Devbhoomi Dwarka: મરીન ઈન્સ્ટિટ્યુટની બોગસ ડિગ્રીના કેસમાં SOGએ વધુ બે આરોપીને ઝડપી પાડ્યા
દેવભૂમિદ્વારકાના મુખ્ય મથક ખંભાળિયાથી મરીન ઈન્સ્ટિટ્યૂટના નામે બોગસ ડિગ્રી સર્ટિફેકિટ બનાવવાના કેસમાં વધુ બે આરોપી ઝડપાયા છે. SOGની ટીમે બાતમીના આધારે અગાઉ 4 શખ્સોને ઝડપી પાડ્યા હતા.
દેવભૂમિદ્વારકાના (Devbhoomi Dwarka) મુખ્ય મથક ખંભાળિયાથી મરીન ઈન્સ્ટિટ્યૂટના નામે બોગસ ડિગ્રી સર્ટિફેકિટ બનાવવાના કેસમાં વધુ બે આરોપી ઝડપાયા છે. SOGની ટીમે બાતમીના આધારે અગાઉ 4 શખ્સોને ઝડપી પાડ્યા હતા. SOGની તપાસમાં અત્યાર સુધીમાં 28 વ્યક્તિઓએ બોગસ સર્ટિફિકેટ (Bogus certificate) બનાવ્યાનું સામે આવ્યું છે. જેના થકી અલગ-અલગ બોટ, ટગમાં ઉંચા પગારની નોકરી મેળવતા હોવાનો ખુલાસો થયો છે. મુખ્ય આરોપી બિહારના પટનાનો અમિત કુમાર ફરાર છે. આ સર્ટિફિકેટ માટે અમિત કુમારને 22 હજારથી લઈને 80 હજાર સુધીની રકમ બેંક મારફતે ચુકવવવામાં આવી હતી. આ સમગ્ર કેસમાં વધુ કેટલાક લોકો સંડોવાયેલા હોવાની આશંકા છે. SOGએ કેસમાં સંકળાયેલા વધુ આરોપીઓને ઝડપી પાડવા તપાસ હાથ ધરી છે.
ખંભાળિયામાં ખેતીવાડી, પશુપાલન, બાગાયત અને “આત્મા” પ્રોજેકટની સયુંકત મિટિંગનું આયોજન
દેવભૂમિ દ્વારકા જિલ્લાના ખંભાળિયા સ્થિત જિલ્લા પંચાયત કચેરી ખાતે અહીંના જિલ્લા કલેક્ટરના અધ્યક્ષ સ્થાને ગઈકાલે ખેતીવાડી, પશુપાલન, બાગાયત અને “આત્મા” પ્રોજેકટની સયુંકત મિટિંગનું આયોજન કરવામાં આવ્યું હતું. જેમાં આત્મા ખેડૂત મિત્ર અને સંયોજકોને ગાય આધારિત પ્રાકૃતિક ખેતી વિશે માર્ગદર્શન આપવામાં આવ્યું હતું. સાથે જ ગાય આધારિત પ્રાકૃતિક ખેતીનો વ્યાપ કઈ રીતે વધારી શકાય તે અંગે પણ વાત કરવામાં આવી હતી.
આ મિટિંગ અંતર્ગત જિલ્લા કલેકટર (District Collector) અને જિલ્લા વિકાસ અધિકારી દ્વારા ઉપસ્થિત અન્ય અધિકારીઓ તેમજ આત્મા ખેડૂત મિત્ર અને સંયોજકને ગાય આધારિત પ્રાકૃતિક ખેતી વિશે માર્ગદર્શન આપવામાં આવ્યું હતું.
Latest News Updates
