સાઉદી રહેતા પતિએ ટંકારીયામાં રહેતી પત્નીને WhatsApp દ્વારા ટ્રિપલ તલાક આપ્યા, પતિ સહીત 5 સામે પોલીસ ફરિયાદ નોંધાઈ
ભરૂચમાં વોટ્સએપ પર વોઈઝ મેસેજ મોકલી પતિએ પત્નીને તલાક આપ્યો હોવાનો ચોંકાવનારો કિસ્સો સામે આવ્યો છે. આમોદની નવી નગરીમાં રહેતી 30 વર્ષીય શહેનાઝ દીવાનના 15 વર્ષ પૂર્વે ટંકારીયા ખાતે રહેતા હુસેન ઐયુબ દીવાન સાથે લગ્ન થયા હતા.
ભરૂચના ટંકારીયા ગામે રહેતી મહિલાને સાઉદી અરેબિયામાં રહેતા પતિએ વોટ્સએપ દ્વારા વોઈઝ મેસેજ મોકલી તલાક આપતા પાલેજ પોલીસ મથકે મુસ્લિમ મહિલા લગ્ન અધિકારી રક્ષણ અધિનિયમ હેઠળ પતિ સહિત 5 સાસરિયાઓ સામે ગુનો નોંધી કાયદેસરની કાર્યવાહી હાથ ધરી છે
ભરૂચમાં વોટ્સએપ પર વોઈઝ મેસેજ મોકલી પતિએ પત્નીને તલાક આપ્યો હોવાનો ચોંકાવનારો કિસ્સો સામે આવ્યો છે. આમોદની નવી નગરીમાં રહેતી 30 વર્ષીય શહેનાઝ દીવાનના 15 વર્ષ પૂર્વે ટંકારીયા ખાતે રહેતા હુસેન ઐયુબ દીવાન સાથે લગ્ન થયા હતા. લગ્ન જીવન દરમ્યાન તેઓને સંતાનમાં એક દીકરો અને દીકરી પણ છે. જો કે લગ્નના થોડા દિવસો બાદ સાસરીયાઓએ શહેનાઝને ત્રાસ આપવાનું શરૂ કર્યું હતું દરમ્યાન તેમનો પતિ હુસેન ઐયુબ દોઢ વર્ષ પૂર્વે નોકરી માટે સાઉદી અરેબિયા ગયો હતો.
ગત તારીખ ચોથી ઓગષ્ટના મહિલાનો રોજ ફરી તેનો સાસરિયાઓ સાથે ઝઘડો થયો હતો. જે બાબતે સાસરિયાઓએ પતિ હુસેન ઐયુબને ફોન કરી જાણ કરી હતી. આ બાદ હુસેન ઐયુબે શહેનાઝને સાઉદી અરેબિયાથી ફોન કરી મારે તારી સાથે નથી રહેવું અને તું તારા ઘરે જતી રહે સહિતની વાત કહી હું તને તલાક આપું છું એવું કહેતા શહેનાઝે ફોન કટ કરી દીધો હતો જોકે હુસેન ઐયુબે વોટ્સએપના વોઈઝ મેસેજથી “હું શહેનાઝને તલાક આપું છું કહી ત્રણ વાર તલાક શબ્દનું ઉચ્ચારણ કર્યું હતું. ડરી ગયેલ શહેનાઝે તેના ભાઈને આ બાબતની જાણ કરતાં તે તેને પોતાની સાથે ઘરે લઈ આવ્યો હતો.
સરકારે એક તરફ મુસ્લિમ મહિલા લગ્ન અધિકારી રક્ષણ અધિનિયમ હેઠળ મહિલાઓને સુરક્ષા પ્રદાન પર્વ પ્રયાસો હાથ ધાર્યા છે તે વચ્ચે આ કિસ્સો પડકાર સમાન માનવામાં આવી રહ્યો છે. ઘટના અંગે ફરિયાદી શહેનાઝે પાલેજ પોલીસ મથકે ફરિયાદ આપતા પાલેજ પોલીસે મુસ્લિમ મહિલા લગ્ન અધિકાર રક્ષણ અધિનિયમ હેઠળ પતિ સહિત 5 સાસરીયાઓ વિરુધ્ધ ગુનો નોંધી કાયદેસરની કાર્યવાહી હાથ ધરી છે.
આ પણ વાંચો : દહેજમાં દર્દીઓ ઉપર અખતરાં કરતાં 5 મુન્નાભાઈ ઝડપાયા, છેલ્લા એક વર્ષમાં ૩૦ બોગસ તબીબ જેલ ભેગા કરાયા
આ પણ વાંચો : 4 તાલુકાના 70 હજાર હેક્ટરમાં કપાસના પાકના નુકશાનનો તાગ મેળવવા કલેકટર ખેતરમાં ઉતર્યા , 10 સ્થળે સેમ્પલર મુકાયા
Latest News Updates
