Dang: સખત પરિશ્રમ બાદ ગોલ્ડન ગર્લ સરિતા ગાયકવાડે પોતાનું નવું મકાન બનાવ્યું , દીકરીની પ્રગતિ જોઈ પિતા બન્યા ભાવુક

ડાંગ જિલ્લાના (Dang) અંતરિયાળ ગામમાં રહીને દેશનું નામ રોશન કરનાર ગોલ્ડન ગર્લ સરિતા ગાયકવાડે (Sarita Gaekwad) પોતાની એક અલગ ઓળખ બનાવી છે. સખત સઘર્ષ અને પરિશ્રમ બાદ પોતાના સપનાનું ઘર એવું નવું મકાન બનાવ્યુ છે. નવા મકાનના ગૃહ પ્રવેશ પ્રસંગે માતા પિતાના આશીર્વાદ લેતાજ પિતા ભાવુક બન્યા હતા અને તેમની આંખો ભરાઈ ગઈ હતી.

ભગવાન સત્યનારણની કથા સાથે ગૃહ પ્રવેશ કરતી દીકરી સરિતાની મહેનત અને પ્રગતિ ના સાક્ષી એવા માતા પિતાએ તેને વ્હાલ કરી આશીર્વાદ આપ્યા હતા, સરિતાએ આ સમયે પોતાનું સ્વપ્ન પૂરું થતા ખુશી વ્યક્ત કરી હતી. ઉલ્લેખનીય છે કે, તત્કાલીન મુખ્યમંત્રી અને હાલના દેશના વડાપ્રધાન નરેન્દ્ર મોદીએ ગ્રામીણ વિસ્તારોના બાળકોમાં રહેલ સુષુપ્ત શક્તિને બહાર કાઢવા માટે ખેલ મહાકુંભની શરૂઆત કરી હતી. જેને કારણે ડાંગ જેવા આદીવાસી અને પછાત વિસ્તારમાં એ પણ ખુબજ અંતરિયાળ ગામમાં કોઈ પણ સુવિધા વગર ઉછરેલી સરિતા ગાયકવાડ મહેનતથી આજે પોતાની અલગ ઓળખ બનાવી છે. અને ગરીબીમાંથી પોતાના પરિવાર બહાર લાવી એક સુવિધા સભર જીવન આપ્યું છે.

Web Stories View more

કથાકાર જયા કિશોરી ગુસ્સે થાય ત્યારે શું કરે છે? જાતે ખોલ્યા રાઝ

એક નાની ઈલાયચીનું સેવન કરવાથી થશે અઢળક ફાયદા

ગુજરાતની ટીમમાં રમતી મહિલા ખેલાડીએ ગર્લફ્રેન્ડ સાથે કરી સગાઈ, તસવીરો આવી સામે

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

આમ રમતગમત ક્ષેત્રમાં નામના મેળવી સરિતા ગાયકવાડે પોતાના પરિવાર માટે પુત્રની પણ ગરજ સારી હોય તેમ ઘરનું સપનું પૂર્ણ કર્યું છે. તમને જણાવી દઈએ કે, થોડા દિવસો પહેલા જ સરિતા ગાયકવાડના પિતાને ઘરમાં લપસી જવાથી માથામાં ઇજા પહોંચી હતી. તે સમયે પણ ટ્રેક પર દોડતી અને ગુજરાતની પી.ટી.ઉષા કહેવાતી સરિતા ગાયકવાડે દોડ લગાવીને પોતાનો પિતાનો જીવ બચાવ્યો હતો. 108 આવતા મોડું થાય એમ હોય સરિતાએ એમ્બ્યુલન્સની રાહ જોયા વગર પિતાને ઉપાડીને દોડ લગાવી હતી. સરિતા મુખ્યમાર્ગ સુધી આવી બાદમાં પિતાને કારમાં લઈને 35 કિમી દૂર આહવા સિવિલ હોસ્પિટલ લઈને દોડી હતી. સરિતાના પિતા આ વાતથી પણ ગદગદ થઈ ગયા હતા. તેઓએ જણાવ્યું હતું કે, સરિતા જેવી દીકરી હોય તો દીકરાની ગરજ પુરી થાય એમ છે. જેમણે રમતગમતમાં પરિવારનું નામ ઉજાળીને પરિવારના સભ્યોની પણ એટલી જ દેખરેખ રાખી છે.