Gujarat BJP હવે બનશે હાઈટેક, સંગઠન માટે ખાસ APP સાથે ટેબ્લેટ બનાવ્યા, ટૂંક સમયમાં થશે લોન્ચિંગ
ગુજરાત ભાજપ (Gujarat BJP)એ વધુ એક ડિજિટલ સ્ટેપ લીધું છે. ગુજરાત ભાજપ આઈટી સેલ (BJP IT CELL) દ્વારા ખાસ એપ સાથે ટેબ્લેટ (special tablet) તૈયાર કરવામાં આવ્યા છે.
ગુજરાત ભાજપ (BJP, Gujarat) હવે હાઈટેક બનશે. રાજ્યમાં આગામી વિધાનસભા ચૂંટણીની તૈયારીઓ શરૂ થઈ ગઈ છે. ભારતીય જનતા પાર્ટી ગુજરાત પ્રદેશે આ ચૂંટણી પહેલા પ્રચાર પ્રસાર તેજ કરવા હવે નવી રણનીતિ બનાવી છે અને ડીજીટલ ઈનોવેશન તરફ આગળ વધ્યું છે.
ગુજરાત ભાજપનું વધુ એક ડિજિટલ સ્ટેપ
ગુજરાત ભાજપ (Gujarat BJP)એ વધુ એક ડિજિટલ સ્ટેપ લીધું છે. ગુજરાત ભાજપ આઈટી સેલ (BJP IT CELL) દ્વારા ખાસ એપ સાથે ટેબ્લેટ (special tablet) તૈયાર કરવામાં આવ્યા છે. હવે પ્રચાર-પ્રસારમાં ઢીલા નેતાઓની છટકબારી બંધ થશે. ટૂંક સમયમાં આ ટેબનું લોન્ચિંગ કરવામાં આવશે. પહેલા ફેઝમાં 400થી વધુ સંગઠન પદાધિકારીઓને આ ખાસ ટેબ આપવામાં આવશે.
ટેબ એક- કામ અનેક
ગુજરાત ભાજપ (Gujarat BJP)એ તૈયાર કરેલા ખાસ ટેબના (special tablet) માધ્યમથી નેતાઓની તમામ મુવમેન્ટના ઓન ટાઈમ ડેટા મેળવી શકાશે, ત્યાં બીજી તરફ રાજ્ય સરકાર તથા કેન્દ્ર સરકારની યોજનાઓનો ડેટા પણ ટેબ્લેટમાં અપડેટ કરી શકાશે. સાથે જ હાલમાં ચાલી રહેલા તમામ પેપરવર્કને ટુંક સમયમાં પેપરલેસ કરવામાં આવશે.
મહત્વની બેઠકો પણ એપના માધ્યમથી કરી શકાશે. જો કે આ એપનું તમામ મોનિટરીંગ તેમજ ડેટા અપડેટ કમલમ આઈટી (BJP IT CELL)ની ટીમ દ્વારા કરવામાં આવશે. દેશભરમાં ગુજરાત ભાજપ દ્વારા કરાયેલો આ પ્રથમ પ્રયોગ છે. જો આ પ્રયોગમાં સફળતા મળશે તો કેન્દ્ર સ્તરેથી વધુ એક વાર ગુજરાત મોડેલને સંગઠન માટે અપનાવવામાં આવશે.
આ પણ વાંચો: LJP માંથી ચિરાગ પાસવાન આઉટ પશુપતિ કુમાર પારસ ઇન, બન્યા નવા અધ્યક્ષ