Gir Somnath : જિલ્લામાં વહેલી સવારથી ધીમી ધારે વરસાદ, ખેડૂતોમાં ખુશીનો માહોલ

હવામાન વિભાગની આગાહી મુજબ સૌરાષ્ટ્રમાં વરસાદ વરસી રહ્યો છે. ગીરસોમનાથ જિલ્લામાં પણ સવારથી વરસાદ વરસી રહ્યો છે.

TV9 GUJARATI

| Edited By: Charmi Katira

Jul 13, 2021 | 1:45 PM

Gir Somnath : હવામાન વિભાગ દ્વારા વરસાદની આગાહી કરવામાં આવી છે. જેને કારણે સૌરાષ્ટ્રમાં પણ વરસાદની આગાહી કરવામાં આવી છે. ગીર સોમનાથ જિલ્લામાં પણ વહેલી સવારથી વરસાદ વરસી રહ્યો છે. સમયસર વરસાદ વરસતા ખેડૂતોમાં ખુશીની લાગણી છવાઈ ગઈ છે.

ગીર સોમનાથ જિલ્લાના તાલાલા, કોડીનાર અને ઉનામાં પણ વરસાદી માહોલ છે. જૂન મહિનામાં અરબી સમુદ્રમાં એક પણ વરસાદી સિસ્ટમ બની ન હતી. જેના કારણે ગુજરાતના મોટાભાગના જિલ્લાઓમાં વરસાદની ઘટ જૂન મહિનામાં જોવા મળી હતી. પરંતુ જુલાઈ મહિનામાં ગુજરાતને વરસાદ આપે તેવી એક પછી એક વરસાદી સિસ્ટમ બની રહી છે.

 

 

સૌરાષ્ટ્રના દરિયાકાંઠાના જિલ્લાઓમાં પણ આ હવાના હળવા દબાણને કારણે ભારે વરસાદ વરસશે. જેનાથી ખેડૂતોને વાવણી લાયક વરસાદ મળી રહેશે. સૌથી વધુ વરસાદની ઘટ પોરબંદર, જૂનાગઢ, ગીર સોમનાથ, ગાંધીનગર અને દાહોદમાં જોવા મળી રહી છે.

Follow us on

Click on your DTH Provider to Add TV9 Gujarati