આરોગ્ય મંત્રી ઋષિકેશ પટેલનું મોટું નિવેદન- ‘રાજ્યના દરેક જિલ્લામાં મેડીકલ કોલેજ બનાવવામાં આવશે’

રાજ્યમાં મેડિકલ કોલેજને લઈને આરોગ્ય પ્રધાન ઋષિકેશ પટેલે મોટું નિવેદન આપ્યું છે. આરોગ્ય મંત્રીએ કહ્યું કે ગુજરાતના દરેક જિલ્લામાં મેડીકલ કોલેજ બનાવવામાં આવશે. ઋષિકેશ પટેલે આ નિવેદન મહેસાણામાં ભાજપના કાર્યાલય ખાતે આપ્યું હતું. ભાજપ કાર્યાલય પહોંચેલા આરોગ્ય પ્રધાન ઋષિકેશ પટેલે આ મોટી જાહેરાત કરી છે. ત્યાં તેમણે જણાવ્યું કે એક તબક્કે રાજ્યમાં ડોક્ટર્સની પ્રતીક્ષા યાદી બનાવવી પડે તેવી સ્થિતિનું નિર્માણ થશે. ઉપરાંત આરોગ્ય મંત્રીએ એમ પણ કહ્યું કે 2022 સુધીમાં ગુજરાતમાં મેડીકલની 6400 સીટો ઉપલબ્ધ થશે. તો નર્સિંગ સ્ટાફમાં પણ માત્ર 20 ટકાની જ ઘટ હોવાની વાત આરોગ્ય પ્રધાને કરી છે.

આ સાથે તમને એ પણ જણાવી દઈએ કે મંત્રી પદ સંભાળ્યા બાદ તેઓ પહેલીવાર વિસનગર પહોંચ્યા હતા. સાથે જ જન આશીર્વાદ યાત્રામાં તેમણે મહેસાણા સિવિલની મુલાકાત પણ લીધી હતી. આરોગ્ય મંત્રી ઋષિકેશ પટેલે મહેસાણા શહેરમાં આવેલી સિવિલની મુલાકાત દરમિયાન કામગીરીનું નિરીક્ષણ કર્યું હતું. સિવિલમાં થતા વિવિધ વિભાગના કામનું તેમણે નિરીક્ષણ કર્યું. તેમન કોવિડ ટેસ્ટ માટેની આર.ટી.પી.સી.આર લેબ, ડેન્ટલ વિભાગ, જનરલ વોર્ડ જેવા કેન્દ્રોની મુલાકાત કરી હતી. આ દમિયાન ભાજપ કાર્યાલયની મુલાકાળ દરમિયાન આરોગ્ય મંત્રીએ દરેક જિલ્લામાં મેડિકલ કોલેજ બનાવવાની વાત કરી છે.

આ પણ વાંચો: લખીમપુરમાં પ્રિયંકા ગાંધી સાથે પોલીસે કરેલા ગેરવર્તનના આક્ષેપ સાથે ગુજરાત કોંગ્રેસનું વિરોધ પ્રદર્શન

આ પણ વાંચો: બાપ રે! અહીંયા રોજના 120 કિલો ભૂંગળા-બટેટા ઝાપટી જાય છે ભાવનગરીઓ, જાણો આ આઈટમ વિશે