મહેસાણામાં વરસાદી માહોલ વચ્ચે વાવાઝોડુ, અનેક વિસ્તારોમાં વૃક્ષ ધરાશાયી થતા લોકોને હાલાકી
ભારે પવન સાથે બહુચરાજી(bahucharaji) નજીક ફિંચડી અને હાંસલપુરમાં વાવાઝોડું ત્રાટક્યુ હતુ.જેના પગલે મકાનોના છાપરા ઉડ્યા અને અનેક નાના-મોટા વૃક્ષો પણ ધરાશાયી થયા.
ચોમાસાના(Monsoon 2022) આગમન સાથે જ મહેસાણામાં(mehsana) વિનાશ વેરાયો છે.ભારે પવન સાથે બહુચરાજી(bahuchraji) નજીક ફિંચડી અને હાંસલપુરમાં વાવાઝોડું ત્રાટક્યુ હતુ.જેના પગલે મકાનોના છાપરા ઉડ્યા અને અનેક નાના-મોટા વૃક્ષો પણ ધરાશાયી થયા..જેને કારણે લોકોએ પારાવાર મુશ્કેલીનો સામનો કરવો પડ્યો હતો.
રાજ્યમાં મેઘરાજાએ જમાવટ કરી
રાજ્યમાં મેઘરાજાએ જમાવટ કરી છે.દક્ષિણ ગુજરાત અને સૌરાષ્ટ્ર (Saurashtra) બાદ હવે મધ્ય અને ઉત્તર ગુજરાતમાં પણ મેઘરાજાની સવારી પહોંચી ગઈ છે.સૌરાષ્ટ્રમાં જૂનાગઢના માંગરોળમાં મેઘરાજા મહેરબાન થયા હતા. અહીં ત્રણ ઈંચ જેટલો વરસાદ નોંધાયો હતો. તો અમરેલીના કુંકાવાવ અને જામનગરના ધ્રોલમાં પણ ધોધમાર વરસાદ વરસ્યો હતો. આ તરફ યાત્રાધામ પાવાગઢ અને બહુચરાજીમાં પણ મેઘરાજા મન મુકીને વરસ્યા હતા. તો વડોદરાના(vadodara) ડભોઈમાં પણ ભારે વરસાદ વરસતા રસ્તા પર પાણી વહેતા થયા હતા.
આગામી પાંચ દિવસ સારા વરસાદની આગાહી
રાજ્યમાં આગામી પાંચ દિવસ સારા વરસાદની હવામાન વિભાગે આગાહી કરી છે.દક્ષિણ ગુજરાતમાં પાંચ દિવસ ભારે વરસાદ રહેશે.તો સૌરાષ્ટ્રમાં એક દિવસ સારા વરસાદની આગાહી કરવામાં આવી છે.દક્ષિણ ગુજરાતમાં સુરત, વલસાડ, નવસારી, તાપી અને ડાંગમાં વરસાદ પડી શકે છે.જ્યારે, સૌરાષ્ટ્રમાં જૂનાગઢ, રાજકોટ, પોરબંદર, અમરેલી અને ભાવનગરમાં વરસાદની શક્યતા છે.ભારે વરસાદની આગાહી વચ્ચે દક્ષિણ ગુજરાતના માછીમારોને એલર્ટ રહેવા માટે પણ સૂચન અપાઈ છે.સામાન્ય રીતે જૂન મહિનામાં 3 ઈંચ જેટલો વરસાદ હોવો જોઈએ, પરંતુ, આ વર્ષે જૂનમાં સરેરાશ દોઢ ઈંચ જેટલો વરસાદ નોંધાયો છે.
Latest News Updates
