મહેસાણાના જોટાણા (Jotana)ની કુમાર પ્રાથમિક શાળામાં ફરજ બજાવતા ખદલપુરના વતની મુકુંદ કુમાર કનૈયાલાલ પટેલે વેક્સિન (vaccination)ના બંને ડોઝ લીધા હતા. આ વખતે તેમણે જોટાણા PHC સેન્ટર ખાતે મોબાઇલ નંબર તથા આધારકાર્ડના વેરીફીકેશન કરીને બંને વેક્સિનના ડોઝ લીધા હતા.
જોટાણા શિક્ષક બુસ્ટર ડોઝ (Booster dose) લેવા ગયા ત્યારે આ વાતનો ખુલાસો થયો હતો. હવે બુસ્ટર ડોઝ મળશે કે કેમ તે બાબતે શિક્ષક મુશ્કેલીમાં મુકાઈ ગયા છે. તેમણે આ બાબતે આરોગ્ય વિભાગના લેખિતમાં જાણ પણ કરી છે કે તેમના વેક્સિનેશનના બે અલગ અલગ સર્ટિફિકેટ (certificates) મળ્યાં છે જેમાંથી સાચું કયુ છે.
આ શિક્ષક (Teacher) ગત વર્ષે ફેબ્રુઆરીમાં પહેલો અને માર્ચ મહિનામાં બીજો ડોઝ લીધો હતો. તેમના પ્રથમ સર્ટિફિકેટ ID-57841051582 નંબરનું નીકળ્યુ છે જેમાં પ્રથમ ડોઝ 10-2-2021 તથા બીજો ડોઝ 25-10-2021 દર્શાવે છે જ્યારે બીજું સર્ટિફિકેટ ID-57895865459 નંબરનું નીકળ્યું જેમાં પ્રથમ ડોઝ 5-2-2021 અને બીજો ડોઝ 25-10-2021ના રોજ લીધો હોવાનું દર્શાવે છે.
અત્યારે સરકારે બુસ્ટર ડોઝ આપવાનું શરુ કર્યું છે ત્યારે આ છબરડો સામે આવ્યો છે. જોકે સમગ્ર રાજ્યમાં આવા બીજા પણ સર્ટિફિકેટ બન્યા હોઈ શકે છે. જોકે બુસ્ટર ડોઝ લેવાનો થશે ત્યારે આ બાબતે આવા વધુ કિસ્સા સામે આવી શકે છે.
આરોગ્ય વિભાગને આમાં કશું ગંભીર જણાતું નથી. તેને કરેલી ફરિયાદને પગલે આરોગ વિભાગ કહે છે કે આ સોફ્ટવેર અને ડેટા એન્ટ્રીની ભૂલ હોઈ શકે છે જેને સુધારી નવું સર્ટિફિકેટ આપી દઈશું.
આ પણ વાંચોઃ FACT CHECK : શું કોરોનાના ઇલાજ માટે સરકાર આપી રહી છે 5000 ? જાણો હકીકત
આ પણ વાંચોઃ દેશની વધુ એક સિદ્ધિ : માત્ર 10 દિવસમાં 3 કરોડ કિશોરોને અપાયો કોરોના વેક્સિનનો પ્રથમ ડોઝ