CHHOTA UDEPUR : લાંબા વિરામ બાદ ફરી એક વાર મેઘરાજા મહેરબાન, જિલ્લાના 6 તાલુકા પૈકી 4 તાલુકામાં ધોધમાર વરસાદ
આ તાલુકાઓમાં સવારથી જ વાદળછાયું વાતાવરણ અને વરસાદી માહોલ સર્જાયો હતો. મેઘરાજાએ ધમાકેદાર બેટિંગ કરતાં જ બોડેલી નગરના રસ્તાઓ પર પાણી ફરી વળ્યાં છે.
CHHOTA UDEPUR : છોટાઉદેપુર જિલ્લામાં લાંબા વિરામ બાદ ફરી એક વાર મેઘરાજા મહેરબાન થયા છે. છોટાઉદેપુર જિલ્લાના 6 તાલુકા પૈકી 4 તાલુકામાં ધોધમાર વરસાદ પડ્યો છે. છોટાઉદેપુર જિલ્લાના બોડેલી, પાવીજેતપુર, છોટાઉદેપુર, સંખેડા તાલુકામા ધોધમાર વરસાદ પડતા વાતાવરણમાં ઠંડક પ્રસરી છે. આ તાલુકાઓમાં સવારથી જ વાદળછાયું વાતાવરણ અને વરસાદી માહોલ સર્જાયો હતો. મેઘરાજાએ ધમાકેદાર બેટિંગ કરતાં જ બોડેલી નગરના રસ્તાઓ પર પાણી ફરી વળ્યાં છે. સવારના 8 થી 10 વાગ્યાના વરસાદી આંકડા જોઈએ તો પાવીજેતપુરમાં 27 mm, બોડેલીમાં 19 mm અને છોટાઉદેપુરમાં 17 mm વરસાદ પડ્યો છે.