Surat : બાળકોમાં રમતગમત માટે વધી રહ્યો છે ઉત્સાહ, ફિટનેસ સર્ટિફિકેટ માટે રોજના 15થી વધુ બાળકો સિવિલ આવે છે

સુરતમાં છેલ્લા ઘણા સમયથી બાળકોનો વિવિધ રમતગમત(Games ) તરફનો રસ ઝડપથી વધી રહ્યો છે. હવે સુરતમાંથી પણ અલગ અલગ રમતો માટે રાષ્ટ્રીય (National )અને આંતરરાષ્ટ્રીય (International )સ્તરના ખેલાડીઓ ઉભરી રહ્યા છે. હાલમાં સુરતના ખેલાડીઓ વિવિધ રમતોમાં માટે શહેર અને દેશનું પ્રતિનિધિત્વ કરી રહ્યા છે. આ જ કારણ છે કે દરરોજ 15 થી 20 ખેલાડીઓ પોતાનું મેડિકલ ફિટનેસ અને ઉંમરનું પ્રમાણપત્ર લેવા માટે સુરતની સિવિલ હોસ્પિટલ પહોંચી રહ્યા છે. પ્રમાણપત્ર મેળવવા આવતા બાળકોમાં અનેરો ઉત્સાહ જોવા મળી રહ્યો છે,તેમના કહેવા પ્રમાણે તેઓ તેમના સિનિયરો પાસેથી પ્રેરણા લઈને રમતગમતમાં કારકિર્દી બનાવવા માંગે છે.

સ્પોર્ટ્સ ઓથોરિટી ઓફ ગુજરાત દ્વારા આગામી તારીખ 22 થી 29 મે દરમિયાન ખેલ મહાકુંભનું આયોજન કરવામાં આવ્યું છે. જેમાં સુરતના  ખેલાડીઓ ભાગ લેવા માટે ઉત્સુક દેખાઈ રહ્યા છે. સુરતની સિવિલ હોસ્પિટલમાં એક્સ-રે રિપોર્ટના આધારે ઉંમરનું પ્રમાણપત્ર આપવામાં આવે છે.

સિવિલ હોસ્પિટલમાં ફિટનેસ સર્ટિફિકેટ બનાવતા મેડિકલ ઓફિસર ડૉ. ઓમકાર ચૌધરીએ જણાવ્યું હતું કે હવે પહેલા કરતાં વધુ બાળકો પ્રમાણપત્ર માટે આવી રહ્યા છે. પહેલા અમુક ગણતરીના  જ બાળકો આવતા હતા, પરંતુ હવે રોજના 15 થી 20 બાળકો ફિટનેસ સર્ટિફિકેટ માટે આવી રહ્યા છે. ઉંમરનું પ્રમાણપત્ર યુવા બાબતો અને રમત મંત્રાલય દ્વારા જાહેર કરવામાં આવે છે. જો કે, બાળકોને તેમની પ્રાથમિક તપાસ હોસ્પિટલમાં કરાવવાની હોય છે. તપાસનો રિપોર્ટ મંત્રાલયને આપવો પડે છે.

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

ઉનાળામાં આ વસ્તુઓનું સેવન કરશો તો ડિહાઇડ્રેશનનો શિકાર નહીં બનો

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

સ્પોર્ટ્સ ઓથોરિટી ઓફ ગુજરાત દ્વારા 22 થી 29 મે દરમિયાન ખેલ મહાકુંભમાં ઓલિમ્પિક રમતો ફૂટબોલ, હેન્ડબોલ, બાસ્કેટબોલ, હોકી અને વોલીબોલ તેમજ  નોન-ઓલિમ્પિક રમતો જેમ કે કબડ્ડી, ખો-ખો, દોરડા ખેંચવાની અને અન્ય રમતો હશે. ખેલ મહાકુંભમાં ભાગ લેવા માટે સુરતના ખેલાડીઓ પોતાની ફિટનેસ અને ઉંમરના પ્રમાણપત્રો મેળવવા સિવિલ પહોંચી રહ્યા છે.

સુરતનો આવો જ એક ખેલાડી નમન જોશી છે. જે વેઈટ લિફ્ટિંગમાં કરિયર બનાવવા માંગે છે, નવમા ધોરણમાં અભ્યાસ કરતો નમન જોષી વેઈટ લિફ્ટિંગ માટે ઉંમરનું પ્રમાણપત્ર લેવા સિવિલ હોસ્પિટલ પહોંચ્યો હતો. તેણે કહ્યું હતું કે તેનો એક સિનિયર તાજેતરમા જ નેશનલ લેવલની રમત જીતીને આવ્યો છે. તેમાંથી પ્રેરણા લઈને તેની ઉંમરના બીજા  10 થી 12 વિદ્યાર્થીઓએ વેઈટ લિફ્ટિંગની તૈયારી શરૂ કરી દીધી છે. મેં પણ બે સ્પર્ધાઓમાં પણ ભાગ લીધો છે. જે બંને સ્પર્ધા હું જીત્યો છું. હવે હું વેઇટ લિફ્ટિંગમાં આગળ વધવા માંગુ છું.