Surat: કંપનીના પેટર્ન સિમ્બોલ તથા કલર માર્કાની કોપી કરી નકલી લીકવીડ ડીટર્જન્ટ ઓનલાઈન વેચનારા 4 પકડાયા
કંપની દ્વારા ચાર શખ્સો સામે સાઈબર ક્રાઈમ પોલીસ સ્ટેશનમાં કોપીરાઈટની ફરીયાદ નોંધાવતા પોલીસે ગુનો નોંધી ચાર આરોપીની ધરપકડ કરી તેની પાસેથી 1.6 લાખથી વધુનો મુદ્દામાલ કબ્જે કર્યો
સુરતના પુના વિસ્તારમાં આઈ એફ.બી. ઈન્ડસ્ટ્રીઝ લિમિટેડ કંપનીની જાણ બહાર તેના નામનુ લિકવીડ પાવડરનું ઉત્પાદન કરતાં બે કારખાનાઓમાં પોલીસે રેડ કરી હતી. કંપનીના જાણ બહાર લિકવીડ પાઉડર ઓનલાઈન ફિલપકાર્ટ ઉપર વેચાણ કરતા હતા. કંપની દ્વારા ચાર શખ્સો સામે સાઈબર ક્રાઈમ પોલીસ સ્ટેશનમાં કોપીરાઈટની ફરીયાદ નોંધાવતા પોલીસે ગુનો નોંધી ચાર આરોપીની ધરપકડ કરી તેની પાસેથી 1.6 લાખથી વધુનો મુદ્દામાલ કબ્જે કર્યો છે.
પાંડેસરા ગુજરાત હાઉસિંગ બોર્ડ ગણપત નગરમાં રહેતા અમિત હરિકિશન ચૌધરીએ વેડ રોડ હરિઓમ સોસાયટી ખાતે રહેતા રાહુલ જીતેન્દ્ર ખોખાર, યોગીચોક વર્ધમાન સોસાયટીમા રહેતા કેવળ હિંમત દુધાત અને પુણા ગામ મહાલક્ષ્મી સોસાયટીમાં રહેતા બીપીન ૨મેશ દુધાત તેમજ રવિ મહેશ હડિયા સામે સાઇબર ક્રાઇમમાં ફરિયાદ આપતાં જણાવ્યું હતું કે આ ચારેય આરોપીઓ પુણા ખાતે ગેરકાયદેસર રીતે અમિત ચૌધરીની આઇ.એફ.બી ઇન્ડસ્ટ્રીઝ લિમિટેડ કંપનીની પરવાનગી વગર અને કંપનીના પેટર્ન સિમ્બોલ તથા કલર માર્કાની કોપી કરી લિક્વિડ પાવડરનું ઉત્પાદન કરતા હતા અને આ પાઉડરનું ઓનલાઈન ફ્લિપકાર્ટ ઉપર વેચાણ કરતા હતા.
આ અંગે કંપનીને ખબર પડી હતી જેથી પૂના ખાતે લિક્વિડ પાવડરનું ઉત્પાદન કરતા કારખાનાઓમાં રેડ પાડી હતી ચાર આરોપીઓ જેમાં વેડરોડની હરિઓમ સોસાયટીમાં રહેતો રાહુલ જિતેન્દ્ર ખોખાર,યોગીચોક પુણાગામની વર્ઘમાન સોસાયટીમાં રહેતો કેવલ હિમંતભાઈ દુધાત, પુણાગામ મહાલક્ષ્મી સોસાયટીમાં રહેતો બિપિન રમેશભાઈ દુઘાત અને રવિ મહેશભાઈ ગઢીયાનાઓને ઝડપી પાડયા હતો.
ચારેય આરોપીઓ એકબીજાની મદદગારીથી ગેરકાયદેસર રીતે આર્થિક લાભ માટે આઈ.એફ.બી. ઈન્ડસ્ટ્રીઝ લીમીટેડ કંપનીની પરવાનગી વગર તેની પેર્ટન સીમ્બોલ તથા કલર માર્કાની કોપીરાઈટ કરી લીકવીડ ડીટર્જન્ટનું ઉત્પાદન કરી ડુપ્લીકેટ માલનું ઓનલાઈન વેચાણ કરી તેઓની ઓફીસ તથા ગોડાઉનમાં રાખતાં હતા.
પોલીસે સ્થળ પરથી લીકવીડ ડીટર્જન્ટની એક લીટરની કુલ 260 ભરેલી બોટલ, તથા ખાલી બોટલ , હારપીક કપંનીની ટોઈલટ કલીનરની 200 નંગ ભરેલી બોટલ, સહિત કમ્યુટર તથા એક લેપટોપ મળી કુલ રૂ. 1.06,260નો મુદ્દામાલ કબ્જે કરી કાયદેસરની કાર્યવાહી હાથ ધરી છે.વધુ તપાસપોલીસ કરી રહી છે.
આ પણ વાંચોઃ Porbandar: રાતડી ગામે સમુદ્ર કિનારા પરથી બેફામ રેતી ચોરી, કોઈ રોકનાર જ નથી
આ પણ વાંચોઃ રાજકોટ પોલીસ પર દારૂ ગુનામાં ઝડપાયેલા આરોપીએ લગાવ્યા ગંભીર આક્ષેપ
Latest News Updates
