સાબરડેરીનું સુકાન સંભાળવાનો માર્ગ થયો મોકળો, સત્તાધારી ‘વિકાસ પેનલ’ના વિજય સાથે હવે જામશે ચેરમેન અને વાઈસ ચેરમેનના પદ માટે જંગ

  • Publish Date - 10:55 am, Sat, 23 February 19 Edited By: TV9 WebDesk8
સાબરડેરીનું સુકાન સંભાળવાનો માર્ગ થયો મોકળો, સત્તાધારી 'વિકાસ પેનલ'ના વિજય સાથે હવે જામશે ચેરમેન અને વાઈસ ચેરમેનના પદ માટે જંગ

સાબરડેરીની સામાન્ય ચૂંટણીમાં 12 બેઠક બિનહરીફ જાહેર થઈ હતી.  જ્યારે 4 બેઠક માટે ચૂંટણી યોજાઈ હતી. જેમાં વર્તમાન સત્તાધારી  વિકાસ પેનલનો વિજય થયો છે.

અરવલ્લી અને સાબરકાંઠા જીલ્લામાં સાડા ચાર લાખથી વધુ પશુપાલકોની આર્થિક જીવાદોરી સાબરડેરી છે.   શુક્રવારે સાબરડેરીની સામાન્ય ચુંટણી યોજાઈ હતી. જેમાં  16 બેઠકમાંથી 12 બેઠક બિનહરીફ થઇ છે.  ગત માર્ચ માસમાં જ્યારે સામાન્ય ચુંટણી જાહેર થઇ હતી ત્યારે ઉમેદવારી ફોર્મ ભરવાની પ્રક્રિયા દરમ્યાન જ હાઇકોર્ટે ચુંટણી પ્રક્રીયા પર સ્ટે આપ્યો હતો.  બાદ સુપ્રીમ કોર્ટમાં PIL દાખલ થઇ હતી અને તે પછી હવે સવા વર્ષ જેટલા સમય બાદ સમાધાન સધાયું છે.  ચુંટણી યોજવા માર્ગ મોકળો થતાં જ વહીવટી તંત્રએ  ચુંટણી યોજી હતી અને મતદાનની પ્રક્રિયા  હાથ ધરાઈ હતી. પરિણામમાં 10 ઉમેદવારોમાંથી 4 ઉમેદવારો વિજય બન્યા હતા અને ફરી સત્તા સંભાળવાનો માર્ગ મોકળો થયો છે.

સાબરડેરીના ચૂંટણી અધિકારી  વાય. એસ.ચૌધરી મુજબ 4 ઝોન માટે 10ઉમેદવારો વચ્ચે ચુંટણી યોજવામા આવી હતી.  જેમાં 4 ઝોનના વિજેતા ઉમેદવારોને જાહેર કરાયા છે.  અગાઉ 12 ઉમેદવારો બીનહરીફ થયા છે. સાબરડેરીના વર્તમાન ચેરમેન જેઠાભાઇ પટેલ એ ચુંટણીમાં પોતાની પેનલ જીતતા મતદાર પશુપાલકો આભાર માનતા દાવો કર્યો છે.  પશુપાલકોના હિત માં આગામી સમયમાં સાબરડેરી નિયામક  નિર્ણયો લેશે અને પશુપાલકોના બહોળા વિકાસ માટે પ્રયાસો કરી સાબરડેરીને વિકાસની દિશા સુધી લઇ જવા માટેની ખાતરી આપી છે.સાબરકાંઠા અને અરવલ્લી જિલ્લાના પશુપાલકોએ અગાઉ સાબરડેરી નિયામકના સત્તા ધિશો સામે વાર્ષિક ભાવફેર હોય કે પછી દૂધના ભાવ મુદ્દે મોરચો માંડ્યો હતો. તેમ છતાં પણ બંને જિલ્લાના પશુપાલકોએ સાબરડેરીના ડિરેકટરો પર બીજી વાર વિશ્વાસ મુક્યો છે. યોજાયેલી સામાન્ય ચુંટણીમાં આજે મતણગતરી થતા  વિકાસ પેનલના વિપુલ પટેલ, જશુભાઈ પટેલ, ભોગીભાઈ પટેલનો વિજય થયો છે. જ્યારે હિંમતનગરના ધારાસભ્ય રાજેન્દ્રસિંહ ચાવડા અને સાબરકાંઠા બેંકના ચેરમેન મહેશ પટેલે ચુંટણીમાંથી પોતાની ઉમેદવારી અગાઉથી જ પાછી ખેંચી લીધી હતી.

જોકે સત્તા કોના હાથમાં રહેશે એના આટાપાટા ચેરમેન અને વાઇસ ચેરમેન પદની ચુંટણીમાં ખબર પડશે. તે પછી જ સાબરડેરીના સુકાની કોણે નક્કી થશે અને ત્યાં સુધી હજુ પણ સત્તાના આટાપાટા વિજેતા ડીરેકટરો વચ્ચે ખેલાશે. 

વિજેતા ઉમેદવારોની યાદી:

 હિંમતનગર-વિપુલભાઈ રમણભાઈ પટેલ
 તલોદ-ભોગીભાઈ રમણભાઈ પટેલ
 પ્રાંતીજ-મણીભાઈ ઈશ્વરભાઈ પટેલ
 માલપુર-જશુભાઈ સિવાભાઈ પટેલ
[yop_poll id=1729]
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]

Click on your DTH Provider to Add TV9 Gujarati