Navsari: કોરોનાની લહેર જે આવે તે આવે, સુધરે એ બીજા, નવસારીની શાકમાર્કેટમાં સોશિયલ ડિસ્ટન્સનો સરેઆમ છેદ ઉડ્યો

Navsari: એક બાજુ કોરોનાનો કહેર છે. તો બીજી તરફ લોકો સરેઆમ નિયમોનો ભંગ કરી રહ્યા છે. નવસારીની વિજલપોર માર્કેટમાં પણ સોશિયલ ડિસ્ટન્સ ભંગના દ્રશ્યો સામે આવ્યા છે.

  • Publish Date - 9:11 am, Wed, 12 May 21 Edited By: Pinak Shukla

Navsari: એક બાજુ કોરોનાનો કહેર છે. તો બીજી તરફ લોકો સરેઆમ નિયમોનો ભંગ કરી રહ્યા છે. નવસારીની વિજલપોર માર્કેટમાં પણ સોશિયલ ડિસ્ટન્સ ભંગના દ્રશ્યો સામે આવ્યા છે.

નવસારીની વિજલપોર શાક માર્કેટના સોશિયલ ડિસ્ટનસ ભંગના દ્રશ્યો સામે આવ્યા છે. લોકોને કોરોનાનો કોઈ ડર ના હોય તેમ શાકભાજીની ખરીદી કરી રહ્યા છે. આ સાથે જ કોરોનાનો કોઈ ડર ના હોય તેવા બેદરકારી ભર્યા દ્રશ્યો સામે આવ્યા છે. ઘટનાની જાણ થતા વિજલપોર પોલીસ ઘટનાસ્થળે દોડી ગઈ હતી. પોલીસે કાર્યવાહી કરી છે.

નોંધનીય છે કે, અગાઉ પણ સોશિયલ ડિસ્ટન્સના ભંગના ઘણા દ્રશ્યો સામે આવ્યા છે. જેમાં મોડાસાના ઈટાડી ગામે ધાર્મિક ભીડ એકઠી કરવાને મામલે ફરિયાદ નોંધાઈ છેબળિયાદેવને પાણી ચડાવવા માટે શોભાયાત્રા નીકળી હતી. શોભાયાત્રાના વાયરલ વીડિયોને આધારે કાર્યવાહી કરી છે.કોવિડ-19 જાહેરનામા ભંગ બદલ 10 લોકો સામે ગુનો નોંધાયો છે. મોડાસા રૂરલ પોલીસે 10 આરોપીની ધરપકડ કરી તપાસ હાથ ધરી છે.

અન્ય વાત કરવામાં આવે તો કચ્છના ભચાઉમાં SBI બેંકમાં વ્યવસ્થાના અભાવે લોકોની ભારે ભીડ જામી અને SOPના ધજાગરા ઉડ્યા હતા. સુરતમાં બે જગ્યાઓથી સોશિયલ ડિસ્ટન્સના ધજાગરાના વીડિયો સામે આવ્યા હતા જેમાં એક તાપી નદી પરના કોઝવે અને નદી કિનારાનો વીડિયો છે. તો બીજો વીડિયો મોટા વરાછા વિસ્તારના ક્રિકેટ ગ્રાઉન્ડનો છે. જ્યાં મોટી સંખ્યામાં યુવાનો ભેગા થયા હતા અને ક્રિકેટ રમી રહ્યા હતા. અન્ય શહેરની વાત કરવામાં આવે તો  દેવભૂમિ દ્વારકામાં સોશિયલ ડિસ્ટન્સનો ભંગ થયું હોવાનું સામે આવ્યું હતું. જ્યાં શાક માર્કેટ પાસે આવેલી બેન્ક ઓફ બરોડાની બ્રાન્ચમાં લાંબી કતાર જોવા મળી હતી.

કોરોનાકાળમાં વડોદરાના કેટલાક લોકોને નમાજ પઢવી ભારે પડી હતી. શહેરના વાડી વિસ્તારમાં આવેલી ડોસુમિયા મસ્જિદમાં નમાજ પઢવા માટે 50 કરતા વધુ લોકો એકઠાં થયા હતા. આ ઘટનાએ પોલીસ કમિશનરના જાહેરનામાનો ભંગ કર્યો હતો. ઘટનાની જાણ થતા શહેરની વાડી પોલીસે ટ્રસ્ટીઓ સામે જાહેરનામા ભંગ બદલ ગુનો દાખલ કર્યો છે. પોલીસ દ્વારા કાયદેસરની કાર્યવાહી હાથ ધરી છે.

આ પણ વાંચો : Bhavnagar Hospital Fire: રાજ્યની વધુ એક કોવિડ હોસ્પિટલમાં આગથી અફરાતફરી, ભાવનગરની સમર્પણ હોસ્પિટલની આગમાં 18 દર્દી બચાવી લેવાયા