Surat: વાહન ચાલકો સાવધાન, પતંગની દોરીને લઈ રહેજો સાવચેત, વિવિધ ઘટનામાં દોરીથી ગળા કપાવાની ઘટના સામે આવી

TV9 GUJARATI

TV9 GUJARATI | Edited By: Tanvi Soni

Updated on: Dec 13, 2022 | 11:00 AM

ઉતરાયણના (Kite Festival) પર્વને હવે એક મહિના જેટલો સમય બાકી રહ્યો છે અને આ તહેવારમાં ખાસ તો બાળકો પતંગ દોરી માટે દોડાદોડ કરતા હોય છે અને પતંગ ચગાવવાની મસ્તીમાં મશગુલ બની જતા હોય છે અને આવા સમયે દોરી વાગવા તેમજ ધાબેથી પડી જવાના અને રસ્તા પર દોરી વાગતા અકસ્માત થવાના બનાવો પણ બનતા હોય છે.

Surat: વાહન ચાલકો સાવધાન, પતંગની દોરીને લઈ રહેજો સાવચેત, વિવિધ ઘટનામાં દોરીથી ગળા કપાવાની ઘટના સામે આવી
પતંગની દોરીથી ગળુ કપાવાની ગુજરાતમાં અનેક દુર્ઘટના

હવે ઉત્તરાયણનો તહેવાર આવી રહ્યો છે ત્યારે ધાબા પર કે ઉંચાઈ ઉપર ખુલ્લી જગ્યામાં પતંગ ચગાવતા તેમજ રસ્તા પર વાહન ચલાવતી વખેત ખાસ ધ્યાન રાખવું પડે તેવી પરિસ્થિતિ આવી પહોંચી છે. ત્યારે ઉતરાયણ નજીક આવતા જ હવે દોરીના કારણે લોકો ઇજાગ્રસ્ત થતા હોય તેવી ઘટનાઓ સામે આવી રહી છે. સુરતમાં પતંગની દોરીના કારણે એક વાહનચાલકને ગંભીર અકસ્માત નડ્યો છે. શહેરમાં રસ્તા પરથી પસાર થઇ રહેલા પ્રકાશભાઇને પતંગની દોરીના લીધે અકસ્માત નડ્યો છે. પતંગની દોરી તેમના ગળામાં આવી જતાં અકસ્માત સર્જાયો છે. જેમાં દોરીથી તેમનું ગળું કપાઇ જતાં તેમને તાત્કાલિક સારવાર અર્થે હોસ્પિટલ ખસેડવામાં આવ્યા છે.

સુરતમાં દોરીથી વાહનચાલક ઇજાગ્રસ્ત

ઉત્તરાયણના પર્વને હવે એક મહિના જેટલો સમય બાકી રહ્યો છે અને આ તહેવારમાં ખાસ તો બાળકો પતંગ દોરી માટે દોડાદોડ કરતા હોય છે અને પતંગ ચગાવવાની મસ્તીમાં મશગુલ બની જતા હોય છે અને આવા સમયે દોરી વાગવા તેમજ ધાબેથી પડી જવાના અને રસ્તા પર દોરી વાગતા અકસ્માત થવાના બનાવો પણ બનતા હોય છે. જેમાં કેટલાકે જીવ ગુમાવવાનો વારો આવે છે. અને આવો જ એક બનાવ ઉતરાયણ ના એક મહિના પહેલા સુરતમાં બન્યો છે. સુરતમાં એક રસ્તા પરથી જતા વ્યક્તિને પતંગની દોરી વાગી છે. જેના કારણે ઇજાગ્રસ્ત યુવકને સારવાર માટે ખસેડવામાં આવ્યા છે.

તો ઉત્તરાયણને હજુ એક મહિનાની વાર છે ત્યાં તો ચાઇનીઝ દોરીના કારણે અકસ્માતના બનાવો પણ સામે આવવા લાગ્યા છે. ઊંઝામાં પણ ચાઈનીઝ દોરીના કારણે એક યુવકનું ગળું કપાયાની ઘટના સામે આવી છે. ગળું કપાતા ગંભીર હાલતમાં યુવકને હોસ્પિટલમાં ખસેડાયો હતો. જ્યાં સારવાર દરમિયાન યુવકને ગળા પર 40 જેટલા ટાંકા લેવાયા હતા. યુવકનો ગંભીર અકસ્માત થતા શહેરીજનો ચિંતિત જોવા મળી રહ્યા છે. તથા ચાઈનીઝ દોરીનું વેચાણ બંધ કરાવવા રાધાકૃષ્ણ ટ્રસ્ટે મામલતદારને આવેદનપત્ર આપી રજૂઆત કરી છે.

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati