Ahmedabad એરપોર્ટ પર ભારે પવનથી એરક્રાફ્ટને થયું નુકશાન, જાણો વિગતે
બુધવારે રાત્રે અમદાવાદ(Ahmedabad)માં ભારે પવન સાથે વરસાદ વરસ્યો હતો જેને કારણે અમદાવાદ એરપોર્ટ(Airport)પર પાર્ક કરાયેલા 5 એરક્રાફ્ટ(Aircraft)માં નુકસાન થયું છે.
ગુજરાતમાં ભલે નૈઋત્યનું ચોમાસુ આગળ ન વધી રહ્યું હોય પરંતુ સાયકલોનીક સિસ્ટમના કારણે રાજ્યમાં ભારે પવન સાથે વરસાદ અલગ અલગ જિલ્લામાં વરસાદ વરસી રહ્યો છે. જેમાં બુધવારે રાત્રે અમદાવાદ(Ahmedabad)માં ભારે પવન સાથે વરસાદ વરસ્યો હતો જેને કારણે અમદાવાદ એરપોર્ટ(Airport)પર પાર્ક કરાયેલા 5 એરક્રાફ્ટ(Aircraft)માં નુકસાન થયું છે.
એરપોર્ટ પર પાર્ક કરાયેલા 5 એરક્રાફ્ટમાં નુકસાન
બુધવારે મોડી રાત્રે અમદાવાદમાં 40થી 50 કિલોમીટર પ્રતિ કલાકની ઝડપે પવન ફૂંકાયો હતો જેને કારણે અમદાવાદ એરપોર્ટ(Airport) પર પાર્ક કરાયેલા 5 એરક્રાફ્ટ(Aircraft)માં નુકસાન થયું છે. એરપોર્ટ પર લેન્ડિંગ તેમજ ટેકઓફ થતા એરક્રાફ્ટમાંથી મુસાફરોને ઉતરવા તેમજ ચડવા માટે પૈડાં વાળી સીડી (લેડર) નો ઉપયોગ કરવામાં આવતો હોય છે આ સીડી ભારે પવનના કારણે એરપોર્ટ રનવે પર ફંગોળાઈ હતી જે એરપોર્ટ(Airport)પર પાર્ક કરાયેલા વિવિધ એરક્રાફ્ટ(Aircraft) સાથે ટકરાઈ હતી જેને કારણે એરક્રાફ્ટની વીંગ્સ (પાંખ) માં નુકશાન થયું છે.
3 IndiGo aircraft and 2 Go Air aircraft sustained minor/non-structural damages after #Ahmedabad airport was hit by a thunderstorm last evening.#Gujarat #TV9News #Monsoon2021 #GujaratRains pic.twitter.com/07ZCCjGE07
— tv9gujarati (@tv9gujarati) June 17, 2021
સ્ટાફની કોઈ જાનહાની નહિ
ગઈકાલે જ્યારે ભારે પવન ફૂંકાવાની શરૂઆત થઈ ત્યારે અમદાવાદ એરપોર્ટ પર તૈનાત CISFનો સ્ટાફ રન પર દોડી આવ્યો હતો. જેમણે વિવિધ સીડીને સલામત સ્થળે ખસેડી દીધી હતી. જો કે તે દરમ્યાન જ પાર્કિંગ એરિયાની બાજુમાં પડેલી સીડી હવામાં ફંગોળાઈ હતી જેને કારણે ગો એર, સ્પાઇસ જેટ તેમજ ઇન્ડિગોની એરલાઇન્સને નુકસાન થયું હતું.જો કે આ ઘટનામાં સ્ટાફની કોઈ જાનહાની નહોતી થઈ.