Surat: કોરોનાએ બચત કરતા શીખવ્યું, પોસ્ટ વિભાગની વિવિધ યોજનાઓમાં ગુજરાતીઓએ કર્યું રોકાણ

પોસ્ટ (Post) વિભાગ દ્વારા બહાર પાડવામાં આવેલા વર્ષ 2020-21 અને 2021-22ના અહેવાલ મુજબ, એકલા ગુજરાતમાં જ બે વર્ષમાં લોકોએ પોસ્ટ ઓફિસની વિવિધ બચત યોજનાઓમાં રસ દાખવ્યો છે અને નવા ખાતાઓ ખોલ્યા છે.

Post Department (File Image )

TV9 Gujarati | Edited By: Parul Mahadik | Updated on: May 20, 2022 | 2:42 PM

મોજશોખ માટે જાણીતા ગુજરાતીઓ (Gujarati ) બચત કરવામાં પણ આગળ છે. કોરોના દરમિયાન લોકોને જે રીતે આર્થિક (Financial ) મુશ્કેલી પડી હતી, તે પછી તો લોકોની બચત(Savings ) કરવાની વૃત્તિમાં વધારો થયો છે. કોરોનાના બે વર્ષમાં ગુજરાતીઓએ પોસ્ટ વિભાગની વિવિધ યોજનાઓમાં 1,26,963 કરોડ રૂપિયાનું રોકાણ કર્યું છે. આ દરમિયાન પોસ્ટ વિભાગમાં 2.91 કરોડથી વધુ નવા ખાતા ખોલવામાં આવ્યા છે. કેન્દ્ર સરકારના કોમ્યુનિકેશન મંત્રાલયના પોસ્ટ વિભાગના રિપોર્ટમાં આ માહિતી સામે આવી છે.

નોંધનીય છે કે કોરોનાના રોગચાળા દરમિયાન, જ્યારે ધંધા, નોકરી, બધું જ ઠપ થઈ ગયું હતું, ત્યારે માત્રને માત્ર લોકોની બચત જ કામમાં આવી હતી. આ રીતે બચતનું મહત્વ લોકોને સમજાયું હતું. હવે લોકો તેના વિશે જાગૃત થયા છે. કેન્દ્ર સરકારના સંદેશાવ્યવહાર મંત્રાલયના પોસ્ટ વિભાગ દ્વારા બહાર પાડવામાં આવેલા વર્ષ 2020-21 અને 2021-22ના અહેવાલ મુજબ, એકલા ગુજરાતમાં જ બે વર્ષમાં લોકોએ પોસ્ટ ઓફિસની વિવિધ બચત યોજનાઓમાં રસ દાખવ્યો છે અને નવા ખાતાઓ ખોલ્યા છે.

વર્ષ 2020-21માં 1,56,13,367 અને વર્ષ 2021-22માં પોસ્ટ ઓફિસમાં 1,35,23,178 ખાતા ખોલવામાં આવ્યા હતા અને આ ખાતાઓમાં 1,26,963 કરોડ રૂપિયા જમા થયા છે. જે ખાતાઓ ખુલ્યા છે તેમાં પોસ્ટની બચત બેંક, વરિષ્ઠ નાગરિક બચત યોજના, પબ્લિક પ્રોવિડન્ટ ફંડ, સુકન્યા સમૃદ્ધિ યોજના, કિસાન વિકાસ પત્ર વગેરેનો સમાવેશ થાય છે.

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

ગુજરાતમાં સુકન્યા સમૃદ્ધિ યોજના હેઠળ પોસ્ટ વિભાગમાં બે વર્ષમાં 3207.40 કરોડ રૂપિયા જમા થયા હતા. આ યોજના હેઠળ નાણાકીય વર્ષ 2020-21માં 5,33,930 ખાતા ખોલવામાં આવ્યા હતા અને વર્ષ 2021-22માં 6,96,809 ખાતા ખોલવામાં આવ્યા હતા. તેમાંથી રૂ. 1329.29 કરોડ અને રૂ. 1878.15 કરોડ જમા થયા હતા. આ સિવાય વર્ષ 2021-22માં વરિષ્ઠ નાગરિક બચત યોજનામાં 26,22,069, પબ્લિક પ્રોવિડન્ટ ફંડ 2,16,078 ખાતા ખોલવામાં આવ્યા છે. આ ખાતાઓમાં રૂ. 9596.33 કરોડ અને રૂ. 9822.46 કરોડ જમા થયા હતા.