KHEDA : કપડવંજ પાસે નર્મદા નહેરમાંથી કાર મળી, બે મૃતદેહો બહાર કઢાયા
કારમાં સવાર મૃતક મહિલા અને પુરુષ પતિ-પત્ની હોવાની શક્યતા. બંને મૃતકો અમદાવાદના વતની હોવાનું પણ અનુમાન છે. ઘટનાની જાણને પગલે કપડવંજ રૂરલ પોલીસ પણ ઘટનાસ્થળે પહોંચી કાર્યવાહી હાથ ધરી હતી.
KHEDA : કપડવંજ તાલુકાના દહીયપ ગામ પાસેથી પસાર થતી નર્મદા નહેરમાંથી એક કાર મળી આવી છે. ક્રેઈન દ્વારા નહેરમાંથી કારને બહાર કાઢવામાં આવી. કાર બહાર કાઢતા તેમાં સવાર એક મહિલા અને પુરુષનો મૃતદેહ મળ્યો. કારમાં સવાર મૃતક મહિલા અને પુરુષ પતિ-પત્ની હોવાની શક્યતા. બંને મૃતકો અમદાવાદના વતની હોવાનું પણ અનુમાન છે. ઘટનાની જાણને પગલે કપડવંજ રૂરલ પોલીસ પણ ઘટનાસ્થળે પહોંચી કાર્યવાહી હાથ ધરી હતી. ત્યારે ફિલ્મી ઢબે નર્મદાની નહેરમાંથી કાર મળતા સમગ્ર પંથકમાં ચકચાર ફેલાઈ છે.
અકસ્માતને લઇને પોલીસની ઉંડાણપૂર્વક તપાસ, મૃતકોની ઓળખ થઇ શકી નથી
હાલ તો આ અકસ્માતની ઘટનાને લઇને અનેક સવાલોએ જન્મ લીધો છે. અને, અકસ્માત કેવી રીતે સર્જાયો છે તેનું પોલીસ તારણ મેળવી રહી છે. જોકે, આ ઘટનામાં મૃતકોની ઓળખ કરવી મુશ્કેલી બની છે. પરંતુ, બંને મૃતકોની ઓળખ થયા બાદ આ અકસ્માતની ઘટના પરથી પડદો ઉંચકાશે. સાથે જ અકસ્માતની ઉંડાણપૂર્વકની તપાસને અંતે નવું શું સામે આવે છે તેના પર સૌ-કોઇની નજર રહેશે.
આ પણ વાંચો : PORBANDAR : વેક્સિન સર્ટિફિકેટને લઇને ઘોર બેદરકારી, એક ડોઝ લીધા બાદ કેટલાક લોકોને બંને ડોઝના સર્ટિફિકેટ અપાયા