મહેસાણાના નંદાસણ પાસે બે કાર વચ્ચે અકસ્માત, બે વ્યકિતના ઘટના સ્થળે મોત

ગુજરાતમાં મહેસાણાના નંદાસણ પાસે બે કાર વચ્ચે અકસ્માત સર્જાયો છે. જેમાં બે વ્યકિતના ઘટના સ્થળે જ અવસાન થયા છે. આ દુર્ઘટનામાં એક કારનું ટાયર ફાટતા સામે આવતી કાર સામે ધડાકાભેર અથડાઇ હતી. જેમાં અકસ્માતમાં બે લોકોના ઘટનાસ્થળે જ મોત થયા.. ઉલ્લેખનીય છે કે બુડાસણનો પરિવાર દીકરી માટે સગપણ જોઈને પરત ફરી રહ્યો હતો ત્યારે તેમને આ અકસ્માત નડ્યો હતો. આ અકસ્માતમાં એક કારમાં સવાર દીકરીના માતા અને ડ્રાઈવરના ઘટનાસ્થળે જ મોત થયા હતા.જેને લઈને પરીવારમાં શોક વ્યાપ્યો છે.

આ ઉપરાંત આજે ગુજરાતમાં કચ્છ જિલ્લાના ભુજ તાલુકાના ધાણેટી નજીક ગમખ્વાર અકસ્માત સર્જાયો છે. જેમાં બે ડમ્પર ટકરાતા બંને વાહનોના આગ ભભૂકી ઉઠી હતી. આ દુર્ઘટનાના બંને વાહન ચાલકો દાઝી જતાં તેમના મૃત્યુ થયા છે. જો કે રોડ પર જ આગ લાગતા ખાનગી ફાયર ફાયટરની ટીમ દ્વારા આગ પર કાબૂ મેળવવામાં આવ્યો હતો . જ્યારે આ દુર્ઘટનાને પગલે રસ્તા પર લાંબો ટ્રાફિક જામ થઈ ગયો હતો.

આ પણ વાંચો : ગુજરાતમાં ગ્રેડ પે મુદ્દે આંદોલન પોલીસ કર્મીઓને ભારે પડ્યું, કાર્યવાહી શરૂ કરાઇ

આ પણ વાંચો : કેન્દ્રીય ગૃહ પ્રધાન અમિત શાહ 1 નવેમ્બરના રોજ કુંડળ સ્વામીનારાયણ મંદિરમાં ધાર્મિક કાર્યક્રમમાં હાજરી આપશે