DEVBHUMI DWARAKA : ખંભાળીયાના માંઝા ગામે કાર-બાઈક વચ્ચે અકસ્માત, ત્રણના મૃત્યુ
DEVBHUMI DWARAKAના ખંભાળીયાના માંઝા ગામના પાટીયા પાસે પીકઅપ કાર અને બાઈક વચ્ચે અકસ્માતમાં કુલ 3 લોકોના મૃત્યુ થયા છે.
DEVBHUMI DWARAKAના ખંભાળીયાના માંઝા ગામના પાટીયા પાસે પીકઅપ કાર અને બાઈક વચ્ચે અકસ્માત સર્જાયો હતો. આ અકસ્માતમાં બે વ્યક્તિઓના ઘટનાસ્થળે જ મૃત્યુ થયા હતા. જયારે એક બાળક ગંભીર રીતે ઈજાગ્રસ્ત થયું હતું. બાળકને સારવારે માટે 108 મારફતે દવાખાને ખસેડવામાં આવ્યું હતું. દવાખાનામાં સારવાર દરમિયાન બાળકનું મૃત્યુ થયું હતું. અકસ્માતની આ ઘટનામાં કુલ 3 લોકોના મૃત્યુ થયા છે.
રાજ્યમાં રવિવારનો દિવસ ગોઝારો રહ્યો છે. DEVBHUMI DWARAKAના ખંભાળીયામાં પીકઅપ કાર અને બાઈક વચ્ચે સર્જાયેલા અકસ્માતમાં 3ના મૃત્યુ થયા, સુરેન્દ્રનગરમાં ધ્રાંગધ્રા-હળવદ રોડ પર STબસ-કાર વચ્ચે અકસ્માતમાં 3ના મૃત્યુ થયા અને ભાવનગર-અમદાવાદ રોડ પર કાર અને ટ્રક વચ્ચે સર્જાયેલા અકસ્માતમાં 2ના મૃત્યુ થયા.