અમે તમને શોધીશું તમે ગમે ત્યાં છુપાયેલા હો BSF એ 3 દિવસ ઓપરેશન કરી 11 બોટ 6 પાક ઘુસણખોરને ઝડપ્યા !
એરફોર્સ અને BSF ની સંયુક્ત મહેનત બાદ ઝડપાયેલા પાકિસ્તાનીની પુછપરછ થઇ રહી છે. અને ત્યાર બાદ વિવિધ એજન્સીઓ તેની સંયુક્ત પુછપરછ કરી કેટલા માછીમારો બોટમાં સવાર હતા. તે સહિતના વિવિધ સવાલોની પુછપરછ કરશે.
દેશની સૌથી મુશ્કેલ સરહદો પૈકીની એક એવી કચ્છની (Kutch) હરામીનાળા બોર્ડર પર સતત 2 દિવસ કરતા વધુ સમયથી બી.એસ.એફ (BSF)એક ઓપરેશન ચલાવી રહ્યું છે. અને હજુ પણ તે અવીરત ચાલુ છે. ગઇકાલે ઓપરેશન દરમ્યાન BSF ને 11 અલગ-અલગ પાકિસ્તાની (Pakistani Boat) બોટ તો દરિયામાંથી મળી. પરંતુ તેમાં સવાર માછીમારો ક્યાંય દેખાયા નહીં, BSF એ તલાસી અભીયાન શરૂ કર્યુ. અને સમગ્ર 300 ચોરસ કિ.મી એરીયાને સ્કોડન કરી તલાશી અભીયાન શરૂ કર્યુ જે હજુ પણ ચાલુ છે. જોકે આજ સવારથી BSF એ બોટમાં સવાર 6 પાકિસ્તાની માછીમારોને ઝડપી પાડ્યા છે. અને તેની સધન પુછપરછ હાલ ચાલુ છે. પરંતુ આ ઘુસણખોરોને ઝડપવા માટે BSF જવાનોને અનેક મુશ્કેલીનો સામનો કરવો પડ્યો છે.
4 હેલીકોપ્ટર સાથે Creek Crocodiles ઉતર્યા
કચ્છની દરિયાઇ સુરક્ષા પર તૈનાત BSF ની વિવિધ બટાલીયન સાથે BSF એ ગઇકાલથીજ એરફોર્સની મદદથી આકાશી તલાશી અભીયાન શરૂ કર્યુ હતું. પરંતુ દલદલી વિસ્તાર અને ગાઢ મેગ્રુસ જંગલો વચ્ચે BSF ને છુપાયેલા પાકિસ્તાની ઘુસણખોરો મળ્યા ન હતા. જોકે આજે સવારે BSF આઇ.જી જી.એસ.મલિકની દેખરેખ હેઠળ ઓપરેશન શરૂ કરાયું હતું અને 4 હેલીકોપ્ટરની મદદથી 4 ટીમ અલગ-અલગ વિસ્તારમાં ઉતારી હતી. જેમાં ખાસ Creek Crocodiles કમાન્ડો તૈનાત હતા. અને મહામુશ્કેલી વચ્ચે પણ સુરક્ષાબળે 2 દિવસથી છુપાયેલા પાકિસ્તાની ઘુસણખોરને ઝડપી પાડ્યા હતા.
એરફોર્સ અને BSF ની સંયુક્ત મહેનત બાદ ઝડપાયેલા પાકિસ્તાનીની પુછપરછ થઇ રહી છે. અને ત્યાર બાદ વિવિધ એજન્સીઓ તેની સંયુક્ત પુછપરછ કરી કેટલા માછીમારો બોટમાં સવાર હતા. તે સહિતના વિવિધ સવાલોની પુછપરછ કરશે. જોકે BSF એ ટ્વીટ કરી એક સંદેશ દુશ્મનોને આપ્યો હતો. જેમાં અમે તમને શોધીશું તમે ગમે ત્યા છુપાયેલા હો Creek Crocodiles ના સોર્યને BSF એ આ રીતે દર્શાવ્યુ હતું.
અટ્ટપટ્ટી ક્રિક, દલદલી વિસ્તાર અને અનેક મુશ્કેલી જ કચ્છની આ હરામીનાળા બોર્ડરની સુરક્ષાનો વધુ પડકારજનક બનાવે છે. અને ત્યાં કામ કરવું મુશ્કેલ હોય છે. જોકે BSF ના જવાનોએ શૌર્ય અને મુશ્કેલી વચ્ચે પણ દુશ્મન દેશની ઘુસણખોરીને નાકામ બનાવી છે. અને 11 બોટ તથા 6 પાકિસ્તાનીને ઝડપી તેની ઉંડાણ પુર્વકની તપાસ શરૂ કરી છે. જેમાં સંભવત હજુ બોટ માછીમારની સંખ્યા વધે તો નવાઇ નહીં જોકે સંયુક્ત રીતે મુશ્કેલી અને પડકાર વચ્ચે કચ્છ સરહદે જવાનોએ કરેલા કાર્યને સલામ.
આ પણ વાંચો : ખીજડીયા પક્ષી અભયારણ્યને રામસર સાઈટ તરીકે જાહેર કરવા બદલ કૃષિમંત્રી રાઘવજી પટેલે કેન્દ્ર સરકારનો આભાર વ્યક્ત કર્યો
આ પણ વાંચો : પોરબંદર: ફાયર બ્રિગેડની ઓફિસમાં દારૂની મહેફિલનો વીડિયો વાયરલ, ચારની ધરપકડ