બોટાદમાં મહિલા કોન્સ્ટેબલે ગળેફાંસો ખાઈ જીવન ટૂંકાવ્યું, પોલીસ બેડામાં ગમગીની છવાઈ
હનુમાન પૂરી વિસ્તારમાં આવેલા મકાનમાં મહિલા કોન્સ્ટેબલે ગળેફાંસો ખાઈને જીવન ટુંકાવ્યું છે. મૃતદેહને પીએમ માટે સરકારી હોસ્પિટલ ખસેડાયો છે.
દિવાળીના (Diwali) પર્વ પર બોટાદના પોલીસ બેડામાં ગમગીની છવાઈ છે. બોટાદ જિલ્લા પોલીસ હેડ ક્વાર્ટરની મહિલા કોન્સ્ટેબલે આત્મહત્યા (Constable Suicide) કરી છે. હનુમાન પૂરી વિસ્તારમાં આવેલા મકાનમાં ગળેફાંસો ખાઈને જીવન ટુંકાવ્યું છે. મૃતદેહને પીએમ માટે સરકારી હોસ્પિટલ ખસેડાયો છે. મહિલાના આપઘાત કરવા પાછળનું કારણ અકબંધ રહ્યું છે. તહેવાર સમયે મહિલા કોન્સ્ટેબલના આપઘાતથી સમગ્ર પોલીસ (Botad Police) બેડામાં ચકચાર ફેલાઈ છે.
A female constable commits suicide for unknown reasons at District Police Headquarters #Botad #Gujarat #TV9News pic.twitter.com/tX4S7Ndy2Q
— Tv9 Gujarati (@tv9gujarati) October 23, 2022
અમદાવાદના રાણીપ વિસ્તારમાં પણ આ પ્રકારની ઘટના
થોડા દિવસો અગાઉ અમદાવાદના રાણીપ વિસ્તારમાં જૂના સ્વામિનારાયણ વાસમાં રહેતા મહિલા પોલીસ કોન્સ્ટેબલ (Constable) ભાવનાબેન ડાભીએ પોતાના ઘરમાં ગળાફાંસો ખાઈ આપઘાત કરી લીધો હતો. ભાવનાબેન ડાભી 2016માં LRD તરીકે ભરતી થયા હતા. દોઢ વર્ષ પહેલા જ ભાવનાબેનના લગ્ન વાડજ પોલીસ સ્ટેશનમાં કોન્સ્ટેબલ તરીકે ફરજ બજાવતા ભદ્રેશભાઈ ડાભી સાથે થયા હતા. દોઢ વર્ષના લગ્ન જીવન દરમિયાન બંને પતિ પત્ની વચ્ચે નાની મોટી બાબતે ગૃહકંકાસ ચાલતો હતો. જેનાથી કંટાળીને ભાવનાબેનએ આત્મહત્યા કરી હતી.