રાજકોટ : ન્યૂડ ડાન્સ, જુગારધામ બાદ ઇમ્પિરીયલ હોટેલ સામે વધુ એક તપાસ !
આરોગ્ય વિભાગની તપાસ દરમિયાન હોટેલના રસોડામાં સફાઇનો અભાવ જોવા મળ્યો હતો.હોટેલમાં બેઝમેટમાં સફાઇ ન હતી.ડસ્ટબીન જે કવર રાખવા ફરજીયાત છે તે ખુલ્લા હતા.પ્રિપેર્ડ ફુડમાં એક્સપાઇયરી ડેટ લખવી ફરજીયાત છે તે પણ લખવામાં આવી ન હતી.
આરોગ્ય વિભાગની તપાસમાં ઇમ્પિરીયલ હોટેલમાંથી અખાધ જથ્થો મળી આવ્યો, હોટેલની સ્થિતિ પણ અનહાઇજેનિક જોવા મળી. ન્યૂડ ડાન્સનો વાયરલ વિડીયો અને ત્યારબાદ જુગારધામ જેવા વિવાદોથી ઘેરાયેલી ઇમ્પિરીયલ હોટેલ વધુ એક વખત વિવાદમાં આવી છે.રાજકોટ મહાનગરપાલિકા દ્વારા વન ડે વન વોર્ડ અંતર્ગત રાજકોટના યાગ્નિક રોડ પર ૩૦ જેટલા ખાધ પદાર્થ વેંચતા આસામીઓને ત્યાં તપાસ હાથ ધરવામાં આવી હતી. જેમાં ઇમ્પિરીયલ હોટેલમાં અનહાઇજેનિક સ્થિતિ જોવા મળી હતી. જેને જોતા આરોગ્ય વિભાગે નોટિસ પાઠવી હતી.
પુરણપુરી-પીત્ઝા વાસી જોવા મળ્યા,સફાઇ પણ ન હતી.
આરોગ્ય વિભાગની તપાસ દરમિયાન હોટેલના રસોડામાં સફાઇનો અભાવ જોવા મળ્યો હતો.હોટેલમાં બેઝમેટમાં સફાઇ ન હતી.ડસ્ટબીન જે કવર રાખવા ફરજીયાત છે તે ખુલ્લા હતા.પ્રિપેર્ડ ફુડમાં એક્સપાઇયરી ડેટ લખવી ફરજીયાત છે તે પણ લખવામાં આવી ન હતી.આ ઉપરાંત હોટેલમાં તૈયાર વાસી પૂરણપુરી અને પિત્ઝા બેઝ મળી આવ્યા હતા. જેનો ૩ કિલો જેટલો જથ્થો નાશ કર્યો હતો.જેને લઇને આરોગ્ય વિભાગે નોટિસ પાઠવી છે.
અન્ય ૩૦ રેસ્ટોરન્ટમાં તપાસ
ઇમ્પિરીયર હોટેલની સાથે સાથે અન્ય ૩૦ જેટલા રેસ્ટોરન્ટ એકમોમાં તપાસ હાથ ધરવામાં આવી હતી. જેમાં ટોમેટો રેસ્ટોરન્ટમાંથી ૩ કિલો વાસી ગ્રેવી,બોઇલ્ડ નુડલ્સ ૨ કિલો અને બોઇલ્ડ રાઇસ ૨ કિલો મળી આવ્યા હતા. જેનો આરોગ્ય વિભાગના ફુડ શાખાના અધિકારીઓ દ્વારા નાશ કરવામાં આવ્યો હતો.
અગાઉ ન્યૂડ ડાન્સનો વાયરલ વિડીયો અને જુગારધામનો વિવાદ
ઇમ્પિરીયલ હોટેલ વિવાદોનું કેન્દ્ર બની ગયું છે.તાજેતરમાં બે ચર્ચાસ્પદ વિવાદો સામે આવ્યા હતા. જેમાં એક વિવાદ યુવતીના ન્યૂડ વિડીયોનો હતો.હોટેલના છઠ્ઠા માળે એક યુવતીનો ન્યૂડ વિડીયો વાયરલ થયો હતો જો કે તપાસ દરમિયાન વ્યક્તિગત બાબતનું કહીને તપાસ પૂર્ણ કરી દેવામાં આવ્યું હતું.આ વિવાદ શાંત થયો ન હતો ત્યાં હોટેલના છઠ્ઠા માળે જુગારધામ પકડાયું હતું જેમાં ૧૦ જુગારીઓ પકડાયા હતા. હવે જોવું રહ્યું કે આ કેસમાં નવું શું ખુલે છે.
આ પણ વાંચો : Ahmedabad :હૃદયની ગંભીર બિમારી ધરાવતા દર્દીઓ માટે રાહતના સમાચાર, સામાન્ય કાપો મુકીને કરી શકાશે હાર્ટની ગંભીર સર્જરી
Latest News Updates
