Kutch: ક્યાંક તમારૂ બાળક શાળાએથી છુટીને નાહવા તો નથી જતુ ને? ભચાઉ નજીક કેનાલમાં ડુબવાથી બાળકનું મોત !

Kutch: ક્યાંક તમારૂ બાળક શાળાએથી છુટીને નાહવા તો નથી જતુ ને? ભચાઉ નજીક કેનાલમાં ડુબવાથી બાળકનું મોત !
Kutch: Child dies after drowning in Narmada canal near Bhachau

આજે ભચાઉના ખાનગી સ્કુલમાં અભ્યાસ કરતા વિદ્યાર્થીઓ સ્કુલ છુટ્યા બાદ ભચાઉ નજીક જ કેનાલ પાસે ગયા હતા. અને ત્યાં નાસ્તો કર્યા બાદ હાથ ધોવા અને નાહવા માટે ગયા હતા.

Jay Dave

| Edited By: Utpal Patel

Mar 26, 2022 | 7:18 PM

Kutch: પુર્વ કચ્છમાં પાછલા બે મહિનામાં પાણી 8 લોકો માટે જીવલેણ સાબિત થયુ છે. જોકે આજે બનેલ કિસ્સો દરેક વાલીઓ માટે લાલબત્તી સમાન છે. કેમકે ભચાઉની (Bhachau) સ્કુલમાં અભ્યાસ કરતા બે બાળકો (Child)આજે સ્કુલ છુટ્યા પછી નાસ્તો કરી નર્મદા કેનાલમાં નાહવા માટે પડ્યા હતા. જેમાં એકનો તો ચમત્કારીક બચાવ થઇ ગયો હતો. પરંતુ એક વિદ્યાર્થી પાણીમાં ડુબી જવાથી મોતને (Death)ભેટ્યો છે. ભચાઉ ફાયર વિભાગ અને ભુજની ટીમે 2 કલાકની જહેમત બાદ મૃતદેહ શોધવામાં સફળતા મળી હતી.

ઉનાળામાં આવા બનાવો સામે જાગૃતિ જરૂરી

ઉનાળામાં પાણીમાં ડુબી જવાથી મૃત્યુના કિસ્સાઓ વધતા હોય છે. કચ્છમાં પણ પાછલા બે મહિનામાં કેનાલમાં ડુબી જવાથી 7 થી વધુ લોકો મોતને ભેટ્યા છે. આજે ભચાઉના ખાનગી સ્કુલમાં અભ્યાસ કરતા વિદ્યાર્થીઓ સ્કુલ છુટ્યા બાદ ભચાઉ નજીક જ કેનાલ પાસે ગયા હતા. અને ત્યાં નાસ્તો કર્યા બાદ હાથ ધોવા અને નાહવા માટે ગયા હતા. પરંતુ અકસ્માતે કેનાલમાં બન્ને બાળકો ડુબવા લાગ્યા હતા. જે પૈકી પ્રવિણ પ્રજાપતીનો ચમત્કારીક બચાવ થયો હતો. જ્યારે હિતેશ માંગીલાલ પ્રજાપતી ઉં.15 નું ડુબી જવાથી મોત નિપજ્યુ છે. ભચાઉના વિદ્યાર્થીના મોતથી ગામમાં અરેરાટી ફેલાઇ હતી. ભચાઉ પી.એસ.આઇ એ આ મામલે વધુ તપાસ હાથ ધરી છે. ફાયરની ટીમે બે કલાકની જહેમત કર્યા બાદ કિશોરનો મૃતદેહ મળી શક્યો હતો.

ઉનાળાની આકરી ગરમીમાં ડુબી જવાના બનાવોની સંખ્યા વધતી હોય છે. કચ્છમાં પણ નર્મદા કેનાલમાં ડુબવાના કિસ્સા બે મહિનામાં વધ્યા છે. તેવામાં વાલીઓએ સાવચેત થઇ પોતાના બાળકો સ્કુલ છુટ્યા બાદ કે રમવાના બહાને જોખમી જગ્યાએ નાહવા તો નથી જતા ને તેની તકેદારી રાખવી જરૂરી છે. ભચાઉમાં આવાજ જોખમે એક વિદ્યાર્થીને જીવ ગુમાવવો પડ્યો છે.

અત્રે ઉલ્લેખનીય છે કે છેલ્લા બે માસ દરમિયાન પૂર્વ કચ્છમાં આવેલી નર્મદા કેનાલમાં 8 જેટલા લોકો અકાળે ડૂબીને મૃત્યુ પામ્યા હતા. જેમાં ગત 23 માર્ચે અંજારના લાખપર પાસે 2 યુવક, 17 માર્ચના રોજ અંજારના 3 યુવક ખરોઇ પાસે અને 1 કિશોર ચોબારી પાસે તથા 17 ફેબ્રુઆરીના ગાંધીધામના 2 યુવક ભચાઉ દુધઈ વચ્ચેની સુખપર પાસેની કેનાલમાં ડૂબીને મૃત્યુ પામ્યા હતા.

આ પણ  વાંચો : Vadodara: ડભોઇમાં દુષ્કર્મ પીડિતાનો નર્મદા કેનાલમાંથી મૃતદેહ મળ્યો, યુવતીએ ગેંગ રેપની નોંધાવી હતી ફરિયાદ

આ પણ વાંચો :  Finance Bill 2022: ફાઇનાન્સ બિલ 2022 લોકસભામાંથી પસાર, સરકાર ક્રિપ્ટોકરન્સી પર ટેક્સને લઈને વધુ કડક બની

Follow us on

Related Stories

Most Read Stories

Click on your DTH Provider to Add TV9 Gujarati