Rajkot: પ્રાચીનકાળનું સોનું મળી આવ્યાનું કહીને ડુપ્લિકેટ સોનાના દાગીના વેચતો શખ્સ ઝડપાયો, અનેક ગુનાનાં ભેદ ઉકેલાવાની શક્યતા

Rajkot :  રાજકોટમાં પ્રાચીનકાળનાં સમયનું સોનું મળી આવ્યાનું કહીને નકલી સોનાના દાગીના વેચતા મારવાડી શખ્સની ક્રાઇમ બ્રાન્ચે ધરપકડ કરી છે અને પોલીસે આરોપી પાસેથી  966 ગ્રામની માળા પણ જપ્ત કરી છે.

જો કોઈ તમને સસ્તા ભાવે સોનું આપવાની વાત કરે અથવા તો સોનાનો મોટો જથ્થો મળ્યો હોવાથી વેચવો છે, તેમ કહી લલચાવે તો ચેતી જજો, નહી તો આ લાલચમાં આવીને તમારે ખોટ ખાવાનો વારો આવી શકે છે. કારણ કે, રાજકોટમાં પ્રાચીનકાળનું સોનું મળી આવ્યાનું કહીને ડુપ્લિકેટ સોનાના દાગીના વેંચતા એક મારવાડી શખ્સને પોલીસે ઝડપી પાડ્યો છે.

બાર લાખની કરી ઠગાઈ

રાજકોટમાં મકાનના પાયા ખોદતી વખતે પ્રાચીનકાળના સોનાના ઘરેણા દોઢ કિલોની માળા મળી છે એવી વાત કરીને મારવાડી શખ્સે આરસના મુર્તિ-મંદિર બનાવવાનું કામ કરતાં વેપારી સાથે 12 લાખની છેતરપિંડી કરતાં બી-ડિવીઝન પોલીસે ગુનો નોંધ્યો છે. આ શખ્સ વિરૂદ્ધ ફરિયાદી વેપારીએ 12 લાખની છેતરપિંડીનો આરોપ લગાવ્યો છે.

ફરિયાદીનું કહેવું છે કે,આરોપીએ ખોદકામ દરમિયાન મને હાથીનો શણગાર વાળી એન્ટિક વસ્તુ મળ્યું છે  એમ કહીને આરસના મુર્તિ-મંદિર બનાવવાનું કામ કરતાં વેપારીને  વેચવી છે એમ કહીને અમારી સાથે છેતરપિંડી કરી હતી. ઉપરાંત અમને સોનાની માળાના બે કટકા બતાવી ચેક કરવા આપી દીધા હતાં,આથી આ લોકો ઉપર મને વિશ્વાસ બેસી ગયો હતો.

પોલીસના કહેવા પ્રમાણે, આ શખ્સ મજુર જેવો પહેરવેશ પહેરીને બસ સ્ટેન્ડ,રેલ્વ સ્ટેશન અને રિક્ષામાં અજાણ્યા શિકારની શોઘમાં જતો હતો. પોતે કચ્છ ખાતે મજૂરી કામ કરે છે અને ત્યાં તેને પૌરાણિક સોનાનો ખજાનો મળ્યો છે તેવું કહીને વિશ્વાસમાં લેતા હતા બાદમાં જો કોઇ તેની વાતમાં આવે તો તેને સાચું સોનું સેમ્પલ માટે આપીને વિશ્વાસમાં લેતા હતા અને ત્યારબાદ મોટી રકમ વસૂલ કરીને ઘાતુના દાગીના આપીને છેતરપિંડી આચરતા હતા..પોલીસના કહેવા પ્રમાણે આ શખ્સે રાજકોટના પારેવડી ચોકમાં અને માર્કેટીંગ યાર્ડ નજીક અલગ અલગ બે લોકો સાથે છેતરપિંડી કરી હોવાની કબૂલાત આપી છે જે અંગે ક્રાઇમ બ્રાન્ચ અને બી ડિવીઝન પોલીસ સ્ટેશનમાં ફરિયાદ નોંધાઇ છે,જે અંગે પણ પોલીસે તપાસ શરૂ કરી છે.

મહત્વપૂર્ણ છે કે, અગાઉ આરોપી મોરબીમાં ચોરીના ગુનામાં પકડાય ચૂક્યો છે અને આ શખ્સ સાથે અન્ય સાગ્તોરી હોવાનું પણ સામે આવ્યું છે જેની પોલીસે શોધખોળ શરૂ કરી છે. હાલ પોલીસ આ શખ્સે કેટલા લોકોને પોતાના શિકાર બનાવ્યા છે તે દિશામાં તપાસ શરૂ કરી છે.