અરવલ્લી: મોડાસાના કોલીખડ પાસે 3 ટ્રક વચ્ચે અકસ્માત બાદ ત્રણેય વાહનોમાં આગમાં લપેટાયા, 6 ના મોતની આશંકા, 1 ને ઈજા

અરવલ્લી (Aravalli)  જિલ્લાના મોડાસા નજીક આવેલા કોલીખડ (Kolikada Accident) પાસે અકસ્માત સર્જાયો છે. અકસ્માત બાદ એક કાર સહિત 3 જેટલા વાહનો આગમાં લપેટાયા છે. આગમાં લપેટાઈ જતા 6 જેટલા લોકોના મોત નિપજ્યા હોવાની સંભાવના જણાઈ રહી છે. વાહનોમાં આગ લાગવાને લઈને મોડાસા (Modasa) નગર પાલિકાના ફાયર ફાયટર ઘટના સ્થળે પહોંચી ચુક્યા છે અને આગ પર કાબૂ મેળવવા માટે પ્રયાસ કરવામાં આવ્યો છે. જે પ્રમાણેમાં સ્થાનિક પ્રત્યદર્શીઓથી વિગતો પોલીસ દ્વારા મેળવવામાં આવી રહી છે. તે મુજબ અકસ્માતમાં 6 લોકો ભોગ બન્યા હોઈ શકે છે. ઘટનામાં જે પ્રમાણે આગે વાહનોને લપેટામાં લીધા હતા તે મુજબ શરુઆતમાં પોલીસ અને ફાયરને કેટલા વાહનો આગમાં લપેટાયા છે, અંદાજ લગાવવો પણ મુશ્કેલ બની ગયો હતો.

ઘટનાને પગલે કોલીખડ નજીકથી પસાર થતા સ્ટેટ હાઈવેને સ્થાનિક પોલીસ દ્વારા ડાયવર્ટ કરી દેવામાં આવ્યો છે. સ્ટેટ હાઈવે પર સામાન્ય રીતે જ ખૂબ જ મોટા પ્રમાણમાં ટ્રાફીક રહેતો હોય છે અને જેને લઈને અકસ્માત બાદ વાહનોની લાંબી કતારો સર્જાઈ હતી. ઘટનાને પગલે મોડાસા અને આસપાસથી અન્ય પોલીસ ટીમો અને ઉચ્ચ અધિકારીઓ ઘટના સ્થળ પર દોડી આવ્યા હતા. જેઓએ ટ્રાફીકને ડાયવર્ટ કરવા પ્રયાસ શરુ કર્યો હતો.

ઓવરટેઈક કરવાની ગફલતે અકસ્માત સર્જ્યોઃ એસપી

એસપી સંજય ખરાત પણ ઘટનાને લઇને સ્થળ પર પહોંચ્યા હતા. તેઓએ કહ્યુ હતુ કે, 3 ટ્રકો વચ્ચે આ અકસ્માત સર્જાયો હોવાનુ જાણી શકાયુ છે. એક ટ્રકના ચાલકે ઓવરટેઈક કરવામાં ગફલત કરતા આ અકસ્માત સર્જાયો હતો. અકસ્માત બાદ ત્રણેય ટ્રકોમાં આગ ફેલાઈ ગઈ  હતી. એક ટ્રકમાં પેઈન્ટનો જથ્થો ભરેલો હતો. જેને લઈને પેઈન્ટના કારણે આગે વિકરાળ સ્વરુપ પકડ્યુ હતુ. આગને કાબુમાં લેવા માટે ફાયરની ટીમો કામે લાગી છે. પરંતુ હજુય પરિસ્થિતી સંપૂર્ણ પણે નિયંત્રણમાં લઈ શકાઈ નથી. આગમાંથી એક ડેડબોડીને બહાર નિકાળી શકાઈ છે. હજુ વધુ ત્રણેક ડેડ બોડીને બહાર નિકાળવા માટેની કાર્યવાહી જારી છે. એક વાહનનો ચાલક ઈજાગ્રસ્ત છે અને જેને મોડાસા ખાતે સારવાર આપવામાં આવી રહી છે.

Web Stories View more

લગ્નન પત્રિકા પર ભગવાનનો ફોટો છાપવો જોઈએ કે નહીં? પ્રેમાનંદ મહારાજે જણાવ્યું

ડાયાબિટીસમાં ખાઈ શકો છો આ 8 મીઠી વસ્તુ, જુઓ લિસ્ટ

કથાકાર જયા કિશોરીને રસોઈ બનાવતા આવડે છે? જાતે આપ્યો જવાબ

700 કારીગરોએ બનાવ્યો હિરામંડીનો સૌથી મોટો સેટ , જુઓ ફોટો

ઉનાળામાં વધી રહ્યો છે ચિકનપોક્સનો ખતરો, જાણો બચવાના ઉપાય

ગરમીમાં વારંવાર થઈ જતા Loose Motionથી બચવા શું કરશો? જાણો અહીં.

ટ્રાફીક અને અકસ્માત બાદ આગને નિયંત્રણમાં લેવાની કામગીરી ચાલુ હોવાને લઇને વાહનચાલકોને પણ અન્ય રુટથી અવર જવર કરવા માટે અપિલ કરવામાં આવી છે. ગ્રામ્ય રસ્તાઓ પરથી હાલ મોડાસા નડીયાદ હાઈવેના ટ્રાફીકને ડાયવર્ટ કરવાનો પ્રયાસ કરવામાં આવ્યો છે.