GSEB 12th Result 2021 : વિદ્યાર્થીઓને B1 અને B2 ગ્રેડ વધારે મળ્યો, માર્કશીટમાં માસ પ્રમોશનનો ઉલ્લેખ નથી કરાયો

AHMEDABAD :ગુજરાત શિક્ષણ બોર્ડ દ્વારા ધો-12 વિજ્ઞાન પ્રવાહનું 1 લાખથી વધુ વિદ્યાર્થીનું પરિણામ જાહેર કરવામાં આવ્યું છે. ધોરણ 12 સાયન્સનું1,07,264 વિદ્યાર્થીઓનું પરિણામ જાહેર કરવામાં આવ્યું છે. 3245 વિદ્યાર્થીઓએ A1 ગ્રેડ મેળવ્યો , 15284 વિદ્યાર્થીઓએ A2 ગ્રેડ મેળવ્યો છે. તો વિદ્યાર્થીઓને એવરેજ B1 અને B2 ગ્રેડ મળતા થોડી નારાજગી જોવા મળી રહી છે. કોરોના મહામારીને કારણે પરીક્ષા ન યોજાતા તમામ વિદ્યાર્થીઓને માસ પ્રમોશન આપવામાં આવ્યું છે, જેના કારણે પહેલીવાર 100 ટકા પરિણામ આવ્યું છે. પણ ઉલ્લેખનીય વાત એ છે કે વિદ્યાર્થીઓની માર્કશીટમાં માસ પ્રમોશનનો ઉલ્લેખ કરવામાં નથી આવ્યો.