Rajkot: સતત બીજા દિવસે પણ મેઘ મહેર, વરસાદ વરસતા ગ્રામ્ય પંથકના ખેડૂતોમાં હરખની હેલી
ધોરાજી,ઉપલેટા,વિરપુર,જેતપૂર ખાતે પણ જોરદાર વરસાદ પડ્યો હતો.સૌથી વધારે ધોરાજીમાં વરસાદ પડ્યો હતો
Rajkot: અષાઢી બીજે અમીછાંટણાનું મુર્હત રાજકોટ (Rajkot)માં પણ સચવાયું હતું. રાજકોટ શહેરમાં સમી સાંજે જોરદાર વરસાદ (Rain) વરસ્યો હતો. સતત બીજા દિવસે વરસાદને કારણે વાતાવરણમાં ઠંડક પ્રસરી હતી. શહેરના રેસકોર્ષ,યાગ્નિક રોડ, કાલાવડ રોડ, 150 ફૂટ રિંગ રોડ સહિતના વિસ્તારોમાં અડધો કલાકમાં અડધો ઈંચ કરતા વધારે વરસાદ વરસ્યો. આ તરફ રાજકોટ જિલ્લાના ગ્રામ્ય વિસ્તારોમાં પણ વરસાદ પડ્યો હતો, જેના કારણે ખેડૂતોના જીવમાં જીવ આવ્યો છે.
પાણી ભરાય જવાને કારણે ટ્રાફિક જામના દ્રશ્યો જોવા મળ્યા
રસ્તા પર પાણી ભરાતા ટ્રાફિકજામના દ્રશ્યો શહેરમાં સાંજના સમયે પડેલા ધમાકેદાર વરસાદને કારણે અનેક રસ્તાઓ પર પાણી ફરી વળ્યા હતા.પાણી ભરાય જવાને કારણે ટ્રાફિક જામના દ્રશ્યો જોવા મળ્યા હતા.ઓફિસો છુટવાના સમયે પડેલા વરસાદથી લોકોને છત્રી અને રેઈનકોટના સહારે ઘર સુધી પહોંચવું પડ્યું હતું.
ઓફિસો છુટવાના સમયે પડેલા વરસાદથી લોકોને છત્રી અને રેઇનકોટના સહારે ઘર સુધી પહોંચવું પડ્યું
ગ્રામ્ય વિસ્તારોમાં પણ વરસાદથી ખેડૂતો રાજી રાજકોટ શહેરની સાથે ગ્રામ્ય વિસ્તારોમાં પણ જોરદાર વરસાદ વરસ્યો હતો. ધોરાજી, ઉપલેટા, વિરપુર, જેતપૂર ખાતે પણ જોરદાર વરસાદ પડ્યો હતો. સૌથી વધારે ધોરાજીમાં વરસાદ વરસ્યો હતો. સારા વરસાદને કારણે ધરતીપુત્રોમાં ખુશીની લાગણી જોવા મળી હતી.
આ પણ વાંચો: Rajkot: સૌરાષ્ટ્રમાં લવ જેહાદનો પ્રથમ કેસ નોંધાયો, લગ્નની લાલચ આપી મહિલાને ધર્મ પરિવર્તન માટે દબાણ કર્યું
આ પણ વાંચો: Navsari : ભાજપ કાર્યકરની હત્યાનો ભેદ ઉકેલાયો, ચાર આરોપીની ધરપકડ
Latest News Updates
