | 2:30 PM

સુરત શહેરમાં  મેટ્રોની કામગીરી પુરજોશમાં ચાલી રહી છે . મેટ્રોના ફેઝ -1 સરથાણાથી ડ્રીમ સિટીના રૂટમાં 6 અંડરગ્રાઉન્ડ સ્ટેશનો બનશે . અંડરગ્રાઉન્ડ સ્ટેશનની કામગીરી માટે શહેરમાં 10 મહિના અગાઉ જ ટનલ બોરિંગ મશીન ઉતારી દેવાયું હતું

Surat : મેટ્રો રેલની કામગીરી ઝડપી બનશે : ટનલ બોરિંગ મશીનની ટેસ્ટિંગની કામગીરી પૂર્ણ
Surat Metro Testing of tunnel boring machine completed (Representitive Image)

સુરત(Surat)  શહેરમાં  મેટ્રો રેલની(Metro Rail)  કામગીરી પુરજોશમાં ચાલી રહી છે . મેટ્રો  રેલના ફેઝ -1 સરથાણાથી ડ્રીમ સિટીના(Dream City)  રૂટમાં 6 અંડરગ્રાઉન્ડ સ્ટેશનો બનશે . આ  અંડરગ્રાઉન્ડ સ્ટેશનની કામગીરી માટે શહેરમાં 10 મહિના અગાઉ જ ટનલ બોરિંગ મશીન ઉતારી દેવાયું હતું જે પાલનપોર પાસેના ગોડાઉનમાં અસેમ્બલ કરી દેવાયું છે .

અને આ ટનલ બોરિંગ મશીન ( ટીબીએમ ) નું ફેક્ટરીમાં ટેસ્ટિંગની કામગીરી પણ પુર્ણ કરી દેવામાં આવી છે . આ ટીબીએમ મશીનને કાપોદ્રા ( ઉત્તર રેમ્પ ) અને રેલવે સ્ટેશન વચ્ચેની ટ્વિન ટનલ સુરત બનાવવા માટે ઉપયોગમાં લેવામાં આવશે .

ઉત્તરીય રેમ્પ અને સુરત રેલ્વે મેટ્રો સ્ટેશન વચ્ચેના અંડરગ્રાઉન્ડ સ્ટેશન પર તમામ કટ અને કવર પદ્ધતિનો ઉપયોગ કરીને ટ્વિન બોર અંડરગ્રાઉન્ડ ટનલ બનાવવામાં આવશે . તેમજ ટનલ બોરિંગ મશીન બનાવતી ટેરેક કંપની દ્વારા વધુ એક મશીન સુરત મેટ્રોના અંડરગ્રાઉન્ડ સ્ટેશનની કામગીરી માટે આપવામાં આવશે .

આ મશીન 6.61 મીટર વ્યાસ ધરાવતું અર્થ પ્રેશર બેલેન્સ ટનલ બોરિંગ મશીન ( EPBM ) છે જેનો ઉપયોગ આ મહિનાની શરૂઆતમાં સફળ પરીક્ષણ બાદ સુરત મેટ્રો રેલ પ્રોજેક્ટના પ્રથમ તબક્કામાં કરવામાં આવશે .

સુરત મેટ્રોના અંડરગ્રાઉન્ડ પેકેજ ( UG – 01 ) માં કાપોદ્રા , લાભેશ્વર ચોક અને સેન્ટ્રલ વેરહાઉસ સ્ટેશનને આવરી લેવાશે તેમજ પેકેજ UG 02 માં તે ચોક બજાર , મસ્કતી હોસ્પિટલ અને સુરત રેલ્વે સ્ટેશનોને આવરી લેવામાં આવશે . જેમ જેમ ટનલ બોરિંગ મશીનથી બોરિંગ કરાશે તેમ તેમજ કોંક્રિટ યુનિવર્સલ – સ્ટાઇલ , પ્રી – કાસ્ટ લાઇનિંગ રિંગ્સને અંડરગ્રાઉન્ડ ઈન્સ્ટોલ કરી દેવામાં આવશે .

હાલમાં શહેરના અંડર ગ્રાઉન્ડ સ્ટેશન બનાવવાના સ્થળે તકનીકી તપાસ થઇ રહી છે અને આ સર્વેના આધારે મેટ્રો સ્ટેશનની ડિઝાઇન કરાશે તેવું સુરત મેટ્રોના અધિકારીઓ પાસેથી જાણવા મળ્યું છે.શહેરમાં હાલમાં કાપોદ્રા પાસે સોઈલ ઇન્વેસ્ટિગેશનની કામગીરી શરૂ કરવામાં આવી છે. જે પણ બેથી ત્રણ મહિનામાં પૂર્ણ થશે. તે ઉપરાંત શહેરમાં વીઆઈપી રોડથી ભીમરાડ કેનાલ વચ્ચે મેટ્રો માટેના પાઈલિંગની કામગીરી છેલ્લા બે-ત્રણ દિવસથી શરૂ કરી દેવામાં આવી છે.

આ પણ વાંચો : Sabarkantha: હિંમતનગર-અમદાવાદ હાઇવે પર ‘કર્કવૃત્ત નિદર્શન સાયન્સ પાર્ક’ શરુ થવાની જોવાઇ રહી છે રાહ, ગત બજેટમાં આપી હતી ભેટ

આ પણ વાંચો : બનાસ ડેરીમાં દૂધની વિક્રમજનક આવક, એક દિવસમાં અધધ 90.58 લાખ લીટર દૂધની આવક

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati