GANDHINAGAR: માણસાના રીદ્રોલ ગામમાં ચોરી કરવા ઘૂસેલો ચોર ઘરમાં જ ઊંઘી ગયો
બંધ મકાનમાં અવાજ આપતાં પાડોશી જાગી ગયા. તેમણે ઘરનો દરવાજો ખુલ્લો જોતાં તરત બહારથી બંધ કરી ચોરને અંદર પુરી દીધો. બીજા દિવસે પોલીસની હાજરીમાં દરવાજો ખોલાયો ત્યારે ચોર અંદર સુતેલો મળ્યો હતો.
ગાંધીનગરના માણસા (Mansa) તાલુકાના રીદ્રોલમાં ચોરીના એક વિચિત્ર ઘટના બની છે જેમાં એક ચોર (Thief) ચોરી કરવા ઘરમાં ઘૂસ્યો હતો અને ત્યાર બાદ કડકડતી ઠંડીમાં તે ઘરમાં જ ઊંધી ગયો હતો. બીજા દિવસે સવારે મકાનમાલિકે તેને પોલિસને સોંપ્યો હતો.
ગઈકાલે રાત્રે ચોરીના ઈરાદે બંધ મકાનનું તાળું તોડીને અંદર પ્રવેશ્યો હતો. રાત્રિ દરમિયાન નિરવ શાંતિ વચ્ચે અચાનક બંધ મકાનમાં અવાજ આવતાં પાડોશી ત્યાં જોવા ગયા હતા. મકાનનો દરવાજો ખુલ્લો હતો અને અંદરથી આવાજ આવતો હતો તેથી ચોર ઘુસ્યો હોવાનું વિચારીને તેણે બહારથી દરજજો બંધ કરી દીધો હતો.
પાડોશીએ આ વાતની જાણ મકાનમાલિકને કરતાં ગુરુવારે સવારે મકાન માલિકે પોલીસને જાણ કરી હતી. પોલીસની હાજરીમાં મકાનમલિકે ઘરનો દરવાજો ખોલતાં જ ચોર ટુંટિયું વાળીને ગાઢ નિંદ્રામાં પોઢી ગયેલી હાલતમાં મળી આવ્યો હતો. ચોરને પોલીસને હવાલે કરી દેવામાં આવ્યો હતો.
રાત્રિ દરમ્યાન ઘરમાં ઘુસેલા ચોરે ઘરનો તમામ સર સામાન વેર વિખેર કરી નાખ્યો હતો. તિજોરીનું તાળું પણ તોડી નાખ્યું હતું. પણ તે ઘરમાંથી કંઇ ચોરીને ભાગી જાય તે પહેલાં જ ઘરનો દરવાજો બંધ થતાં ચોર અંદર પુરાઈ ગયો હતો.
દરવાજો બહારથી બંધ હોવાથી ચોરને ભાગવાનો રસ્તો મળ્યો ન હતો. આખરે હારી થાકીને ચોર શિયાળાની આકરી ઠંડીમાં ઘરનાં ઓરડામાં જઈને બેફિકર થઈને સૂઈ ગયો હતો. સવારે પોલીસે તેને ઝડપી લીધો હતો.
આ પણ વાંચોઃ Amul રાજકોટમાં દૂધના પાવડરનો પ્લાન્ટ સ્થાપશે : રાધવજી પટેલ
આ પણ વાંચોઃ Bhavnagar : કોરોનાના વધતા કેસ વચ્ચે મહુવા અને પાલીતાણામાં બે નવા ઓક્સિજન પ્લાન્ટ કાર્યરત કરાયા