Surat : સુરત શહેર માટે લોજિસ્ટિક પ્લાન બનાવવા મહાનગરપાલિકાની તૈયારી
કો - ઓર્ડિનેશન કમિટી એન્ડ સ્ટેટ લોજિસ્ટિક સેલ સાથેની આગામી બેઠકમાં બુલેટ ટ્રેનનું સ્ટોપેજ સુરતમાં અંત્રોલી ગામ પાસે આપવા બાબતે ચર્ચા કરવામાં આવશે. આ ઉપરાંત સરોલી, સુરત કડોદરા રોડ સુધી મેટ્રો ટ્રેનનું પ્લાનિંગ લંબાવવાનું તથા તેને અંત્રોલી સુધી બુલેટ ટેનની કનેક્ટિવિટી માટે લંબાવી શકાશે કે કેમ તે અંગેનો મુદ્દો પણ એજન્ડામાં સામેલ કરવામાં આવશે.
Surat શહેરમાં ‘લોજિસ્ટિક(Logistic ) પ્લાન ફોર સુરત સિટી ’ બનાવવા માટે સુરત મહાનગરપાલિકા(SMC) કમિશનરે જીઆઇડીબીને લેખિત સંમતિ આપી દીધી છે . રાજ્યમાં વિવિધ લોજિસ્ટિક પાર્ક બનાવવાના આયોજનના ભાગરૂપે સુરત શહેર માટે લોજિસ્ટિક પાર્ક પ્લાન બનાવવા માટેની તૈયારી સુરત મનપા દ્વારા કરવામાં આવી છે.
સુરત સિટી લોજિસ્ટિક કો ઓર્ડિનેશન કમિટીનું ગઠન પણ કરવામાં આવ્યું છે. ગયા અઠવાડિયે રાજ્યમાં લોજિસ્ટિક પાર્ક બનાવવાના આયોજન અન્વયે સ્ટેટ લોજિસ્ટિક કો – ઓર્ડિનેશન કમિટી એન્ડ સ્ટેટ લોજિસ્ટિક સેલની રાજ્યની તમામ મનપાઓ , અર્બન ઓથોરિટીઓ સાથે સંયુક્ત બેઠકનું આયોજન થયું હતું.
મનપા કમિશનર પાનીએ સ્ટેટ લેવલ લોજિસ્ટિક કો ઓર્ડિનેશન કમિટીની બેઠકમાં થયેલ ચર્ચા બાબતે જણાવ્યું કે , સુડાના ડી . પી . – ૨૦૩૫ માં સુરત – પલસાણા હાઇ – વે પર સચિન ઉદ્યોગનગર પાસે ભાટિયા , કાછોલી અને રાવલા વક્તાણામાં લોજિસ્ટિક પાર્ક માટે અંદાજે 8 લાખ ચો . મીટર જમીન અનામત રાખવામાં આવી છે . ૯૦ મીટરના નેશનલ હાઇ – વે ઉપરાંત દિલ્હી – મુંબઇ નેશનલ હાઇ – વે નં . 8 ની સીધી એન્ટ્રી મળી શકે તે રીતે લોજિસ્ટિક પાર્ક ડેવલપમેન્ટ પ્લાનમાં સૂચિત કરવામાં આવ્યું છે .
તદ્ઉપરાંત , મનપાના બીઆરટીએસ કોરીડોરનો ઉપયોગ રાત્રિ દરમિયાન , જ્યારે બીઆરટીએસ બસ કો કાર્યરત ન હોય ત્યારે , ફ્રેઇટ વાહનો માટે ચાર્જ લઇ ઉપયોગ ઓર્ડિનેશન કમિટીની બેઠકમાં કરવા દેવાની દિશામાં પણ વિચાર કરવામાં આવી રહ્યો છે . તદ્ઉપરાંત , ફ્રેઇટ મેનેમેન્ટ માટે અર્બન ટ્રાન્સપોર્ટ – એકેડેમિક ઇન્સ્ટિટ્યુટોને સર્વે સૂચનો માટે જોડવામાં આવશે .સુરત સિટી લોજિસ્ટિક કો – ઓર્ડિનેશન કમિટી દ્વારા સુરત શહેરને તથા આસપાસના વિસ્તારોના ડેવલપમેન્ટ તથા હાઇ – વે સાથેની કનેક્ટિવિટી , રોડ ટ્રાન્સપોર્ટેશનનું ઉપલબ્ધ માળખું વગેરેને ધ્યાને રાખી લોજિસ્ટિક પ્લાન તૈયાર કરવા માટેની સંમતિ જીઆઇડીબી સમક્ષ રજૂ કરી દીધી છે .
લોજિસ્ટિક પાર્કના ભાગરૂપે મેટ્રો ટ્રેનનું પ્લાનિંગ સારોલી સુધી લંબાવવાની વિચારણા
કો – ઓર્ડિનેશન કમિટી એન્ડ સ્ટેટ લોજિસ્ટિક સેલ સાથેની આગામી બેઠકમાં બુલેટ ટ્રેનનું સ્ટોપેજ સુરતમાં અંત્રોલી ગામ પાસે આપવા બાબતે ચર્ચા કરવામાં આવશે. આ ઉપરાંત સરોલી, સુરત કડોદરા રોડ સુધી મેટ્રો ટ્રેનનું પ્લાનિંગ લંબાવવાનું તથા તેને અંત્રોલી સુધી બુલેટ ટેનની કનેક્ટિવિટી માટે લંબાવી શકાશે કે કેમ તે અંગેનો મુદ્દો પણ એજન્ડામાં સામેલ કરવામાં આવશે.